Read urhobo Jerimaya 10 Bible Online

Jerimaya 10 - urhobo bible

Jerimaya 10

¹Nyo ota rẹ Ọrovwohwo ta kẹ wẹ, E uwevwi rẹ lzrẹl.

²Enẹ Ọrovwohwo na tare: Wo yono uruemu rẹ ẹgborho na-a, wọ je djẹ oshọ rẹ eka rẹ obenu na-a, kidie ẹgborho na e je djẹ oshọ rayen,

³Kidie uruemu rẹ ihwo na uruemu rẹ ofian. Urhe ro nẹ evun rẹ ẹgbo na rhe e shere teye otọ ọwena da reyọ ushurhe rọye vwọ karọ.

⁴Ihwo da vwẹ idọnọ vẹ iro vwo rhuẹrẹ oma; ubrogba vẹ epẹrẹ ayen vwo hwemu ọ gbe sa ya-an.

⁵Edjọ rayen họhọ ikroro re vwo guegue emephran vwẹ aghwa, ayen sa ta ota-a, e mu ayen ghwa kidie ayen sa ya-an We brẹ udu raye-en kidie ayen se ru umiovwo-o, eyẹ erhuvwu je nẹ oma raye-en cha-a.

⁶Ọ rọ họhọ owẹ herọ-ọ, E Ọrovwohwo, wẹ re rhoro, odẹ wẹn je rho vẹ ẹgba.

⁷Ono jẹ oshọ wẹn ẹdjẹ, E Ovie rẹ ẹgborho na? Kidie ọna ẹkẹn ro te we, kidie vwẹ uherevie rẹ ẹgborho rẹ ọvweghwanre na ejobi kugbe evun rẹ uvie rayen na ejobi Ọ rọ hoho owẹ herọ-ọ.

⁸Ayen pha djidji gheghẹ, Uyono ra mrẹ nẹ oma rayen rhe gbe vrẹn urhe-e.

⁹Idọnọ re duvwuru a ghwẹ ayen nẹ Tashishi rhe, kugbe oro ro nẹ Ufaz rhe. Ayen iruo rẹ ọwena kugbe e rẹ odjogun, emwa rayen orhurhu kugbe ododo, ayen ejobi iruo rẹ ewena

¹⁰Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

¹¹Enẹ wọ ta kẹ ayen eghẹnẹ re ma idjuvwu kugbe akpọ na-a cha ghwọrọ nẹ akpọ kugbe otọi rẹ obo odjuvwu na.

¹²Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

¹³Ọke ro de do ame ro obo odjivwu na ki kpogho, ọye je nẹrhẹ evwru muẹ nẹ abọ ọvo rẹ akpọ re te oba. Ọ ma agbrara fiki rẹ osio, ọye reyọ odju nẹ uwevwi rọye rhe.

¹⁴Kohwo kohwo ejobi pha djidji gheghẹ, oma cha vo iduvwiro ejobi fiki rẹ edjọ rayen. Kidie ema rọye na ejobi efian, ẹnwẹn hẹ evun raye-en.

¹⁵Ayen fiemu-u iruo rẹ ophiẹvwe, ọke re ehwe rayen kẹ ayen cha ghwọrọ.

¹⁶Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

¹⁷Ghwẹ ekru wẹn koko nẹ otọ na ovwan re hẹ otọ rẹ imu!

¹⁸Kidie enẹ Ọrovwohwo na tare: Nighe, mi che fru ihwo rẹ otọ na kufia vwẹ ọke nana me je ghwẹ okpetu rhurhu ayen, rere ọ da ayen.

¹⁹Ekan kẹ vwẹ fiki rẹ omenwan mẹ! Ora mẹ na miovwiri gangan. Ẹkẹvuọvo me da tanẹ, Ọnana ghine ojaẹriọ mẹ, mi chiro.

²⁰Aghwọrọ utughẹ mẹ ifi mẹ ejobi sanvwere, emọ mẹ yan juvwe vwo ayen gbe herọ-ọ, ohwo ro si utughẹ mẹ phihọ rọ da vwẹ amwan tan gbe herọ-ọ.

²¹Kidie isiugegede na epha djidji, ayen nọ vwẹ obọ rẹ Ọrovwohwo na-a; vwẹ otiọye na ogbi yovwi kẹ aye-en, igegede rayen ejobi ke hrabọ.

²²Kerhọn rẹ alegbe! Nighe, ọ vẹn cha — edo rode na nẹ oboọhwẹre ọnre cha ọ cha ghwọrọ irere ri Juda hirhe phihọ ofefe, kere unu rẹ ẹrha.

²³E Ọrovwohwo, mẹ riẹnre nẹ idjerhe rẹ ohwo rẹ akpọ ọ hẹ oma rọye-e, nẹ ohwo sa vwẹ ogangan rẹ omobọ roye kpọ oma rọye vi-i.

²⁴Kpọvwẹ vi, E Ọrovwohwo, vwẹ ọvwata wẹn; ọ dia ophu wẹ-ẹn, wo de ru uvwe phihọ odiodi.

²⁵Ku ophu wẹn ku ẹgborho ri ju we ẹriẹn kugbe ihwo ri se ode wẹ-en, kidie ayen mu Jekọp rọn, ayen murọ rọn ayen guọgherọ te otọ ayen ru ẹdia rọye phihọ ofefe.