Read urhobo Aizaya 39 Bible Online

Aizaya 39 - urhobo bible

Aizaya 39

¹Vwẹ ọke yena Merodak-baladan ọmọ ri Baladan, ovie ri Babilọn, o de ji ikọn kugbe ọbe kugbe ọko vwo rhe Hẹzikaya, kidie o nyori nẹ o mworo gangan yẹ o vrẹn nẹ ọga na re.

²Hẹzikaya da nabọ dede ayen, ọ da vwẹ uwevwi rẹ efe rọye vwọ nẹ ayen, idọnọ rọye, kugbe iro, adjija rọye, kugbe evwri eghaghare rọye, ekuakua rẹ ofovwi rọye, kemu kemu ejobi ra mrẹre vwẹ uwevwi rẹ efe rọye. O vwo emu ọvuọvo ro chekọ vwẹ uwevwi rọye eyẹ vwẹ evun rẹ uvie rọye ri Hẹzikaya ja vwọ nẹ aye-en.

³Etiyin Aizaya rẹ ọmraro na de bru Ovie Hẹzikaya rhe, ọ da ta kẹ, Didi emu ihwo nana tare? Ki tivọ ayen nu bru we rhe? Hẹzikaya da ta, Ogboko ayen nu bru vwe rhe, nẹ Babilọn rhe.

⁴Ọ da ta, Kidie ayen mrẹre vwẹ uwevwi wẹn? Hẹzikaya da kpahe, Ayen mrẹ kemu kemu ejobi rọ hẹ uwevwi mẹ, o vwo emu ọvuọvo vwẹ evun rẹ uwevwi rẹ efe mẹ ri mi jẹ vwọ nẹ aye-en.

⁵Etiyin Aizaya da ta kẹ Hẹzikaya, Nyo ota rẹ Ọrovwohwo rẹ otuofovwi na.

⁶Nighere, ẹdẹ cha, ri kemu kemu rọ he uwevwi wẹn, kugbe efe rẹ esẹ wẹn ghwu jovwo ejobi rhi te nonẹ na, ka cha kua ayen ejobi vwo kpo Babilọn, emu ọvuọvo gbi chekọ-ọ, eriyin Orọvwohwo tare.

⁷Okpuyovwi re emọ wẹn evọ, re vwiẹ kẹ wẹ, ke che mu ayen yanran, ke cha dia ọghwanra vwẹ ighen re ovie ri Babilọn.

⁸Etiyin Hẹzikaya da ta keẹ Aizaya, ota rẹ Ọrovwohwo wọ tare na ọ yoma. Kidie o rori nẹ, Ufuoma vẹ ofuvweghe sa dia vwẹ ọke mẹ.