Read urhobo Isẹ 4 Bible Online

Isẹ 4 - urhobo bible

Isẹ 4

¹Kerhọn E, emọ na, wa reyọ uyono rẹ ọse na, we hwe oma mu, rere wa vwọ mrẹ vughe;

²kidie omamọ rẹ iji mi ji kẹ ovwan na: we gbobọnyẹ uyono mẹ-ẹ.

³Ọke me vwọ hẹ ọmọ ọboba vwẹ obọ rẹ ọsẹ mẹ, buẹbuẹ, ọmọ ọvuovo vwe obọ rẹ oni mẹ,

⁴o de yono uvwe, ọ da ta kẹ vwẹ nẹ, Jẹn udu wẹn yọnre eta mẹ gangan: sẹro rẹ irhi mẹ, rere wọ rhọ:

⁵Wo jọ chọrọ ọwẹ ẹro-o, wo gbobọnyẹ eta rẹ unu mẹ-ẹ vwo aghwanrc; wo ji vwo ọmrẹvughe.

⁶Wọ yan jẹ aghwanre vwo-o, kọ cha sẹro wẹ; guọnọ, ko che sun we.

⁷Ẹtuọhọ rẹ ẹghwanre ke ona: vwo aghawnre, kemu kemu wo vwori ejobi ji vwo ọmrẹvughe.

⁸Nabọ dẹ ghaghare, kọ cha kpare owẹ kpenu; kọ vwẹ ọghọ kẹ wẹ ru wọ da nabọ gbanọ boma.

⁹Kọ cha vwẹ erhu oyoyovwi tughẹ uwe; omamo rẹ erhu rẹ uvie o che vwo tughe uyovwi wẹn.

¹⁰Kerhọn ọmọ mẹ, wọ reyo eta mẹ, rere wọ vwọ tọn.

¹¹Mi yono uwe idjerhe rẹ aghwanre nure: mi ji sun we wan idjerhe rẹ ọvwata.

¹²Wọ da yan, owọ wẹn rha gban phihọ-ọ, wọ da dje onẹ dede wọ rha kpro owọ-ọ.

¹³Nabọ mu ẹro phihọ uyono, wo siobọ no-o; sẹro rọye, kidie ọye arhọ wẹn.

¹⁴Wọ rua idiẹrhe rẹ ohwo umwemwu-u, wọ je yan vwẹ idjerhẹ rẹ ihwo umwemwu na-a.

¹⁵Kẹnẹ oma kẹ, wọ yan vwọ-ọ, chuko kuo re wọ yan wan.

¹⁶Kidie ayen rhe ru umwemwu-u ovwerhẹ sun aye-en; jokpa nẹ ayen sun ohwo ọvo ghwru kẹsiẹye ovwerhẹ ki sun ayen.

¹⁷Kidie umwemwu eruo ọye emu rẹ ayen ria, ozighi egbe ke rha udi rẹ ayen da.

¹⁸Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

¹⁹Idjerhe rẹ oruimwemwu na ọ họhọ ebri rode; ayen vughe obo rayen she teye-e.

²⁰Ọmọ mẹ, kerhọn rẹ eta mẹ, nabọ rhiẹ erhọn phihọ kẹ obo re me ta kẹ wẹ na.

²¹Wo jẹn ayen ghwrẹ va wẹ abọ-ọ; yọnre ayen vwẹ evun rẹ udu wẹn.

²²Kidie ayen arhọ kẹ ohwo rọ mrẹ ayen vughe, vẹ esivwo kẹ oma rọye.

²³Jẹn udu wẹn sasa vwẹ ọke ejobi; kidie evun rọye ogbugbu rẹ arhọ va nẹ cha.

²⁴Si eta ebrabra nẹ unu wẹn, yan jẹn eta ikikini vwo kakare.

²⁵Tọn ẹro wẹn vi obaro, rere wo ni obo ru wọ ra.

²⁶Kẹnẹ oma vwẹ idjerhe re wọ wan, oma ko fu we vwẹ oyan wẹn ejobi.

²⁷Wo gbe ọghwia vwẹriẹ obọrhe eyẹ obọhwẹre-e, si awọ wẹn nẹ emu omiomiovwi.