Read urhobo Solomon 1 Bible Online

Solomon 1 - urhobo bible

Solomon 1

¹Une re ine ri Solomọn

²E mane wọ vwẹ unu wẹn vwọ fiọnfiọn ovwẹ! kidie ẹguọnọ wẹn, o yovwi nọ udi.

³ori wo vwo ghworo na gbori gangan, odẹ wẹn ọ họhọ ori ro hwẹfia; fiki rẹ ọtiọye na emetẹ na vwọ guọnọ owẹ,

⁴Si vwe te oma wẹn, jẹn avwanre bru okpakpa. Ovie reyọ ovwẹ rhe uvun rọye. Oma ko di mu avwanre sanvwan ki mi di muẹ ghọghọ. Avwanre tete ẹguọnọ wẹn nọ udi Ọye sorọ rẹ ayen vwọ guọnọ owẹ.

⁵Mi biri gangan je me pha yoyovwi, E emetẹ ri Jerusalẹm, kerẹ utughẹ ri Kedar, kerẹ amwa rẹ anurhoro ri Solomọn.

⁶Wo ni vwe fiki robo mi vwo bi-i. fikiridie uvo mu vwe. Ivun mẹ miovo iniọvo mẹ, Ayen da vwo vwẹ ru ọrherotọ rẹ udju na, Ẹkẹvuọvo je me sa rhẹrẹ udju rẹ obọ mẹ-ẹ

⁷Ta kẹ vwẹ, wẹ rẹ erhi mẹ guọnọre, Asan ru wọ da ghẹrẹ uchuru wẹn, Asan ri de rhuẹn vwẹ oghẹruvo Die sorọ me vwọ họhọ ọ ro suosuo vwẹ oma rẹ uchuru rẹ otu wẹn?

⁸Ọ da dianẹ wọ rha riẹ-ẹn, E ọ ro meyovwi vwẹ ohri rẹ eya, nene ọga rẹ uchuru na, re wo sun ẹmẹvwe wẹn re hẹ akakọ rẹ utughẹ rẹ osuigegede na.

⁹Me vwẹ owẹ dje, ọnsẹ mẹ, ọmọ re iyesi rẹ akpẹrẹ ri Fero.

¹⁰Egban wẹn pha rhọrọrhọrọ vẹ ekuakua rẹ osẹnvwe wẹn, wọ gba ufi rẹ evwarha rẹ ivie mu ohọre.

¹¹Avwanre ki che duvwu ekuakua rẹ osẹnvwe rẹ oro kẹ wẹ ra vwẹ idọnọ efuanfon sanọ.

¹²Ọke rẹ ovie na vwọ enu rẹ ehwa rọye, ọnrhe rẹ udẹ mẹ de bru rhe.

¹³Ọnse mẹ ro je vwe na da họhọ ekru rẹ egẹn ro she kpahe otọ rẹ ivie mẹ.

¹⁴Ọnse mẹ na da họhọ ekru rẹ adjija vwẹ udju rẹ Ẹngẹdi

¹⁵Nighe, wo yovwiriọ, ọnse mẹ; nighe wo yovwinọ; ẹro wẹn epha kerẹ ẹro rẹ ilekuku

¹⁶Nighe wo yovwiriọ, ọnse mẹ ro je vwe, ọnse mẹ rẹ uyota. Ehwa ra avwanre ọgiọgiọ,

¹⁷Egbẹn rẹ uwevwi re avwanre igedu, igo rọye kẹ owangha.