Read urhobo Aghwoghwo 3 Bible Online

Aghwoghwo 3 - urhobo bible

Aghwoghwo 3

¹Kidie vwọ kẹ emu kemu o vwo ẹghẹre, kugbe ọke kẹ emu kemu rọ herọ vwẹ otọ rẹ odjuvwu na.

²Ọke re vwo vwiẹ vẹ ọke re vwo ghwẹ; ọke ra vwọ kọn vẹ ọke re vwo vuẹn emu ra kọnre.

³Ọke re vwo hwe, vẹ ọke re vwo sivwẹ, ọke ra vwọ guọghọ te otọ, vẹ ọke ra vwọ bọn kpenu,

⁴ọke ra vwọ viẹ, vẹ ọke ra vwọ hwẹ, ọke re vwo muomahọ, vẹ ọke ra vwọ heha;

⁵ọke re vwo phi eragha kuẹfia, vẹ ọke ra vwọ ghwẹ eragha koko; ọke re vwo dede, vẹ ọke ra vwọ djẹ nẹ oma;

⁶ọke ra vwọ guọnọ vẹ ọke ri vwo ghwrẹ nẹ obọ; ọke ra vwọ vwẹ ẹro te vẹ ọke re vwo kuẹfia;

⁷ọkẹ ra vwọ bẹrẹ, vẹ ọke re vwo ko; ọke ra vwọ fọ, vẹ ọke ra vwọ ta ota,

⁸ọke ra vwọ guọnọ, vẹ ọke re vwọ tuoma; ọke vwọ kẹ ofovwi, vẹ ọke vwọ kẹ ufuoma.

⁹Didi erere oruiruo mrẹ reyọ vwẹ owian rọye?

¹⁰Me mrẹ iruo rẹ Ọghẹnẹ vwọ kẹ emọ rẹ ihwo nẹ ayen ru.

¹¹O de ru emu ejobi yovwi vwẹ ọke rọye; o de rhe phi iroro rẹ arhọ ri bẹdẹ phihọ evun rẹ ohwo, yẹ ohwo cha sa riẹn ẹtuọhọ vẹ oba rẹ iruo rẹ Ọghẹnẹ-ẹ.

¹²Me riẹnre nẹ emu ọfa rha herọ vwọ kẹ ayen nọ omavwerhovwẹ vẹ aghọghọ rẹ omobọ rayen vwẹ akpọ na-a;

¹³yẹ ọyena okẹ rẹ Ọghẹnẹ vwọ kẹ ohwo rere kohwo kohwo vwọ re vwọ da rere oma vwerhọ vwọ wian owian rọye ejobi.

¹⁴Me riẹnre nẹ emu kemu rẹ Ọghẹnẹ ruru ọ ri bẹdẹ, o vwo emu ọfa ra sa vwọ ba-a, eyẹrẹ emu ọfa re se sino-o; Ọghẹnẹ ri ruro ọtiọye rere ihwo vwọ djẹ oshọ kẹ.

¹⁵Emu rọ herọ vẹrhẹ, ọye je herọ na; kugbe emu rọ herọ nure, ọye re je cha dia; Ọghẹnẹ guọnọ obo ra djẹ kufia phia.

¹⁶Eriyin me mrẹrẹ vwẹ otọ rẹ ọnre na nẹ asan rẹ ọsoso epha, etiyin umwemwu je dia, kugbe asan rẹ ọvwata epha etiyin orukuruku je dia.

¹⁷Me da ta vwẹ udu mẹ nẹ, Ọghẹnẹ ri che brorhiẹ rẹ ọvwata vẹ oruimwemwu, kidie ọ vwẹ ọke kẹ dohwo dota kugbe dohwo diruo rọye nure.

¹⁸Me da ta vwẹ udu mẹ vwọ kpahe emọ rẹ ihwo rẹ akpọ nẹ Ọghẹnẹ ra davwẹ ayen nẹ rere o dje phia kẹ ayen nẹ ayen epha kerẹ eranvwe rẹ aghwa.

¹⁹Kidie emu rọ phia kẹ emọ rẹ ihwo rẹ akpọ ọye je phia kẹ eranvwe; tiobo rẹ ọvo ghwẹ, ọtiọye ọrivẹ ji ghwẹ rhe. Ayen ejobi na ẹnwẹn ọvuọvo ayen nwẹn, ohwo rẹ akpọ na yovwi nọ eranvwe-e; enana ejobi na odiodi iruẹ.

²⁰Asan ọvo ayen ejobi ra; iwurhie ayen ejobi nurhe, iwurhie ayen je cha rhoma ra.

²¹Kono riẹnre nẹ erhi rẹ ohwo kpenu eyẹrẹ erhi rẹ eranvwe kpo evun rẹ otọ?

²²Fiki rẹ ọtiọye na me mrẹ emu ọfa ro yovwi kẹ ohwo nọ avwerhe rẹ iruo rọye-e, kidie ọye ẹkẹn ro tere; kono sa vwẹ obuko rẹ akpọ rọye phia kẹ?