Read urhobo Isẹ 15 Bible Online

Isẹ 15 - urhobo bible

Isẹ 15

¹Ota vwiọrọ vwiọrọ fuẹ ophu, ẹkẹvuọvo ota gbaegbae kpara ophu.

²Ẹrẹnvwe rẹ ọvwaghwanre djẹ erianriẹn phia, ẹkẹvuọvo unu rẹ ẹkpa vwẹ ughenghẹn phia.

³Ibiẹro rẹ Ọrovwohwo mrẹ asan kasan ejobi, ọ rọ rhẹrẹ iruimwemwu vẹ ohwoesiri ejobi,

⁴Ẹrẹnvwe bọrọbọrọ ọye urhe ra arhọ, ẹkẹvuọvo echobọr da herọ kọ guọghọ erhi.

⁵Ẹkpa re jẹ uchebro rẹ ọsẹ rọye fia, ẹkẹvuọvo ohwo rọ reyọ uchebro yẹ ovwaghwanre.

⁶Ekuakua rẹ efe buebu re dia uwevwi rẹ ọvwata, ẹkẹvuọvo ọyangha re dia okọn rẹ ohwo umwemwu.

⁷Ẹbẹrunu rẹ ọvwaghwanre ghwoghwo erianriẹn, ọ dia ọtiọye kẹ iroro rẹ ohwo oghenghẹ-ẹn.

⁸Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

⁹Idjerhe rẹ ohwo umwemwu na ẹgua kẹ Ọrovwohwo, ẹkẹvuọvo O guọnọ ohwo ro nenesi rẹ ọvwata.

¹⁰Eyono herọ kẹ ohwo rọ siẹn idjerhe rọye, ohwo ro tuoma rẹ ẹghwọ kọ ghwu.

¹¹Ushi vẹ erivwi de rhie phihọ vwẹ obaro rẹ Ọrovwohwo, komavọ udu rẹ ohwo rẹ akpọ rhie phihọ ke te?

¹²Ohwo rọ jẹ ejẹfia guọnọ nẹ a ghwọ ku ọye-e, o ji brẹ ọvwaghwanre kpo iroro ẹjẹ-ẹ.

¹³Udu rọ vọnre vẹ aghọghọ nẹrhẹ opharo sasa, ẹkẹvuọvo udu rọ vọnrẹ vẹ uvweri guọghọ erhi rẹ ohwo.

¹⁴Iroro rẹ ohwo ro vwo ẹruọ guọnọ erianriẹn, ẹkẹvuọvo unu rẹ ẹkpa ughẹnghẹn ọ ria.

¹⁵Ẹdẹ rẹ ohwo re kpokpo ejobi epha miomiovwi, ẹkẹvuọvo udu sasasa ria orẹ kọke kọke.

¹⁶Emerha rẹ ohwo vwori vẹ oshọẹdjẹ rẹ Ọrovwohwo na, yovwi nọ efe buebu rọ vọnre vẹ ukpokpogho.

¹⁷Ukodo rẹ ẹbe diodi ra ria vẹ ẹguọnọ yovwi nọ erhuẹn tubie tubie ra rere vẹ eghrẹn.

¹⁸Ohwo vẹ udu gidigidi sua ẹghwọ, ẹkẹvuọvo ohwo ro vwo udu odjidjiro fuẹ ọhọre.

¹⁹Idjerhe rẹ ọvwiẹrẹ diẹn gbe vẹ idjigbẹn, ẹkẹvuọvo idjerhe rẹ ohwo esiri ọye idjerhe rode ra nabọ rẹ.

²⁰Ọmọ ro vwo iroro nẹrhẹ ọsẹ vwo omavwerhovwẹ, ẹkevuọvọ ẹkpa se oni rọye gbe emu-u.

²¹Ughenghẹn vwerha ohwo ro vwo ọhọ-ọ oma, ẹkẹvuọvo ohwo ro vwo ẹruọ nabọ yan kpọviẹ.

²²Ọvwiroro rha hẹ asa-an emu ejobi ki she chọ, ẹkẹvuọvo ọvwiroro da herọ emu ko she phihọ.

²³Omamọ rẹ ota ẹkpahọ ọ nẹrhẹ oma vwerha ohwo, ubiota rọ gbare mavọ oyovwi te!

²⁴Idjerhe rẹ ọvwaghwanre suo kpo arhọ, rere ọ vwọ kẹnẹ oma kẹ ushi vwẹ obotọ.

²⁵Ọrovwohwo guọghọ uwevwi rẹ ohwo rọ kpara oma kpenu tẹ otọ, ẹkẹvuọvo ọ sẹro rẹ ughwru rẹ otọ rẹ ayeuku na.

²⁶Iroro rẹ ohwo umwemwu ẹgua kẹ Ọrovwohwo, eta rẹ ohwo rọ fuevun nabọ vwerhọn gangan.

²⁷Ohwo rọ guọnọ erere ọchọchọ sua ota kẹ evwruwevwi rọye, ẹkẹvuọvo ohwo ro tuoma rẹ udiẹriọ cha rhọ.

²⁸Iroro rẹ ọvwata nabọ roro ota te rọ ke kpahọ, ẹkẹvuọvo ugbunu rẹ ohwo umwemwu ọ ta eta ebrabra.

²⁹Ọrovwohwo pha shesheri kẹ oruimwemwu, ẹkẹvuọvo O nyo ẹrhovwo rẹ ọvwata.

³⁰Erọ rọ mrorẹ nẹrhẹ udu ghọghọ, eriyin ikun esiri sasa ibeku.

³¹Ohwo rọ kerhọn rẹ uchebro cha dia kugbe ihwe ri vwo aghwanre.

³²Ohwo rọ siẹn uyono phiẹn oma obọ roye, ẹkẹvuọvo ohwo rọ kerhọn rẹ uchebro o vwo ẹruọ buebu.

³³Oshọẹdjẹ rẹ Ọrovwohwo hẹ uyono rẹ aghwanre, omaevwokpotọ kọye rha ka obaro kẹ ọrho.