Read urhobo Jerimaya 8 Bible Online

Jerimaya 8 - urhobo bible

Jerimaya 8

¹Vwẹ ọke yena, eriyin Ọrovwohwo na tare, ibeku rẹ ivie ri Juda, ibeku rẹ isun rọye, ibeku rẹ irherẹn rọye, ibeku rẹ emraro na, kugbe ibeku rẹ ihwo ri Jerusalẹm, ke che ghwie ayen nẹ evun rẹ ushi rayen rhe;

²ka hra ayen phihọ kẹ ọnre vẹ emeranvwe kugbe otu re hẹ obenu ejobi, e rẹ ayen guọnọre rẹ ayen je ga na, rẹ ayen yan nene na, rẹ ayen nenesi rọye, rẹ ayen vwẹ uyovwi kpotọ kẹ; a gbe sa ghwẹ ayen koko-o, e ji se shi ayẹ-ẹn ayen ke họhọ isọn vwẹ otọ na.

³Ughwu kọye che me jẹ umuku rẹ ihwo ri chekọ vwẹ orua umwemwu nana vrẹn arhọ, vwẹ asan re me djẹ ayen ra ejobi; eriyin Ọrovwohwo rẹ otuofovwi na tare.

⁴Ku wọ ta kẹ ayen, Enẹ Ọrovwohwo na tare, Ihwo de she, e gbe rhoma vrẹ? Ohwo de rhivwi kpuko, o gbi kuẹrhẹriẹ?

⁵Die sorọ rẹ ihwo nana vwo rhivwi kpuko rẹ ayen vwo si phihọ uko bẹdẹ? Ayen churu obọ mu ophiẹvwe kokoroko, ayen rhọvwe kurhẹriẹ-ẹ.

⁶Me nabọ vwẹ oma kpoto kerhọn, ẹkẹvuọvo ota rayen ji shephihọ-ọ ọ rọ kurhẹriẹ nẹ orukuruku rọye herọ-ọ, yẹ ọ tanẹ, Die mi ruru? Dohwo didjerhe rọye vwo gbe, kerẹsiẹ rẹ iyesi da vwẹ uyovwi hẹrhẹ ofovwi.

⁷Obo re hẹ obenu dede na riẹn ọke roye, ilekuku, emephran-Ọghẹnẹ, vẹ egodi yọnrọn ọke rẹ ẹcha rayen; ye ihwo mẹ je riẹn iji rẹ Ọrovwohwo-o

⁸Komavo wọ vwọ tanẹ, Avwanre ghwanre avware yọnrọn urhi rẹ Ọrovwohwo? Ẹkẹvuọvo, nighe, uhiurhe rẹ efian rẹ isiebe na ru ro phihọ ọvwọrefia.

⁹Oma cha vo evwaghwanre na vwẹ obọ; oma cha ghwọrọ ayen re de mu ayen; nighe, ayen siẹn ota rẹ Ọrovwohwo, didi aghwanre re hẹ evun rayen?

¹⁰Vwẹ ọtiọye na ke me vwẹ eya rayen kẹ ihwo efa, ke me vwẹ udju rayẹn kẹ otu ri phi ayen kua, fikiridie nẹ omotete rayen re te omirẹgua vwo urhuru rẹ igho rẹ eku; nẹ orherẹn re te ọmraro ejobi vwọrọn ofian.

¹¹Ayen vwẹ obọ pẹpẹ era rẹ ihwo mẹ tanẹ, Ufuoma, ufuoma, ye ufuoma herọ-ọ.

¹²Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

¹³Ọke mi vwo si ayen koko, eriyin Ọrovwohwo na tare, a gbe mrẹ otiẹ vwẹ enu ri vain na-a eye emamọ vwẹ enu rẹ urhe rẹ owe-e. Ẹbe na dede je ghwa ya yẹ obo re me vwọ kẹ ayen wan ayen vrẹn nure.

¹⁴Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

¹⁵Ma hẹrhẹ ufuoma, yẹ erhuvwu cha-a, ma hẹrhẹ esivwo, ẹkẹvuọvo, gbe no, oshọ kọye a mrẹre.

¹⁶Ọ dia Dan e de nyo inwe ẹ fiọn rẹ iyesi rayen; kugbe ẹguangon rẹ azanọ rẹ rayen, otọ na soso de kpogho. Ayen rhere ayen da ghwọrọ otọ na kugbe obọ re vọnrọn, ọrere na ve ọtu re dia ejobi.

¹⁷Ki nighe, mi ji eredekọ cha ohri rẹ ovwan, eredekọ re se fuẹ obi rọye-e ayen cha rhovwo ovwan, eriyin Ọrovwohwo na tare.

¹⁸E se fuẹ ophu mẹ-ẹ, Udu mẹ herọ mwọga.

¹⁹Kerhọn, rẹ ovie rẹ ọmọtẹ re ihwo mẹ nẹ ugrogro te ohẹhẹre rẹ otọ na, Ọrovwohwo hẹ zayọn vwẹ etiyin na? Ovie rọye tobọ herọ? Die ayen vwọ vwẹ ema rayen vwọ kparẹ ovwẹ ophu? kugbe edjọ erhorha rayen?

²⁰Orhọ vrẹn re, ọkeuvo rere, yẹ e ji sivwi avwanre-e.

²¹Kidie omẹwan rẹ ọmọtẹ rẹ ihwo mẹ na ọ miavwe ovwẹ vwẹ udu, mi muomahọ, ofu dje vwe hwe.

²²Ifuen gbe hẹ Giliad? Ọbo hẹ oboyi? Kidie rha suọ re gbi sivwi arhọ rẹ ọmọtẹ rẹ ihwo mẹ-ẹ? na-a?