Read urhobo Aizaya 56 Bible Online

Aizaya 56 - urhobo bible

Aizaya 56

¹E nẹ Ọrovwohwo tare Yọnrọn ọsoso, re wọ ru ọvwata, kidie nanana esivwo Mẹ cha rhe, ka cha vwẹ esivwo mẹ phia.

²Ebruba kẹ ohwo ro ru ọnana, kẹ ọmọ re ohwo rọ yọnrọn gan rọ yọnrọn ẹdidjala, rọ gbere ẹgua-a, rọ sẹro rẹ obọ rọye ro vwo jẹ umwemwu eruo.

³E jẹn ọrhorha ro kuoma rọye gbe Ọrovwohwo tanẹ, Uyota Ọrovwohwo cha hẹriẹ ovwẹ nẹ ihwo rọye, e gbi je ọghwanre na tanẹ, Nighere, Mẹvwẹ urhe ọyaya.

⁴Kidie enẹ Ọrovwohwo tare ke otu re ọghwanra re yọnrọn ẹdidjala Mẹ, re je obo ri je vwe re yọnrọn ọphọ Mẹ kokoroko,

⁵ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

⁶Kugbe erhorha ri rhi kuoma gbe Ọrovwohwo na, ri gbe odibo kẹ, re guọnọ odẹ re Ọrovwohwo na, re dia idibo rọye, kohwo kohwo rọ yọnrọn ẹdidjala, ro gbere ẹgua-a, re yọnrọn ọphọ Mẹ gbae —

⁷ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

⁸E nẹ Ọrovwohwo Ọghẹnẹ tare, ọ rọ ghwe emọ rẹ Izrel ra dje kufia koko, Me cha ghwe efa bro ra vwo kugbe e ra ghwẹ rhe jovwo na.

⁹Ovwan eranvwe re aghwa ejobi, wa yanrhe re ghwọrọ ovwan eranvwe rẹ egbo.

¹⁰Erhẹrẹotọ rọye rhuẹro, ayen ejobi vwo erianriẹ-ẹn, ayen ejobi eranko ri diunu, ayen sa gbọ-ọ; ayen shevwerhẹ, re vwerhe evwerhẹ, ovwerhe ayen guọnọ. ovwerhe ayen guọnọ.

¹¹Eranko na vwo urhuru sivwi gangan; evun vọn aye-en. isuigọde na rhe ji vwo erianriẹ-ẹn; dohwo didjerhe rọye hirhe aro ku, dohwo derere rọye guọnọ, ohwo ọvo, ayen ejobi re.

¹²Yanrhe, ayen da ta, e jẹn avwanre da udi, e jẹn avwanre da idi egangan vọ evun, odẹ rọ cha na je cha họhọ nonẹ na, rhuarho nẹ ẹdẹ ejobi.