Read urhobo Jerimaya 15 Bible Online

Jerimaya 15 - urhobo bible

Jerimaya 15

¹Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

²Ọke rẹ ayen da nọ wẹ, Bovọ ma ra vwo? Wọ me vuẹ ayen nẹ, E nẹ Ọrovwohwo tare: Erẹ emiavwe vwọ kẹ emiavwe, erẹ ọlọkọ vwọ kẹ ọlọkọ erẹ owẹvwẹ vwọ kẹ owẹvwe erẹ a vwọ kẹ imu, vwọ kẹ imu.

³Me cha vwẹ oghẹre re oghwọrọ enẹ vwo mu kẹ ayen, eriyin Ọrovwohwo tare: ọlọkọ re o hwe, eranko re ọ chẹghẹ, kugbe eme-phran rẹ enu ve ẹranvwẹ rẹ aghwa re guọghọ re je ghwọrọ

⁴Ke ayen dia oshọẹdjẹ kẹ ivie rẹ akpọ na ejobi vwi fiki rẹ obo ri Manasse ọmọ ri Hezekaya, rẹ ovie ri Juda, ruru vwi Jerusalẹm.

⁵Kono ri ni arodọvwẹ wẹ, E Jerusalẹm, eyẹ kono viẹ kẹ wẹ? Ono ri bioma phihọ akakọ rọ nọ wẹ obo ru wọ epha?

⁶Wọ sen vwẹ, eriyin Ọrovwohwo tare, obobuko wọ cha ra; kọye me vwọ riẹn obọ mẹ kpahe owẹ re me vwọ ghwọrọ owẹ; oma rẹ ufuefu rhọ vwẹ rẹ.

⁷Me vwẹ ọfa fa ayen nure vwẹ ughere rẹ otọ na, Me vwẹ emu ru ayen, me ghwọrọ ihwo mẹ nure; ayen kurhẹriẹ nẹ idjerhe raye-en.

⁸Mi ru eyauku rayen rhi bu phihọ, vrẹn ubu rẹ abadi. Mi rhi mu kpahe iniemọ rẹ ighene na ọghwọrọ vwẹ ọnre viri me vwẹ omaẹghwọrọ vẹ uguegue ri she teyọ ayen kpregede.

⁹Aye ro vwiẹ ighwrẹ oma rhọrọ, o de rhe shero; ọke ji kpo-o yẹ onrẹ rọye ruotọ nure, omavorọ a vwe rọ jehwẹ. Otu ri chekọ me cha ghwẹ ayen kẹ ọlọkọ vwẹ obọ rẹ ivwighrẹ rayen, eriyin Ọrovwohwo tare.

¹⁰Ekan kẹ vwẹ, oni mẹ, ru wo vwo vwiẹ vwẹ, ohwo re ẹghwọ vẹ ohọnre vwọ kẹ otọ na ejobi! Mi momo kẹ ohwo-o, mi ji momo mie ohwo-o, dede na yẹ ayen ejobi harha ovwẹ.

¹¹Jọ dia ọtiọye, E Ọrovwohwo, ọ da dianẹ me rẹ wẹ vwi fiki rẹ erhuvwu raye-en me rha rẹ wẹ vwọ ke ayen fiki rẹ ivwighrẹ vwẹ oke rẹ ukpokpogho!

¹²Ohwo se vwirhi utehru, utehru ro nẹ obohwẹre ọnre cha kugbe ẹrovwo?

¹³Te efe wẹn te ughwẹ wẹn ke cha dia emu rẹ iji ọphọphẹ diodi, fiki rẹ umwemwu wẹn, vwẹ asan rẹ otọ wẹn hẹre te ejobi.

¹⁴Mi ru we vwọ ga ivwighrẹ wẹn vwẹ otọ ru wọ riẹnre-e, kidie me vwẹ ophu me koko erhanre họ nure rọ cha la bẹdẹ.

¹⁵E Ọrovwohwo wọ riẹnreọ; karohọ ovwẹ wo bru vwe rhe, re wọ reihri kẹ vwẹ vwẹ obọ rẹ otu ri kpokpo uvwe. Vwẹ akoechiro wẹn na wọ reyọ ovwẹ yanra-an; riẹn nẹ fiki wẹ me vwọ ghwẹ ekan na.

¹⁶A mrẹ eta wẹn, me da riẹn ayen, eta wẹn da dia aghọghọ kẹ vwẹ kugbe omavwerhovwẹ kẹ ubiudu mẹ; kidie a vwẹ odẹ wẹn se vwe nure, E Ọrovwohwo, Ọghẹnẹ rẹ ofovwi.

¹⁷Mi tidia vwẹ ukoko re otu re ghọghọ-ọ, me je ghọghọ-ọ; mẹvwẹ ọvo ri tidia, kidie obọ wẹn ọ he enu mẹ, kidie wẹ ghwa ophu vọn vwẹ evun.

¹⁸Die sorọ re odjadja mẹ gbi fue-e, rẹ era mẹ gbi kpo-o, ra gbe rhọvwe sivwo-o ku wọ họhọ ẹtẹrhe rẹ ophiẹvwe kẹ vwẹ, kerẹ ame rọ kpọ?

¹⁹Vwẹ eriyin na, enẹ Ọrovwohwo tare: wo de kurhẹriẹ, ke me reyọ owẹ, ku wo mudia vwẹ obaro mẹ Ọ da dianẹ wọ ta omamọ rẹ ota, rọ gbe dia orharhe-e, ku wọ dia kerẹ unu mẹ, Ayen che bru we rhe, ẹkẹvuọvo wo bru ayen ra-a.

²⁰Ki mi ru we vwo kẹ ihwo nana kerẹ ogba rẹ ẹrovwo ayen che nene uwe họnre, ẹkẹvuọvo ayen che se phi we kparobọ-ọ kidie me vọ owẹ herọ. Re mi vwo sivwi uwe je chọ wẹ, eriyin Ọrovwohwo tare.

²¹Mi sivwi uwe nẹ obọ rẹ oriumwemwu na, mi ji sivwi uwe nẹ ugodo rẹ ihwo ogbarogba na.