Read urhobo Aizaya 46 Bible Online

Aizaya 46 - urhobo bible

Aizaya 46

¹Bel gbe uyovwi otọ, Nebo rhuenri, ẹdjọ rayen eranvwe vẹ uchuru, imu nana ri wo mu ghwa na e pha tẹgbẹ kerẹ oghwa rọ he enu rẹ eranvwe re oghwa bẹn.

²Ayen rhuẹnri, ayen gbe uyovwi otọ kugbe, ayen se sivwi oghwa na-a, ẹkẹvuọvo ekpuyovwi rayen che kpo ighuvwu.

³Kerhọn Me, E uwevwi ri Jekọp, umuku ri chekọ vwẹ uwevwi rẹ Izrẹl, ri mi mu ghwa ne ọke emọ rhe, re Me ghwa vwẹ evun Mẹ;

⁴re duvwu ẹdẹ ọghwo wẹn Mẹvwẹ Ọye, re duvwu uyovwi esha Mi mu we phia Me ma nure, ke Me je ghwa, Mi muo ghwa ki mi sivwo.

⁵Ono wo vwo dje vwe ono Me vọye gba abavọ, onọ wọ vwọ vwanvwe ovwẹ, re Me vọye gba họhọ?

⁶Ayen otu re rhaphie oro ne evun re ekpo rayen, re vwẹ uwan vwanvwọn idọno ri durhie odjogu, ro vwo duvwu ẹdjọ kẹ wẹ, etiyin ayen she diguẹ ayen me gọ!

⁷Ayen mi muo phahe igabọ, ayen mẹ ghwa, ayen me rhuẹrẹ phihọ asan o mi mudia, etiyin o sa yan nẹ asan rọ epha na-a, Ohwo de kperi se, o se nyo-o eyẹ o se sivwi oma rọye nẹ ukpokpogho-o.

⁸Karophihọ Ọnana ri wo roro kpo eran, rẹ orukuruku wẹn,

⁹Karophihọ imu rẹ awanre, kidie Mẹvwẹ Ọghẹnẹ, o gbi vwo ọfa-a, Mẹvwẹ Ọghẹnẹ, ọfa rọ họhọ ovwẹ gbe herọ-ọ,

¹⁰rọ dje oba na nẹ etuọhọ rọye rhe nẹ awanre rhe imu ri ji ru-u tanẹ, Iroro Mẹ ri che mudia, Mi che ru iroro Mẹ ejobi gba,

¹¹se ọmọphran rọ djoma nẹ obaro ọnre rhe, ọvwiroro mẹ nẹ orere rọ he ogboko rhe. Me ta nure, Mi ji se ruo gba, Me je iroro nure, ki Mi ruo.

¹²Kerhọn Mẹ, ovwan ri vwo udu ọgangan, ovwan ri sheri ke esivwo;

¹³Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.