Read urhobo Izikiẹl 6 Bible Online

Izikiẹl 6 - urhobo bible

Izikiẹl 6

¹Ota rẹ Ọrovwohwo de bru vwe rhe:

²Ọmọ rẹ ohwo, tọn opharo wẹn vi igbenu rẹ Izrẹl na, ru wọ mraro kpahe ayen,

³re wọ ta, Wẹ igbenu rẹ Izrẹl, nyo ota rẹ Ọrovwohwo Ọghẹnẹ! Enẹ Ọrovwohwo Ọghẹnẹ ta kẹ igbenu ride vẹ itete na, kẹ eghwrọrọ vẹ iyara: Nighe, ekpuyovwi mẹ, cha reyọ ọlọkọ vwọ so wẹ, ke me cha guọghọ asan ri kpenu wẹn ejobi.

⁴Egbada wẹn ke cha dia ifefe, egbada rẹ incẹns wẹn ke vwirhi ayen, irivwi rẹ ihwo wẹn re hweri ke mu ayen phihọ obaro rẹ ema wẹn.

⁵Ke me riẹn oma rẹ irivwi rẹ ihwo rẹ Izrẹl phihọ obaro rẹ ema rayen, ke me hra ibeku wẹn riariẹ agbada na phihọ.

⁶Kasan kasan wọ diare irere wẹn ke dia ifefe asan ri kpenu wẹn ke guọghọ, ọtiọye na egbada wẹn kọ dia ofefe ka guọghọ te otọ, ema wẹn ke vwirhi ibribro, egbada rẹ incẹns rẹ ovwan ka nyavwe ayen te otọ, iruo wẹn ejobi ke hwerhe ayen kufia.

⁷Irivwi ri ghwuru na ki che she teye uherevie wẹ, ku wọ riẹn nẹ mẹvwẹ Ọrovwohwo na.

⁸Dede na mi ji ihwo evo vwo ekpokpọ. Ọke wo de vwo ihwo evo vwẹ ohri rẹ ẹgborho na re djẹ vabọ rẹ ọlọkọ, kẹ ayen cha hrabọ ruẹ ẹkuotọ na ejobi.

⁹Etiyin ovwan ihwo re vaba na ke karohọ ovwẹ vwẹ ohri rẹ ẹgborho re mu ayen ighuvwu ra na, vwẹ ọke mi de vwirhi udu rẹ evwan rayen ro bo ju vwe vwo na, ro rhu ẹro rayen rọ vwẹ evwan rayen hirhe ku ema rayen, kẹ ayen che hirhe phihọ ometuo kẹ omaobọ rayen vwẹ irharo rayen fiki rẹ uruemu rẹ ẹgua rẹ ayen ejobi.

¹⁰Kẹ ayen riẹn nẹ mẹvwẹ Ọrovwohwo na, ọ dianẹ mi di muo ta ni mi che ruẹ umiovwo nana kẹ aye-en.

¹¹Enẹ Ọrovwohwo Ọghẹnẹ tare, Teyọ abọ wẹn, vwẹ owọ wẹn teyẹ otọ, re wọ ta, Ẹghwọ! fiki rẹ ẹgua omiomiovwi rẹ uwevwi rẹ Izrẹl, kidie ayen che she vwẹ oma rẹ ọlọkọ, vẹ owẹvwe, vẹ emiavwe.

¹²Ọ rọ hẹ obo ogboko che ghwu ughwu rẹ emiavwe na; ọ rọ hẹ asan rọ kẹre che ghwu ughwu rẹ ọlọkọ na, ọ ro ghwu chekọ rẹ emu ruru-u owẹvwe kọye hwe ghwu. Enẹ kọye ophu mẹ cha dia kpahe ayen

¹³Kẹ ovwan riẹn nẹ mẹvwẹ Ọrovwohwo na, vwẹ ọke rẹ irivwi rayen da riẹn riariẹ ema rayen phihọ vwẹ asan egbada rayen, vwẹ enu rẹ ugbenu otete kugbenu otete, vwẹ enu rẹ ugbenu rode, vwẹ enu rẹ kurhe okpokpọ kurhe okpokpọ, kugbe enu rẹ ohahe vẹ ẹbe djigbri, asan ejobi re ayen de ze izobo ro gbo ọnrhe kẹ ema rayen ejobi.

¹⁴Ke Me cha riẹn obọ Me kpahe ayen, ki mi ru otọ na dia ofefe rhaphiẹ rhaphie, vwẹ asan rẹ ayen dia ejobi, nẹ obo aton na re te Riblah. Etiyin kẹ ayen riẹn nẹ mẹvwẹ Ọrovwohwo na.