Read urhobo Izikiẹl 2 Bible Online

Izikiẹl 2 - urhobo bible

Izikiẹl 2

¹Ọ da ta kẹ vwẹ, Ọmọ rẹ ohwo, Vrẹ mudia, rere me vẹ owẹ ta ota.

²Ọke rọ vwọ ta ota kẹ vwẹ, Erhi na da ro ovwẹ oma o de mu vwe vrẹn mudia vwẹ awọ mẹ; mi de nyo rọ vwọ ta ota kẹ vwẹ.

³O da ta kẹ vwẹ, Ọmọ rẹ ohwo, mi ji we bru ihwo rẹ Izrẹl, bru ẹgborho ri muẹ kpahe ihwo, ri mu kpahe ovwẹ, te ayen te ese rayen gbe urhi mẹ ku rhi te nonẹ na.

⁴Ihwo na nyo ẹme-e, vẹ udu gangan kpoi. Mi ji we bru ayen ra; ku wọ ta kẹ ayen, Enẹ Ọrovwohwo Ọghẹnẹ tare.

⁵Owenẹ ayen nyo owene ayen je nyo (kidie ayen uwevwi rẹ okpetu) ayen ke riẹn nẹ ọmraro je hẹ ohri re ayen.

⁶Wẹ rhe, ọmọ rẹ ohwo, wọ djẹ oshọ raye-en, eyẹ wọ djẹ oshọ rẹ eta raye-en, owenẹ ekpia vẹ odjigbẹ keke uwe wo de tidia phihọ enu rẹ akpakpasimagha; wọ djẹ oshọ rẹ eta raye-en, eyẹ ofu rẹ opharo rayen dje we-e, kidie uwevwi rẹ okpetu ayen ruẹ.

⁷Ku wọ ta ota mẹ kẹ ayen, owenẹ ayen nyo owenẹ ayen je nyo, kidie uwevwi rẹ okpetu ayen ruẹ.

⁸Ẹkẹvuọvo wẹ, ọmọ rẹ ohwo, nyo obo re me ta kẹ wẹ na, wọ rha dia ohwo rẹ okpetu kerẹ uwevwi rẹ okpetu yena-a, rhie unu wẹn, rere wọ re obo re me vwọ kẹ wẹ na.

⁹Mi vwo ni, nighere, obo da riẹn bru vwe rhe, mi rhe vwo no, ekpirhi rẹ ọbe re siri da herọ,

¹⁰o da bẹre sa vwẹ, e de si isiesi phihọ obaro vẹ obuko rọye, e de si eta rẹ uvwerhe omaemuoho kugbe ekan phihọ.