Read urhobo Isẹ 14 Bible Online

Isẹ 14 - urhobo bible

Isẹ 14

¹Aghwanre nabọ bọn uwevwi rọye, ẹkẹvuọvo ughenghẹn me rha vwẹ abọ rọye guọghọ uwevwi rọye tẹ otọ.

²Ohwo rọ yan vwẹ idjerhe rẹ ọsoso djẹ oshọ rẹ Ọrovwohwo na, ẹkẹvuọvo ohwo ro gbẹ ozighi jẹ kuẹfia.

³Ota rẹ ẹkpa ọyẹ ophiaphiẹ re vwo hwe, ẹkẹvuọvo unu rẹ ọvwaghwanre ọye ri sivwẹ ayen.

⁴Asan rẹ irhuẹn epha-a urhuẹ dia-a, ẹkẹvuọvo ogangan rẹ erhuẹn ọye nẹrhẹ emamọ buẹ.

⁵Omamọ rẹ oseri vwọrọn ofia-an, ẹkẹvuọvo oseri rẹ ofian vwọrọn efian.

⁶Ọjẹjẹfia da guọnọ aghwanre ọ mrẹ-ẹ, ẹkẹvuọvo erianriẹn epha nọnọhọ kẹ ohwo ro vwo ẹruọ.

⁷Kẹnẹ oma kẹ ẹkpa, kidie wọ cha mrẹ eta rẹ aghwanre reyọ mie-e.

⁸Aghwanre rẹ ọvwiroro ọye ri dje idjerhe kẹ, ẹkẹvuọvo ughenghẹn rẹ ẹkpa rhoma phiẹn.

⁹Ọghẹnẹ vwẹ ohwo umwemwu jẹ ehwẹ; ẹkẹvuọvo ohwo esiri mrẹ aroesiri rọye.

¹⁰Udu rẹ ohwo ọvo re riẹn ọdjarhe rọ hẹ evun rọye, eriyin na ohwo ọfa je sa riẹn aghọghọ rọ evun rọye-e.

¹¹A cha guọghọ uwevwi rẹ ohwo umwemwu na, ẹkẹvuọvo utughẹ rẹ ohwo esiri na cha rho phihọ.

¹²Idjerhe ọvo herọ rọ pha yoyovwi vwẹ aro rẹ ohwo, ẹkẹvuọvo oba rọye kẹ idjerhe rẹ ughwu.

¹³Owenẹ vwẹ evun rẹ ehwẹ na yẹ udu di muomahọ, oba rẹ aghọghọ yena kẹ uvweri.

¹⁴Ohwo ọchọchọ cha ria evun vọn vwẹ oma rẹ emamọ rọ kọnre, eriyin ohwo esiri je re omamọ rẹ iruo rọye.

¹⁵Ogbori se kemu kemu ejobi gbuyota, ẹkẹvuọvo ohwo ro vwo iroro obọ rọ ra ọye o nẹ.

¹⁶Ọvwaghwanre soma bruche o mi gbobọnyẹ umiovwo, ẹkẹvuọvọ ẹkpa gbobọnyẹ odiri ọ mi ru obo ri jere.

¹⁷Ohwo ro vwẹ ẹnwẹn ọrhorhorho ruẹ uruemu rẹ ẹkpa, ẹkẹvuọvo ọvwiroro vwo odiri.

¹⁸Ogbori ẹkpa ọye ọ dia, ẹkẹvuọvo ọvwiroro a vwẹ erhu rẹ erianriẹn vwo tughẹ.

¹⁹Oruimwemwu diguẹ te otọ vwẹ obaro rẹ ohwo esiri, eriyin ohwo umwemwu ji ruẹ vwẹ anurhoro rẹ ohwo esiri na.

²⁰Ovwiogbere tuẹ irivẹ rọye oma, ẹkẹvuọvo igbeyan rẹ ọdafe dia buebu.

²¹Ohwo rọ jẹ ọrivẹ rọye fia yẹ oruiumwemwu o ruẹ, ẹkẹvuọvo ebruba kẹ ohwo ro ru emu esiri kẹ ovwioghere.

²²Ihwo re jẹ iroro umwemwu rhe ruẹ chọ? Ihwo re jẹ iroro esiri ke mrẹ oma evwokpotọ vẹ esegbuyota.

²³Vwẹ evun rẹ owian ejobi erere herọ, ẹkẹvuọvo ota ofefe diodi ghwa ọbẹvwẹ cha.

²⁴Aghwanre ọye erhu rẹ uvie rẹ ọvweghwanre, ẹkẹvuọvo ughẹnghẹn kọye rha hẹ erhu rẹ uvie rẹ ẹkpa.

²⁵Oseri rẹ uyota sivwẹ arhọ, ẹkẹvuọvo ohwo rọ vwọrọn efian yẹ ohwo rọ shẹ ohwo.

²⁶Oshọẹdjẹ rẹ Ọrovwohwo ọye e de vwo iphiẹrohọ ọgangan; emọ rọye ke sa mrẹ asan adjẹrhọn.

²⁷Oshọẹdjẹ rẹ Ọrovwohwo na ọye ogbugbu rẹ arhọ, ohwo kọ sa vabọ rẹ ufi rẹ ughwu.

²⁸Ebuo rẹ ihwo ọye urinrin rẹ ovie, ẹkẹvuọvo osun ro vwo otu-u yọ ghwọrọ kufia.

²⁹Ohwo rọ fobọ mu ophu-u ọye ohwo ro vwo ẹruọ okokodo, ẹkẹvuọvo ohwo ro vwo ẹnwẹn ogigidi dje ughenghẹn phia.

³⁰Udu odjidjiro vwẹ arhọ kẹ ugboma rẹ ohwo, ẹkẹvuọvo udu rọ rhorha vẹ ẹmwan nẹrhẹ ibeku rẹ ohwo gbo.

³¹Ohwo ro shenyẹ ovwioghere o yivwaro kpahe ọ rọ Marọ, ẹkẹvuọvo ohwo ro yovwevun kpahe ogbere o mu ọghọ kẹ.

³²E gere ohwo umwemwu she fiki rẹ umiovwo rọye, ẹkẹvuọvo ọvwata mrẹ odjahọ fiki rẹ iruo esiri rọye.

³³Aghwanre dia evun rẹ udu rẹ ohwo ro vwo erianriẹn, ẹkẹvuọvo a mrẹ aghwanre vwẹ udu rẹ ohwo oghenghẹ-ẹn.

³⁴Ọvwata kpare ẹgborho kpenu, ẹkẹvuọvo umwemwu ghwa ekan rhe ihwo rọye.

³⁵Odibo ro vwo iroro ko mrẹ aroesiri rẹ ovie, ẹkẹvuọvo ophu rọye dia vwọ kẹ ọvwugheghẹ ro ruẹ emu rẹ omavovwẹ.