Read urhobo Une rẹ Ejiro 77 Bible Online

Une rẹ Ejiro 77 - urhobo bible

Une rẹ Ejiro 77

¹Me van kperi se Ọghẹnẹ, van gangan se Ọghẹnẹ, rere o vwo nyo vwe.

²Vwẹ ẹdẹ rẹ ukpokpogho mẹ me da guọnọ Ọrovwohwo; vwẹ ọke rẹ ason me da hẹrẹ abọ mẹ ye oma rhọ vwẹ-ẹ; ẹnwẹ mẹ rha guọnọ nẹ e bru ọye uche-e.

³Mi de roro Ọghẹnẹ, mi de beroma; Mi de se umẹ, erhi mẹ ko sherua.

⁴Wọwẹ re nẹrhẹ iphophẹro mẹ je rhurho, ukpokpogho mẹ rhoro gangan o rhe ju vwe ta ota-a

⁵Mi de roro ẹdẹ rẹ awanre, me da karohọ ikpe ri krire.

⁶Me vẹ udu mẹ de gbe ikun vwẹ ason; mi de roro me da hiẹ otọ rẹ erhi mẹ

⁷Kẹ Ọrovwohwo ghwe ku aro fia bẹdẹ, ọ rha rhoma vwo ẹroesiri-i?

⁸Kẹ ẹguọnọ rọye ro jẹ rhẹriẹ na ghwe fue nure? iveve rọye na ki ghwe vwo oba bẹdẹ?

⁹Kẹ ehrọre chọrọ Ọghẹnẹ ẹro bẹdẹ? kọ vwẹ ophu rọye huhu ẹchẹ gbe ebo rẹ ehrọre rọye?

¹⁰Me da ta, Ophu mẹ re sorọ rẹ obọrhe rẹ O ro Me Kpenu vwo kurhẹriẹ.

¹¹Me cha rhoma karoho uruemu rẹ Ọrovwohwo na, e, me sa karohọ igbunu wẹn rẹ awanre na.

¹²Me sa jẹn iroro kpahe iruo wẹn ejobi, re omavwerhe ovwẹ kpahe uruemu rẹ ẹgba wẹn.

¹³Idjerhe wẹn, E Ọghẹnẹ ọfuanfon. didi ọghẹnẹ re rhoro kerẹ Ọghẹnẹ rẹ avwanre na

¹⁴Wọwẹ Ọghẹnẹ ro ru iruo rẹ igbunu, rọ vwẹ ẹgba rọye phia vwẹ ohri rẹ ihwo.

¹⁵Wọwẹ re vwẹ ugbobọ wẹn tan ihwo wẹn, emọ ri Jekọp kugbe Josẹf.

¹⁶Ọke rẹ ame na vwọ mrẹ wẹ, E Ọghẹnẹ, ọke rẹ ame na vwọ mrẹ wẹ, oshọ de mu ayen, e, ikokodo na de kpogho,

¹⁷irharheghe na de ku ame phihọ otọ, agbrara da va nẹ obenu rhe, edada wẹn da nyavwaro vwi kabọ kabọ.

¹⁸Ovan rẹ aghrara wẹn na da hẹ evun rẹ ogiribo; enu ẹnyavwọ na da vwẹ orẹmrẹ kẹ akpọ ejobi, akpọ na phariẹre o de kpogho.

¹⁹Idjerhe wẹn na abadi ọ wan vrẹn, ada wẹn kẹ ame rode ọ wanre; dede na ichiyotọ wẹn a mrẹrẹ-ẹ.

²⁰Wọwẹ ri sun ihwo wẹn kerẹ igegede vwẹ obọ ri Mosis kugbe Erọn.