Read urhobo Livitikọs 12 Bible Online

Livitikọs 12 - urhobo bible

Livitikọs 12

¹Ọrovwohwo na da ta kẹ Mosis nẹ,

²Ta kẹ ihwo rẹ Izrẹl nẹ, aye da mrẹvun, o de vwiẹ ọmọshare, kọ dia vwẹ ijẹfuọn ẹdẹ ighwrẹn; ọtiobo re ruẹ vwẹ ọke rọ da dia afe na kẹ etiọye ọ je dia vwẹ ijẹfuọn te.

³Ẹdẹ rẹ ẹrenren de te ka yanvwe ọmọshare na.

⁴Aye na Me rha dia uwevwi rẹ agbọn ẹdẹ ọgban gbe erha, emu kemu ra vwẹ ọghọ kẹ ejobi ọ rha vwẹ obọ te-e, ọ rha je ro evun rẹ uwevwi rẹ ẹga na-a, bẹsiẹ rẹ ẹdẹ rẹ orufuọn rọye vwọ gba.

⁵Ẹkẹvuọvo ọ da dia ọmọtẹ kọye o vwiẹri, kọ dia vwẹ ijẹfuọn ẹdidjala ivẹ, kirobo re ruẹ vwẹ ọke rẹ afe rọye, o Me rha dia uwevwi rẹ agbọn ẹdẹ ujorha gbẹ esan.

⁶Siẹ rẹ ẹdẹ rẹ orufuọn rọye da gba nu, owenẹ e rẹ ọmọshare eyẹ o re ọmọtẹ, ọ Me reyọ omogodẹ rẹ ẹgbukpe vwo rhe orherẹn na vwẹ unurhoro rẹ utughẹ rẹ a da vwa oma na rere e vwo ze izobo rẹ ẹtorhẹ, kugbe ọmọ rẹ inekuku eye erurẹ re vwo ze izobo fiki rẹ izobo rẹ umwemwu.

⁷Orherẹn na mi vwo ze vwẹ obaro rẹ Ọrovwohwo, rọ gọ ẹgua no oma, kẹsiẹye ọ ke fon nẹ agbọn rọye. Ọnana kọye urhi rẹ aye ro vwiẹri owene o vwiẹ ọmọtẹ eyẹ ọmọshare.

⁸Aye na rha sa de omogodẹ-ẹ, ọ Me reyọ irurẹ ivẹ eyẹ emọ rẹ inekuku ivẹ, ọ Me vwẹ ọvo ze izobo rẹ ẹtorhẹ ọrivẹ kẹ izobo rẹ umwemwu, Orherẹn na kọ gọ ẹgua rọye nọ, kọ fon.