Read urhobo Jerimaya 21 Bible Online

Jerimaya 21 - urhobo bible

Jerimaya 21

¹Ọnana ota ro nẹ obọ rẹ Ọrovwohwo bru Jerimaya rhe, vwẹ ọke rẹ Ovie Zẹdikaya vwo ji Pashọ rẹ ọmọ ri Malkaya kugbe Zẹfanaya rẹ orherẹn na, rẹ ọmọ ri Maaseai bro ra, nẹ,

²Nọ vwẹ obọ rẹ Ọrovwohwo kẹ avwanre, kidie Nebukadreza ovie rẹ Babilọn kpare ofovwi bru avwanre cha, siẹvo ye Ọrovwohwo che ru kẹ avwanre kirobo rẹ iruo rẹ igbunu rọye ejobi epha, ro de ruo vwọ yan jẹ avwanre vwo.

³Jerimaya da ta kẹ ayem

⁴Enẹ wa cha ta kẹ Zedikaya, Enẹ Ọrovwohwo, Ọghẹnẹ rẹ Izrẹl tare, Nighe, me cha rheriẹ ekuakua rẹ ofovwi re abọ re ovwan na kpuko e re wa vwọ họnre ovie ri Babilọn kugbe ihwo ri Kaldia e re yariẹ ovwan phihọ vwẹ obotafe rẹ igbẹhẹ na, Ke me cha ghwa ayen koko rhe uherevie rẹ orere na.

⁵Ekpuyovwi mẹ cha vwẹ obọ ra riẹnre vẹ ugbobọ ọgangan họnre ovwan vwẹ evun rẹ ophu vwẹ evun rẹ ogidi kugbe evun rẹ ivuemiovwo rode.

⁶Ke me cha teyọ ihwo rẹ orere na, te ihwo vẹ eranvwe, emiavwe rode che hwe ayen.

⁷Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

⁸Ihwo nana wọ cha ta kẹ: Enẹ Ọrovwohwo tare: Nighe, mi phi idjerhe rẹ arhọ vẹ idjerhe rẹ ughwu phihọ obaro rẹ ovwan.

⁹Ohwo rọ da oma ji orere nana che ghwu ughwu rẹ ọlọkọ vẹ ọ rẹ owẹvwe, kugbe ọ rẹ emiavwe; ẹkẹvuọvo ohwo rọ yan nọ rọ da vwẹ oma rọye kẹ ihwo ri Kaldia re yariẹ ovwan phihọ na cha rhọ ye arhọ rọye kọ cha dia osa re ofovwi.

¹⁰Kidie mi mu opharo mẹ kpahe orere na vwẹ ọ rẹ umiovwo ọ dia ọ rẹ erhuvwu-u eriyin Ọrovwonwo tare. A cha vwọ kẹ Ovie ri Babilọn, ọ cha vwẹ erhanre torhẹ.

¹¹Wọ je ta kẹ uwevwi ri Juda nẹ, Nyo ota rẹ Ọrovwohwo na,

¹²E uwevwi ri Devid! Enẹ Ọrovwohwo tare Brorhiẹ esiri vwẹ urhiọke, Sivwi ohwo re Shenyẹ na nẹ abọ rẹ Ohwo ro shenyẹ na, eyẹ ophu mẹ da rhe kerẹ erhanre, rọ la rẹ ohwo je se fuo, fiki rẹ iruo ogbegho rẹ ovwan.

¹³Nighe, mi mu kpahe ovwan, E Ihwo re dia iyara na, E oragha rẹ asan ophephẹ, eriyin Ọrovwohwo tare Wẹ rọ tanẹ, Ono se rhi mu kpahe avwanre, eyẹ ono sa ro ẹdia re avwanre.

¹⁴Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.