Read urhobo Une rẹ Ejiro 75 Bible Online

Une rẹ Ejiro 75 - urhobo bible

Une rẹ Ejiro 75

¹Avwanre vwẹ ẹkpẹvwẹ kẹ wẹ, E Ọghẹnẹ, avwanre kpẹvwẹre; avwanre se odẹ wẹn me de kere uruemu re igbunu wẹn.

²Vwẹ oghẹre rẹ ọke ri mi bruru ki mi che brorhiẹ abavo.

³Ọke re akpọ na da gẹre ọchọn, vẹ ihwo re dia evun rọye ejobi, Mẹvwẹ ọye re kpọ ichivwo rọye viẹ

⁴Me da ta kẹ ọyeyan, Wọ gbe yeya-an, kẹ ohwo umwemwu, wọ gbe kpare ighoro wẹn kpenu-u,

⁵Wọ gbe kpare ighoro wẹn kpenu-u, wọ rha ta ota re arueyivwọ phi ohọre-e.

⁶Kidie ọ dianẹ obaro ọnre eyẹ obuko ọnre eyẹ evun rẹ aghwa ọye oma ekparọ kpenu nẹ cha-a;

⁷ẹkẹvuọvo Ọghẹnẹ ọye ri brọrhiẹ, ọye re vwẹ ọvo kpoto ọ me rha kpare ọfa kpenu.

⁸Kidie vwẹ obọ rẹ Ọrovwohwo uko herọ, ẹe udi ro gbe iphughẹ, ra nabo gua, ko che ku udi na no, ihwo imwemwu rẹ akpọ na ejobi ke cha da re duvwu ikiẹn

⁹Ẹkẹvuọvo me sa ghọghọ bẹdẹ, Me sa so ine kẹ Ọghẹnẹ ri Jekọp.

¹⁰Ighoro rẹ ohwo umwemwu ejobi ka nyavwe ayen kufia, ẹkẹvuọvo ighoro re ọvwata ka kparo kpenu.