Read urhobo Izikiẹl 9 Bible Online

Izikiẹl 9 - urhobo bible

Izikiẹl 9

¹Etiyin ọ da van kperi se vwe, tanẹ, Bi kẹre ovwẹ, ovwan re guọghọ orere na, dohwo dọkọlọ re ẹguọghọ rọye vwẹ obọ.

²Nighe, eshare esan de nẹ ẹbẹre rẹ anurhoro rẹ obenu na rhe, ro hirhe aro ku obuko ọnre, dohwo dọkọlọ rọye rọ cha vwọ nyavwa vwẹ obọ, ohwo ọvo rọ vwẹ isada rhuo vwọ ba ayen, vẹ ekpu re vwo si ẹbe rọ vwọ ya oma. Ayen da ro uwevwi re mudia kẹrẹ agbada rẹ ẹrovwo na.

³Asakiephana urinrin rẹ Ọghẹnẹ rẹ Izrẹl na de mu kpenu nẹ asan rẹ sherobim mudia phihọ na re te asan ibara re uwevwi na; ọ da kpare unu se ohwo rọ vwẹ isada rhuo na, rọ vwẹ ekpu re vwo siẹ ẹbe vwọ ya oma na.

⁴Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

⁵Vwọ kẹ efa ọ da rha ta kẹ vwẹ nyo nẹ, Vwọ kpahọ wan orere na vrẹn, re wọ ghwiẹ, wo jo sisi we ẹro-o, wọ je re ehrọre-e,

⁶hwe emare na ejobi ghwu, emeshare vẹ emetẹ, imitete vẹ eya, ẹkẹvuọvo wọ vwẹ obọ te ohwo ra ka oka phihọ na-a. Gba dia asan ẹshẹ na de muophihọ. Ọtiọye ayen da vwẹ ekpakọ re uwevwi na muophihọ.

⁷Etiyin ọ da ta kẹ ayen, Gbe uwevwi na ẹgua, re wo mu irivwi rayen vọn eguan na. Wa yanran. Ọtiọye ayen da yanran, ayen da ra guọghọ vwẹ evun rẹ orere na.

⁸Ọke rẹ ayen vwọ guọghọ re, ye mẹvwẹ ọvo tidia sogono, mi de she bọvwọn opharo me rhuotọ, mi de kperi, E Ọrovwohwo Ọghẹnẹ! Ku wọ vwẹ ophu ọvuọvo na guọghọ umuku ro chekọ vwẹ Izrẹl na vẹ ighworighwo rẹ ophu wẹn rọ guọghọ Jerusalẹm?

⁹Etiyin ọ da ta kẹ vwẹ, abe rẹ uwevwi rẹ Izrẹl vi Juda rhoro gangan, otọ na vọnre vẹ ọbara, orere na da rha vọn vẹ orhiẹn rẹ eku, kidie ayen ta, Ọrovwohwo siẹn otọ na, Ọrovwohwo gbe mrẹ-ẹ.

¹⁰Vwọ kẹ vwẹ, o gbi sisi uvwe ẹro-o, eyẹ Me gbe re ehrore-e, ki mi kere uruemu rayen phihọ uyovwi rayen.

¹¹Gbe nighe, ohwo rọ vwẹ isada rhuo na, vẹ ekpu ro vwo si ẹbe vwọ ya oma rọye na, da vuẹ ovuẹ rhe tanẹ, Mi ruru kirobo ru wo ji vwe.