Read urhobo Une rẹ Ejiro 65 Bible Online

Une rẹ Ejiro 65 - urhobo bible

Une rẹ Ejiro 65

¹Ejirọ fo we, E Ọghẹnẹ, vwi Zayọn, wẹ e che ve ive ejobi kẹ,

²E wọwẹ ro nyo ẹrhovwo mọ Wọwẹ ọye ihwo ejobi che bru rhe

³fiki rẹ imwemwu. Ọke rẹ ogbeku rẹ avwanre de shenyẹ avwanre, we ri vwo ghovwo ayen.

⁴Ebruphihọ kẹ ohwo ro wọ jẹreyọ ne o si kẹrẹ owẹ, rọ dia ọguan wẹn! Evun rẹ erhuvwu rẹ uwevwi wẹn cha vọn avwanre, uwevwi ọfuanfon wẹn na!

⁵Vwẹ uruemu ro muoshọ ọye wọ vwọ vwẹ esivwo wẹn kpahe kẹ avwanre, E Ọghẹnẹ rẹ esivwo rẹ avwanre, wẹ iphiẹrohọ rẹ oba rẹ akpọ na ejobi, kugbe ayen re hẹ obo ẹtan rẹ abadi.

⁶wẹ re vwẹ ogangan wẹn mu igbenu mudia kokoroko, wọ da vwẹ ẹgba rhuo oma riariẹ,

⁷wọwẹ ri ru edo rẹ abadi fọ, edo rẹ ọgboghọ rayen, kugbe oseghe rẹ ihwo;

⁸ọtiọye na ayen otu re dia obo ẹtan rẹ akpọ ke djẹ oshọ rẹ oka wẹn; wọwẹ ri ru ẹcha rẹ irhiọke vẹ ovwọnvwọn vwo kperi ukperi rẹ aghọghọ

⁹Wẹ ri nẹ akpọ na wọ me vwẹ ame ruọrhuọ, wẹ re nẹrhẹ oyovwi emu gangan; urhie rẹ Ọghẹnẹ vọnre vẹ ame; wọwẹ re ghwẹ eka rayen phihọ, kidie ọtiọye wọ rhuẹrẹ phihọ.

¹⁰Wẹ ri ku ame phihọ ẹrhẹn enẹ na wo de hworo mu osunsun, wọ da vwẹ eghwẹghwẹ rẹ osio vwọ kpọrhọ otọ na, wo de bruphihọ kẹ ẹdjẹcha rẹ ekankọn na.

¹¹We ri phi oburhubu wẹn phihọ ukpe na; usun rẹ ekpẹrẹ wẹn ejobi ro suẹn prapra vẹ ivwri.

¹²Odi rẹ aghwa na re suame prapra, igbenu itete na vwẹ aghọghọ rhuẹrẹ oma,

¹³Aton na ejobi vwẹ igegede rhuẹrẹ oma, iyara na ejobi vwẹ eka rhuẹrẹ oma, ayen kperẹ ayen koko so ine rẹ aghọghọ.