Read urhobo Jerimaya 47 Bible Online

Jerimaya 47 - urhobo bible

Jerimaya 47

¹Ota rẹ Ọrovwohwo ro bru Jerimaya rẹ ọmraro na rhe kpahe ihwo ri Filistia, tavwe ri Fero ki hwe Gaza.

²Enẹ Ọrovwohwo na tare: Nighe, ame herọ kpara nẹ obọrhe ọnre cha, O cha djẹ ọkẹre reghereghe ayen che reghe otọ na vẹ obo re vọnrọn ejobi. Orere na kugbe otu re dia evun rọye. Ihwo che kperi phia, ohwo kohwo rọ hẹ otọ na ejobi che beroma.

³Vwẹ edo rẹ ichiyotọ rẹ isi eshare rọye, vwẹ ẹdjẹ rẹ ekpẹrẹ rọye, vwẹ eghorie rẹ idjuge rayen, esẹmọ na rhe ni uko nẹ emọ raye-en, eriyin abọ rayen ghwrọghọ te,

⁴fiki rẹ ẹdẹ rọ cha guọghọ ihwo rẹ Filistia ejobi, rọ che bru kufia ni Taya vi Saidọn kọchuko kọchuko ro che chekọ. Kidie Ọrovwohwo herọ ghwọrọ ihwo ri Filistia, umuku ri chekọ vwẹ erhuru ri Kaftọ.

⁵Akpan bru Gaza rhire, Ashkẹlọn ghwọrọ nure. E umuku ri chekọ vwẹ ihwo rẹ Anak, Mavọ we bru omobọ rẹ ovwan krite?

⁶E, ọlọkọ rẹ Ọrovwohwo na! Mavọ okrite wo ki hwe oma mu? phi omobọ wẹn phihọ akọ wẹn, rovwoma, fọ gbiei!

⁷Mavọ o ru fọ gbiei, vwẹ ọke rẹ Ọrovwohwo jiji kẹ! Kpahe Ashkẹlọn kugbe erhuru rẹ abadi na o bru ẹdẹ na nure.