Read urhobo Jerimaya 12 Bible Online

Jerimaya 12 - urhobo bible

Jerimaya 12

¹Wọwe ọvwata, E Ọrovwohwo, vwẹ ọke mi de guẹ kẹ wẹ; dede na mi ji gu ẹdjọ mẹ kẹ wẹ. Die sorọ o vwo yovwẹ kẹ oruimwemwu? Die nẹrhẹ ihwo ri gbẹ ozighi vwo yovwẹ?

²Wọwẹ re kọn ayen, ayen de mu; ayen rhoro ayen da mọ ibi, wo sikẹrẹ ayen vwẹ unu rayen wo de sheri kẹ udu rayen.

³Ẹkẹvuọvo wẹ re riẹn vwẹ, E Ọrovwohwo, wẹ re mrẹ vwẹ, wọ da davwẹ iroro mẹ ni vwọ kpahe owẹ. Si ayen phia kerẹ igegede re che hwe, wọ da vwẹ ayen kpahe ọrhon vwọ hẹrhẹ ẹdẹ rẹ ehwe.

⁴Mavo otọ na muoma phihọ krite, rẹ ẹbe rẹ aghwa na vwioro krite? fiki rẹ umwemwu rẹ otu re dia evun rọye, tẹ eranvwe vẹ emephran e hwerhe ayen kufia kidie ihwo tare nẹ, Ọ sa mrẹ oba rẹ avwanre-e.

⁵“Ọ da dianẹ wọ vẹ ihwo vwẹ awọ djẹ onẹ oma da rhọ wẹ, komavọ wọ ru nene iyesi vwavwẹ oma Wọ da he otọ ofuefu wo de she teye otọ komavọ wo ru vwẹ oghwaghwo ri Jọdan?

⁶Kidie iniọvo wẹn vẹ uwevwi rẹ ọsẹ wẹn, de gbe ozighi kpahe owẹ rẹ ayen ejobi de kperẹ nene uwe tuatuatua, wo se ayen gbuyota-a, owenẹ ayen ta avwerhe kẹ wẹ.”

⁷Me siẹn uwevwi mẹ, me yan jẹn ukuẹriọ mẹ vwo, mi phi ọ ro je vwe phihọ obo rẹ ivwighrẹ rọyẹ.

⁸Ukuẹriọ mẹ da rhe dia kẹ vwẹ kerẹ okpohrokpo rọ hẹ evun rẹ oghwaghwo. Vwẹ ọtiọye na ko tu vwe oma.

⁹Ukuẹriọ mẹ kọ rhọma rhe họhọ ọso rọ kerẹ ovwẹ oma? Emephran re djoma na rhe rhan yariẹ phihọ? Yanra, re koko eranvwe rẹ djoma ejobi; Ghwẹ koko ra ghwọrọ ayen.

¹⁰Isuigegede guọghọ ogba ri vain mẹ ayen chiyi ẹkẹn mẹ muotọ, ẹkẹn oyoyovwi mẹ na hirhe phihọ aghwa ofefe.

¹¹Ayen ruro phihọ ofefe, ofefe, o muomahọ kẹ vwẹ. E ru otọ na soso phihọ ofefe, ẹkẹvuọvo ohwo rọ dare herọ-ọ.

¹²Vwẹ enu rẹ igbenu phrephrephre na ejobi etiyin ọghwọrọ na nẹ cha; kidie ọlọkọ rẹ Ọrovwohwo guọghọ nẹ oba rẹ akpọ ọvo re te oba rivẹ, ohwo ọvuọvo ro vwo ufuoma hẹrọ-ọ.

¹³Ayen kọn eka ayen de vu inwe, ayen lagha oma ye ayen mrẹ erere ọvuọvo-o Oma re ọrho rayen cha vo ayen vwẹ obọ fiki rẹ ophu otuatua rẹ Ọrovwohwo.

¹⁴Enẹ Ọrovwohwo tare kpahe irivẹ me imiomiovwi na re vwẹ obọ te ukuẹriọ re me vwo ke ihwo mẹ Izrẹl, nẹ vwọ reuku na: Nighe, mi che yoro ayen nẹ otọ rayẹn, ki mi yoro uwevwi ri Juda nẹ ohri rayen.

¹⁵Mi de yoro ayen nu, me je rhoma nẹ arodọvwẹ rayen ke me reyọ ayen rhe dohwo dukuẹriọ rọye je rhe dohwo dotọ rọye.

¹⁶Ọke che te, ọ da dianẹ ayen vwẹ erhiọri yono idjerhe re ihwo mẹ, rẹ ayen da vwẹ odẹ mẹ ve ive tanẹ, Obo rẹ Ọrovwohwo epha na, ọtiobo rẹ ayen yono ihwo mẹ vwọ reyọ odẹ ri Baal vwo duvwu iyori na, ke me bọn ayen phihọ uherevie rẹ ihwo mẹ.

¹⁷Ẹkẹvuọvo ọ da dianẹ orere yena gbe kerhọ-ọn ke me kọrọ, je ghwọrọ tototo, eriyin Ọrovwohwo tare.