Read urhobo Solomon 3 Bible Online

Solomon 3 - urhobo bible

Solomon 3

¹Vwẹ enu rẹ ehwa mẹ vwẹ evun rẹ ason, Me da guọnọ ohwo rẹ ẹnwẹn mẹ guọnọre na. Me guọnerọ, ẹkẹvuọvo me mrẹrẹ-ẹ. Mi sere, ẹkẹvuọvo o nyo kẹ vwẹ-ẹ.

²Ki mi vrẹn rere me ro evun rẹ orere na, Te evun re urhuvwu kugbe ehwarha na; re me guọnọ ohwo rẹ ẹnwẹn mẹ guọnọre na. Me guọnerọ, ẹkẹvuọvo me mrẹrẹ-ẹ.

³Orhẹrotọ na da mrẹ vwẹ, rẹ ayen vwọ yan vwẹ evun rẹ orere. Wọ mrẹ ohwo rẹ ẹnwẹn mẹ guọnọre na?

⁴Me je ghwa wanvrẹn aye-en, Me da ghwa mrẹ ohwo re erhi mẹ guọnọre na. Me da gbanọ, me gbe guọnọ nẹ o kpo-o bẹsiẹ me vwọ reyọ te uwevwi rẹ oni mẹ, re te uvun rẹ ohwo rọ mrevun mẹ.

⁵Ju we riẹn, E emetẹ ri Jerusalẹm, mẹvwẹ orhua rẹ aghwa rọ vẹ awọ godogbo vwọ djẹ, nẹ oma bru we ọjẹjẹ-ẹ bẹsiẹ rẹ urhuru rọye vwo si vwe.

⁶Die ri nẹ evun rẹ aton na cha na, rọ họhọ ukori rẹ ivwirhi, ro gbo ọnrhe rẹ egẹn vẹ adjija na, vẹ ọnrhe ghwoghwo rẹ ọneki?

⁷Nighe, ọ họhọ eruẹ ri Solomọn! ẹgba rẹ ihwo ujorha hẹ evun rọye ẹgba rẹ ihwo rẹ Izrẹl,

⁸Ayen nabọ vwẹ ọlọkọ chobiẹ ihwo re riẹn ona rẹ ofovwi, dohwo dọlọkọ rọye mu kpahe ekpoghowọ rọye, rẹ ayen vwọ hẹrhẹ unuebo vwẹ ason.

⁹Ovie Solomọn da kare ahwa kẹ oma rọye ọ da vwẹ ephapha ri Lebanọn vwọ karọ.

¹⁰Okpọghọ ra vwọ ghwa ọ rẹ idọnọ efuanfon obuko rọye oro a vwọ pharọ, akpanurhe rọye kẹ orhurhu; e de ruo yoyovwi vwẹ obe evun ọtiọye emetẹ ri Jerusalẹm ruro.

¹¹Wa yan phia, E emetẹ ri Zayọn, re we ni Ovie Solomọn, vẹ erhu rẹ ovie rẹ oni rọye vwo tughẹ vwẹ ẹdẹ re vwo sun aye rhe, vwẹ ẹdẹ rẹ udu rọye vọnre vẹ aghọghọ.