Read urhobo Izikiẹl 31 Bible Online

Izikiẹl 31 - urhobo bible

Izikiẹl 31

¹Vwẹ ukpe ruhwọvo, vwẹ emeranvwe rerha, vwẹ ẹdẹ rẹsosuọ rẹ emeranvwe na, ota rẹ Ọrovwohwo de bru vwe rhe.

²Ọmọ rẹ ohwo, ta kẹ Fẹro ovie rẹ Ijipt kugbe urogho rọye: Ono ovwan họhọre vwẹ ọrho rẹ ovwan?

³Nighe, me vwẹ owẹ dje igẹdu vwi Lebanọn, vẹ omamọ rẹ eghọn kugbe ophie rẹ egbo, o de gro kpenu gogorogo, ẹroro rọye de kpo obenu nẹghẹ nẹghẹ.

⁴Ame da nabọ ghẹrẹ, urhie da nẹrhẹ o gro kpenu, ọ da nẹrhẹ urhie rọye djẹ ọkẹre riariẹ asan ra kọnrọ phihọ na, ọ da rhe jẹ eghọn rọye te irhe ejobi re hẹ evun rẹ egbo na.

⁵Ọtiọye na egrogro kọye o gro kpenu nọ irhe rẹ egbo na ejobi; eghọn rọye da rhe rhuoma abọ rọye de rhi gro, fiki rẹ amẹ buebu rọ hẹ awọ rọye.

⁶Ephran rẹ ọbenu ejobi da bọn ẹho rayen phihọ abọ rọye; eranvwe rẹ aghwa ejobi kẹ ophie rọye e dia de vwiẹ emọ rayen; otọ rẹ ophie rọye ọye ẹgborho ride na ejobi dia.

⁷Ọ pha yoyovwi vwẹ evun rẹ ọrho rọye, vwẹ evun rẹ ugrogro rẹ abọ rọye; kidie awọ rọye tọn kpotọ re te asan rẹ ame buebu epha.

⁸Igedu rọ hẹ udju rẹ Ọghẹnẹ sa vwanvwọ-ọn, eyẹ owangha rho te abọ rọye-e, irhe na kẹ emu diodi kẹ ra da vwẹ ayen dje abọ rọye, o vwo urhe vwẹ udju rẹ Ọghẹnẹ na re vwo dje vwẹ erhuvwu-u.

⁹Me marọ yoyovwi vẹ abọ rọye re pha jigbi na, irhe rẹ Idẹn ejobi ke rioma kpahọ e re hẹ evun rẹ udju rẹ Ọghẹnẹ na.

¹⁰Fiki rẹ ọtiọye na enẹ Ọrovwohwo Ọghẹnẹ tare: Fikiridie o tan kpenu nẹghẹ nẹghẹ rẹ obenu rọye de re duvwu irharheghe rẹ obenu na, udu rọye kọ vwẹ ugrogro rọye na yan eyan,

¹¹mi che phio phihọ obọ rẹ ọgba rẹ ẹgborho na; ko che ruo kirobo rẹ umwemwu rọye guọnọre. Me kpaherọ kufia.

¹²Erhorha, ẹgborho ro me muoshọ ejobi, cha nyavwọ kuotọ ọ me yan jovwo. Vwẹ enu rẹ igbenu na kugbe iyara na abọ rọye ke cha kpare she, eghọn rọye ki vwirhi she gbe omova kugbe imito rẹ otọ na; ihwo na ejobi ki mu vẹn nẹ ophie rọye ayen me dje jovwo.

¹³Vwẹ enu rẹ asan rọ guọghọ phihọ etiyin emephran rẹ obenu na cha dia, vwẹ enu rẹ abọ rọye. Etiyin eranvwe rẹ aghwa na cha dia.

¹⁴Enana ejobi ke dia ọtiọye rere urhe ọvuọvo rọ dia kẹrẹ asan ame vwo je gro kpenu phene phene eyẹ obenu rayen jẹ ikoro na eduvwo, rere urhe kurhe rọ da ame na vwo jẹ obenu phene phene e te, kidie a vwẹ ayen ejobi vwo ze kẹ ughwu, vwo kpo obo orho rẹ erivwi vwẹ ohri rẹ ihwo ighwe-ghwu, vwo kugbe ayen ihwo ri kpo obo Ukpotọ na.

¹⁵E nẹ Ọrovwohwo Ọghẹnẹ tare: Ọke ro de kpo obo Erivwi urhie na ki che muomahọ kẹ, kọ da irhie na ji, ame buebu ke che bru ayen dje; ke me vwẹ amwa rẹ uvweri vwo rhurhu Lẹbanọn fiki rọye, oma ko che ro irhe rẹ aghwa na ejobi fiki rọye.

¹⁶Ẹgborho na ejobi ki kpogho fiki rẹ eshe rọye, vwẹ ọke ri mi de che phio teye Erivwi kugbe ayen ihwo ri kpo obo Ukpotọ na; irhe ejobi re hẹ udju rẹ Idẹn, irhe ri me yovwi re ma ghare vwi Lẹbanọn, ayen ejobi re da ame, oma ko che fu ayen vwẹ akpọ rẹ obo erivwi na.

¹⁷Ayen vẹ ọye ki kpo obo Erivwi na, kugbe ayen ra vwe ọlọkọ nyavwe hwe; uyota, ayen otu re dia otọ rẹ ophie rọye vwẹ ohri re ẹgborho na ke ghworọ.

¹⁸Kono wọ họhọre vwẹ etinẹ na vwẹ urinrin kugbe ọrho vwẹ ohri rẹ irhe rẹ Idẹn na? A cha vwẹ owe te otọ wọ vẹ irhe rẹ Idẹn na vwo kpo akpọ rivẹ, ku wo shevwerhẹ vwe ohri re upheruphe, vwo kugbe ihwo rẹ ọlọkọ hweri. Ọnana Fẹro kugbe urogho rọye ejobi, eriyin Ọrovwohwo Ọghẹnẹ tare.