Read urhobo Solomon 6 Bible Online

Solomon 6 - urhobo bible

Solomon 6

¹Tivọ ọ ro je we na rare, E ọ ro ku erhuvwu gbe vwe ohri rẹ eya? Tivọ ọ ro je we na rhivwi ra, rere e nene uwe guọuọ?

²Ọ ro je vwe na kpo obo ogba rọye, re ni asan rọ kọn egẹn phihọ, ọ ra ghẹre igodẹ rọye vwẹ evun rẹ ogba, rere ọ kọrọ idodo.

³Mẹvwẹ ọ rọ ro je vwe na ọ ro je vwe na je hẹ ọmẹ; Ọ ra ghẹre igodẹ rọye vwẹ ohri re idodo na.

⁴Wọ pha yoyovwi kerẹ Tirzah, ọnse mẹ. Ọ vẹ erhuvwu kerẹ Jerusalẹm, O mu oshọ kerẹ unuofovwi rẹ ephiana.

⁵Si ẹro wẹn ne uvwe, kidie i ju vwe nwẹ-ẹn — Ẹton wẹn họhọ rẹ ẹvwe, ri pho nene ọghwrọrọ ri Gilead cha.

⁶Ibiako wẹn fuan kerẹ ekru rẹ imigodẹ rẹ eya, ri nẹ ẹhọ cha, ayen ejobi vwiẹ agbava, o vwo ọvuọvo re ọmọ rọye ghwuru-u.

⁷Egban wẹn pha rhọrọrhọrọ kerẹ Pomẹgranatẹ vwẹ obuko rẹ oga na.

⁸Emetẹ rẹ ivie rẹ eya ujorha ẹnse ujọnẹ, emetukoni vwo unu-u.

⁹Ilekuku mẹ, ọvuọvo mẹ rọ gbare, ọye ọvo sogono, ro me je oni rọye, o vwo ekan vwẹ obọ rẹ ọ ro vwierẹ-ẹ. Emetukoni na mrẹrẹ ayen de se nẹ aghọghọ; eya rẹ ivie vẹ ense na, ji ghwe jiro.

¹⁰Ọna ono rọ họhọ irhiọke ro rhie cha, vwiọvwọrọ kerẹ emeranvwe, gala gala kerẹ ọnre, ro mu oshọ kerẹ unuofovwi vẹ ephiana?

¹¹Me da yanran kpo ogba rẹ irhe re mọ emamọ, re ni ipho re kpare vwe obo iyara, re ni se irhe ri vain na so phihọ, sẹ pomẹgranate kpa ipho re.

¹²Tavwe me ke rhe riẹn, mi de fovwi ẹro ra mrẹ ekpẹrẹ vwẹ oma rẹ osun mẹ

¹³Rhivwi, rhivwi E ohwo ri Shunẹm, rhivwi, rhivwi, rere avwanre ni we. Die wo vwo ni ohwo ri Shunẹm na kerẹ eha ro gbe vwẹ obaro rẹ unuofovwi ivẹ?