Read urhobo Isẹ 29 Bible Online

Isẹ 29 - urhobo bible

Isẹ 29

¹Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

²Ọvwata de suẹn orho ihwo na ejobi ke ghọghọ; ẹkẹvuọvo ihwo umwemwu de suẹn ihwo ki brenu.

³Ohwo rọ guọnọ aghwanre vwẹ omavwerhovwẹ kẹ ọsẹ rọye, ẹkẹvuọvo ọ ro nenesi rẹ igberadja rhaphiẹ eyere rọye.

⁴Uruemu esiri ọye otọ rẹ ovie suẹn sa vwọ kpọviẹ, ẹkẹvuọvo ọ rọ vwẹ ẹgba miẹ arhọghọ che miovwo otọ na.

⁵Ohwo rọ vwẹ ọphiẹvwe jirẹ ọrivẹ rọye ọ vwẹ ariri tan hẹrhẹ awọ rọye.

⁶Oruimwemwu ọvo kpahe ufi kẹ omobọ rọye vwẹ evun rẹ oruchọ rọye, ẹkẹvuọvo ohwo esiri suinẹ vwẹ evun rẹ aghọghọ.

⁷Ọvwata riẹn obo ro shephihọ kẹ ovwiogbere, ohwo umwemwu se vughe otọ rẹ erianriẹn tiọye na-a.

⁸Otu re jẹ ọjẹfia duvwu erhanre phihọ orere, ẹkẹvuọvo ihwo ri vwo iroro siẹ ẹghwọ vẹ ophu nẹ orho.

⁹Ọvwaghwanre de nene ẹkpa phra aphro, ẹkpa ko di muẹ van kọ de hwẹ, o rhe fotovwi-i

¹⁰Ihwo rẹ urhuru rẹ ọbara siẹ tuoma rẹ ihwo re reabe-e, ihwo umwemwu na guọnọ arhọ rọye hwe.

¹¹Ẹkpa ri di muẹ van gudu gudu, ẹkevuọvo ọvwaghwanre jomaotọ rhivwẹ ophu rọye rọ.

¹²Osun da kerhọn rẹ eta rẹ ọphiẹnvwe, otu rọye ejobi ke dia ihwo miomiovwi.

¹³Ogbere vẹ ohwo ro shenyẹ ihwo yan vwa oma; Ọrovwohwo re vwẹ orẹmrẹ kẹ ayen ivẹ na.

¹⁴Ovie da vwẹ evuesiri guẹdjọ rẹ igbere uvie rọye kọ mudia bẹdẹ.

¹⁵Ophiaphia vẹ ẹghwọkuo vwẹ aghwanre kẹ ohwo, ẹkẹvuọvo ọmọ re ku aro fia kẹ cha nẹrhẹ oma vo oni rọye.

¹⁶Ohwo umwemwu de suẹn, ogbeku ko buẹ phihọ, ẹkẹvuọvo ọvwata ko che nughe rẹ eshe rayen.

¹⁷Nabọ yono ọmọ wẹn gangan, oma ko fu we; kọ cha vwẹ omavwerhovwẹ ke udu wẹn.

¹⁸Asan rẹ arọẹmrẹ epha-a ihwo rọye se chirako-o, ẹkẹvuọvo ebruba kẹ ohwo rọ yọnrọn urhi na.

¹⁹A sa vwẹ ota rẹ ugbunu ọvo yono odibo-o, kidie owene ọ rorọ dede ọ cha kerhọ-ọn,

²⁰Wọ mrẹ ohwo ro brẹ okpakpa rẹ ota? Iphiẹrohọ herọ kẹ ẹkpa nọ ohwo yena.

²¹Ohwo ro vwẹ odibo rọye mẹn nẹ ọkiemọ rhe, odibo yena kọye cha reuku rọye vwẹ ukuko rọye.

²²Ohwo ro muẹ ophu sua ohọnre, ohwo rọ fobọ muẹ ophu gbe ihwo buebu kuẹ.

²³Eheri vwẹ ohwo kpotọ, ẹkẹvuọvo ohwo rọ vwẹ oma kpotọ che vwo ọghọ rode.

²⁴Ugbeyan rẹ oji tuoma rẹ obọ rọye; o nyo ekan ra harhọ na ẹkẹvuọvo ọ ta phia-a.

²⁵Oshọ rẹ ohwo djẹ kpahe ufi vwọ kẹ, ẹkẹvuọvo ohwo rọ vwẹ ẹro so Ọrovwohwo na cha rhọ.

²⁶Ihwo buebu guọnọ ọghọ vwẹ obọ rẹ osun, ẹkẹvuọvo obọ rẹ Ọrovwohwo a da mrẹ ọsoso reyọ.

²⁷Ohwo ọbrabra hẹ ẹgua kẹ ọvwata, ẹkẹvuọvo ohwo rẹ idjerhe rọye phiọnre je hẹ ẹgua kẹ ohwo umwemwu.