Read urhobo Aizaya 43 Bible Online

Aizaya 43 - urhobo bible

Aizaya 43

¹Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

²Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

³Kidie Mẹvwẹ Ọrovwohwo Ọghẹnẹ wẹn, Ọfuanfon Ọvuọvo rẹ Izrẹl na, Osivwi wẹn Mi phi Ijipiti phihọ ijọpha kẹ wẹ. A vwe Etiọpia kugbe Seba vwo wene kẹ wẹ

⁴Kidie wẹ ọghaghare kẹ vwẹ, wẹ ro vwọ ọghọ, ivun wẹn da vwerhe ovwẹ, Me da vwe ihwo wene ke wẹ, ihwo kọye e vwọ wene arhọ wẹn.

⁵Wọ djẹ oshọ-ọ, kidie Me vẹ owẹ herọ, Me cha vwẹ uvwiẹ wẹn nẹ obaro ọnre rhe, obuko ọnre kẹ oboyi Me reyọ ovwan nurhe,

⁶Ke Me ta kẹ obohwẹre ọnre, siobọ wẹn nẹ ayen, kẹ obọrhe ọnre, Wọ gbe yọnrọ-ọn, reyọ emọ Mẹ nẹ ogboko rhe emetẹ Mẹ nẹ ẹtan rẹ akpọ na rhe,

⁷kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

⁸Reyọ ihwo ri rhuẹro, dede na yi vwo ẹro, ri dierhọn, dede na yi Vwo erhọn.

⁹Jẹn ẹgborho na ejobi si koko, re ihwo na rhe ghwẹ koko. Ono vwẹ usun rayen na ri se dje Ọnana, Ono ri se dje imu re awanre? Jẹn ayen vwẹ iseri rayen rhe ro muẹro, re ayen nyo re ayen ta, Uyota o ruẹ.

¹⁰Ovwan iseri mẹ, eriyin Ọrovwohwo tare, kugbe odibo mẹ re me jẹreyọ na, wo vwọ riẹn vwo se vwẹ gbuyota wọ vwọ mrẹ vughe nẹ Mẹvwẹ ọye Tavwe Me ke herọ ya je ma eghẹnẹ vuọvo-o, eye ọfa ra je cha ma vwe ọbuko mẹ herọ-ọ.

¹¹Mẹvwẹ, Mẹvwẹ Ọrovwohwo na, Osivwi ọfa gbe herọ nọ vwẹ-ẹ.

¹²Mi dje phia mi sivwiri mi ghwoghwo vwe ọke re Ọghẹnẹ erhorha je dia ohri rẹ ovwa-an, ovwan kẹ iseri, eriyin Ọrovwohwo na tare,

¹³Mẹvwẹ Ọghẹnẹ, kẹ etinẹ yanran Mẹvwẹ Ọye, o vwọ ohwo ọvuọvo ro se sivwi nẹ obọ mẹ-ẹ, Mi ru iruọ kẹ ono re sa daji?

¹⁴Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Fiki wẹn Mi vwo ji ikọn kpo Babilọn ve vwirhi egbẹ rẹ itehru rayen, unuebo rẹ ihwo ri Kaldia cha rhoma hirhe phiyọ ovie.

¹⁵Mẹvwẹ Ọrovwohwo, Ọfuanfon Ọvuọvo wẹn, Ọmema rẹ Izrẹl, Ovie wẹn.

¹⁶Enẹ Ọrovwohwo tare, rọ gbẹn idjerhe phiyọ abadi, rọ jẹ obẹlẹ phiyọ ame rode na,

¹⁷rọ vwe akpẹre rẹ ofovwi vẹ iyesi cha, utuofovwi vẹ onotu rẹ ofovwi; ayen sherhẹ te otọ, ayen gbi se vrẹ-ẹn, e furhie ayen,ayen furhie tẹ otọ kerẹ erhanre rẹ urhukpẹ,

¹⁸Wọ gbe karohọ imu rẹ awanre ọfa-a, eyẹ wọ gbi roro imu rẹ awanre-e.

¹⁹Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

²⁰Eranvwe re djoma na se mu na ọghọ kẹ vwẹ, te erha te ogomugorọ, kidie Mi phi ame phiyọ evun rẹ aghwa, irhie phiyọ evun rẹ aton, re ihwo Me jẹreyọ vwọ mrẹ da,

²¹ihwo re Me mare kẹ oma mẹ rere ayen vwo ghwoghwo ejiro mẹ phia

²²Dede na yi wo gbi se vwe-e, E Jekọp, ẹkẹvuọvo uvwerhi mẹ ko ro we, E Izrẹl.

²³Wọ vwẹ igodẹ wẹn izobo rẹ ẹtorhẹ keẹ vwẹ-ẹ, eyẹ wọ je vwẹ izobo wẹn mu ọghọ kẹ vwe-e Mi kru oghwo rẹ izobo nyẹ wẹ-ẹ eyẹ Me vwẹ ọnrhe re adjija ghworo owe oma-a.

²⁴Wọ vwe ighọ dẹ uhwerhe ọvwevwerhe kẹ vwe-e, eye ivwri rẹ izobo wẹn vọn vwe evu-un Ẹkẹvuọvo wo kru oghwa re imwemwu wẹ nyẹ vwẹ, wọ vwe imwemwu wẹn ghwọrọ ovwẹ oma

²⁵Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

²⁶Karo phihọ ovwẹ, jẹn avwanre phraphro kugbe, gu ẹdjọ wẹn rhe, re vughe ase wẹn.

²⁷Ọsẹ wẹn rẹ ẹsosuọ ru imwemwu, ivwrohọnre wẹn gbe vwe ku.

²⁸Ọtiọye na Mi de gbe isun rẹ ẹshẹ na ẹgua, Mi de siobọ nẹ Jekọp kẹ ẹghwọrọ Izrẹl vwọ ehwẹjẹ.