Read urhobo Isẹ 31 Bible Online

Isẹ 31 - urhobo bible

Isẹ 31

¹Eta ri Lemuẹl, ovie ri Massa, rẹ oni rọyẹ yoniro:

²Die, ọmọ mẹ? die, ọmọ rẹ orhẹn mẹ? Die, ọmọ rẹ ive mẹ?

³Wọ vwẹ ogangan wẹn kẹ eya-a, wọ vwẹ idjerhe wẹn vwọ kẹ ayen otu re guọghọ ivie-e.

⁴Ọ dia ọ rẹ ivie-e, E Lemuel, ọ dia ọ rẹ ivie rere ayen vwọ da idi-i, eyẹ ihwo ri suẹn rere ayen vwo nenesi rẹ udi ọganga-an;

⁵Ayen da rhe da idi bunọ urhi re ji phihọ otọ da rhe chọrọ ayen ẹro, ayen de rhi ku ọrhiẹn rẹ otu re rease rhẹriẹ.

⁶Vwẹ udi ọgangan kẹ ayen otu re ghwọrọ kuẹfia, wọ vwẹ udi re miẹmiẹ kẹ otu re hẹ uvweri,

⁷jẹn ayen da rere ọbẹvwẹ rayen chọrọ ayen ẹro, rere ayen jẹ uvweri rayen ẹkarophihọ.

⁸Rhiẹ unu wẹn kẹ odiunu, ẹkẹ ro te ọvwuvwohwo vwọ kẹ.

⁹Rhiẹ unu wẹn rere wo brorhiẹ rẹ ọvwata, chọchọ rẹ ivwiogbere vẹ otu rẹ akpọ bẹn.

¹⁰Aye esiri kono sa mrẹ? Ọghare nọ irhu shesheri.

¹¹Ọshare rọye vwẹ ẹro suọ, erere sa karọ-ọ.

¹²Ọ re esiri o ruẹ kẹ, ọ diẹ ọbrabra-a, vwẹ ẹdẹ rẹ akpọ rọye ejobi.

¹³Ọ dẹ ẹton rẹ ogegede vẹ oruru, ọ me vwẹ abọ rọye zọrọ.

¹⁴Ọ họhẹ okọ rẹ ọneki, rọ ghwa emu esiri nẹ ọgboko cha.

¹⁵O vrẹn vwẹ irhiọke ride o mi chere emu kẹ emọ na ọ me ghare iruo kẹ ayen.

¹⁶Ọ vwẹ ẹro da otọ ọ me dẹ; emamọ rẹ obọ rọye eye ọ vwọ kọn udju na.

¹⁷Ọ vwẹ ogangan muẹ ehun rọye o mi ru abọ rọye gan.

¹⁸Ọ mrẹ vughe nẹ eki vẹ erere Urhukpẹ rọye fuẹn vwẹ aso-on.

¹⁹Obọ rọye ọvo hẹ usioruru, yẹ obọ ro chekọ ra zọrọ.

²⁰O rhiẹ abọ rọye kẹ ivwiogbere, ihwo rẹ akpọ bẹn mrẹ mie.

²¹Ọ djẹ oshọ rẹ ekpahe kẹ evwruwevwi rọye-e kidie ifenudu evwruwevwi rọye vwo rhuọ.

²²Ọye ọvo ri kọ emwa rọ ghwa; emwa rọye kẹ isada vẹ ifenudu.

²³A mrẹ ọshare rọye vughe vwẹ anurhoro, ọke ro de tidia ohri rẹ ekpako rẹ otọ na.

²⁴O ko iwun rẹ esada shẹ, o rhuo umuamwa kẹ ineki.

²⁵Ogangan vẹ ọghọ eye emwa ro vwo rhuo, ọke rọ cha vwẹ obọ kọ cha hwẹ.

²⁶O rhiẹ unu rọye vẹ aghwanre, uyono rẹ arodọvwẹ rhere vwẹ unu.

²⁷O nenesi rẹ evwruwevwi rọye, ọ ria emu rẹ uvwerhi-i.

²⁸Emọ rọye da rhọvwọ rhe ke ayen nẹ ẹrhovwo kẹ, ọshare rọye rhe ji ghwe jiro;

²⁹A mrẹ eya esiri buebu re, ẹkẹvuọvo a je mrẹ ọkpọ rẹ ọnana-a

³⁰Osẹnvwe phiẹn ohwo phihọ, erhuvwu emu ofefe, ẹkẹvuọvo aye rọ djẹ oshọ rẹ Ọrovwohwo ọye e jiri.

³¹Vwẹ omamo rẹ iruo rọye vwọ kẹ, rere wo jẹ iruo rọye jiro vwẹ anurhoro.