Read urhobo Ukeri 1 Bible Online

Ukeri 1 - urhobo bible

Ukeri 1

¹Etiyin Ọrovwohwo da ta kẹ Mosis vwẹ evun rẹ aton ri Sinae vwẹ evun rẹ utughẹ ra da vwa oma vwẹ ẹdẹ rẹ ẹsosuọ rẹ emeranvwe rive vwẹ ukpe rive vwẹ ọke rẹ ayen vwo nẹ otọ ri Ijipt rhe, tanẹ,

²Kere ọghwẹgbe rẹ emọ rẹ Izrẹl, uvwuvwiẹ dohwo duwevwi rẹ ọsẹ rọye, kirobo rẹ edẹ rayen bute, kọshare kọshare, kuyovwi kuyovwi;

³Ihwo rẹ ẹgbukpe uje kpenu, vwẹ Izrẹl ejobi ri se kpo ofovwi, wọ vẹ Erọn ki kere ayen, edjedje.

⁴Wọ me reyọ ohwo ọvo boma ro nẹ orua ọvuọvo rhe, rọ cha dia ohwo ro suẹn uwevwi rẹ ọsẹ rọye.

⁵Enana keye edẹ rẹ ihwo ri che nene uwe. Uwevwi ri Rubẹn, Elizọr ọmọ ri Shedo;

⁶uwevwi ri Simiọn, Shelumiẹl ọmọ ri Zurishaddai;

⁷uwevwi ri Juda, Nahshọn ọmọ rẹ Aminadab;

⁸uwevwi ri Isaka, Netanẹl ọmọ ri Zua;

⁹uwevwi ri Zẹbulọn, Eliab ọmọ ri Hẹlọn;

¹⁰emọ ri Josẹf, unuwevwi rẹ Ifrem, Elishama ọmọ ri Amihud, unuwevwi ri Manase, Gamaliẹl ọmọ ri Pedahzo;

¹¹nẹ Benjamin, Abidan ọmọ ri Gidiọn;

¹²nẹ Dan, Ahieza Ọmọ rẹ Amishadai;

¹³nẹ Asha, Pagiẹl ọmọ rẹ ọchran;

¹⁴nẹ Gad, Eliasaf ọmọ ri Duẹl;

¹⁵nẹ Naftali, Ahira ọmọ rẹ Enan

¹⁶Enana keye a jereyọ nẹ evun rẹ ukoko na, ilori rẹ orua ọvuọvo, ekpako rẹ ẹgborho ọvuọvo vwẹ Izrẹl.

¹⁷Mosis vẹ Erọn da reyọ eshare nana re se edẹ rayen na,

¹⁸vwẹ ẹdẹ rẹ ẹsosuọ rẹ emeranvwe rivẹ, ayen da rhe ghwẹ ihwe na ejobi koko i ri si edẹ phihọ otọ vwẹ oruorua, vwẹ evwruwevwi rẹ esẹ rayen, kirobo rẹ odẹ rayen epha, nẹ ẹgbukpe uje kpenu, uyuyovwi,

¹⁹kirobo rẹ Ọrovwohwo ji urhi kẹ Mosis. Ọtiọye o ji kere ayen vwẹ evun rẹ aton ri Sinae.

²⁰Ihwo ri Rubẹn rẹ owanra rẹ Izrẹl, vwẹ uvwiẹ rayen, vwẹ oruorua rẹ esẹ rayen, vwẹ uwuwevwi rẹ esẹ rayen, kirobo rẹ edẹ rayen epha, uyuyovwi, kọshare kọshare rẹ ẹgbukpe uje kpenu, kohwo kohwo ro se kpo ofovwi:

²¹ihwo rẹ orua ri Rubẹn ejobi da dia uriori ujuvẹ gbẹ esan kugbe ujori iyori.

²²Ihwo ri Simiọn uvwiẹ rayen, oruorua rayen, kugbe uwuwevwi rẹ esẹ rayen, usun rayen re keri, kirobo rẹ edẹ rayen epha, uyuyovwi, kọshare kọshare ro te ẹgbukpe uje kpenu, kohwo kohwo ro se kpo ofovwi:

²³ihwo rẹ orua ri Simiọn ejobi da dia uriori ujuvẹ gbe ihwe gbe irhiri kugbe ujori erha.

²⁴Ihwo ri Gad, uvwiẹ rayen, oruorua rayen, unuwevwi rẹ esẹ rayen, kirobo rẹ odẹ rayen epha, nẹ ẹgbukpe uje kpenu, kohwo kohwo ro se kpo ofovwi:

²⁵ihwo rẹ orua ri Gad ejobi da dia uriori ujuvẹ gbẹ iyori gbẹ ujori esan gbẹ ujuvẹ gbẹ ihwe.

²⁶Ihwo ri Juda, uvwiẹ rayen, oruorua rayen, unuwevwi rẹ esẹ rayen, kirobo rẹ edẹ rayen epha, nẹ ẹgbukpe uje kpenu, kohwo kohwo ro se kpo ofovwi;

²⁷ihwo rẹ orua ri Juda, da dia uriori ujorha gbe ihwẹne kugbe ujori esan.

²⁸Orua ri Isaka, uvwiẹ rayen, oruorua rayen, unuwevwi rẹ esẹ rayen, kirobo rẹ edẹ rayen epha, nẹ ẹgbukpe uje kpenu, kohwo kohwo ro se kpo ofovwi:

²⁹Unu rẹ ihwo rẹ orua rẹ Isaka da dia uriori ujuvẹ gbẹ ihwẹne kugbe ujori ẹne.

³⁰Ihwo ri Zẹbulọn, uvwiẹ rayen, oruorua rayen, unuwevwi rẹ esẹ rayen, kirobo rẹ odẹ rayen epha, nẹ ẹgbukpe uje kpenu, kohwo kohwo ro se kpo ofovwi:

³¹Unu rẹ ihwo rẹ orua ri Zẹbulọn da dia uriori ujuvẹ gbe ihwe gbe ighwrẹ kugbe ujori ẹne.

³²Ihwo ri Josẹf marho kẹ ihwo rẹ Ifrem, uvwiẹ rayen, oruorua rayen, unuwevwi rẹ esẹ rayen, kirobo rẹ edẹ rayen epha, nẹ ẹgbukpe uje kpenu, kohwo kohwo ro se kpo ofovwi:

³³Unu rẹ orua rẹ Ifrem ejobi da dia uriori ujuvẹ kugbe ujori iyori.

³⁴Ihwo ri Manasse, uvwiẹ rayen, oruorua rayen, unuwevwi rẹ esẹ rayen, kirobo rẹ edẹ rayen epha, nẹ ẹgbukpe uje kpenu, kohwo kohwo ro se kpo ofovwi:

³⁵unu rẹ orua ri Manasse ejobi da dia uriori ọgban gbe ivẹ kugbe ujori ivẹ.

³⁶Ihwo ri Bẹnjamin, uvwiẹ rayen, oruorua rayen, unuwevwi rẹ esẹ rayen, kirobo rẹ edẹ rayen epha, nẹ ẹgbukpe uje kpenu, kohwo kohwo ro se kpo ofovwi:

³⁷unu rẹ orua ri Bẹnjamin da dia uriori ọgban gbe iyori kugbe ujori ẹne.

³⁸Ihwo ri Dan, uvwiẹ rayen, oruorua rayen, unuwevwi rẹ esẹ rayen, kirobo rẹ edẹ rayen epha, nẹ ẹgbukpe uje kpenu, kohwo kohwo ro se kpo ofovwi:

³⁹unu rẹ orua ri Dan da dia uriori ujorha gbe ivẹ ujori ighwrẹn.

⁴⁰Ihwo rẹ Asha, uvwiẹ rayen, oruorua rayen, unuwevwi rẹ esẹ rayen, kirobo rẹ edẹ rayen epha, nẹ ẹgbukpe uje kpenu, kohwo kohwo ro se kpo ofovwi:

⁴¹unu rẹ orua rẹ Asha da dia uriori ujuve gbe ọvo kugbe ujori iyori.

⁴²Ihwo ri Nafah, uvwiẹ rayen, oruorua rayen, unuwevwi rẹ esẹ rayen, kirobo rẹ edẹ rayen epha, nẹ ẹgbukpe uje kpenu, kohwo kohwo ro se kpo ofovwi:

⁴³unu rẹ orua ri Naftali da dia uriori ujuvẹ gbe ihwerha kugbe ujori ẹne.

⁴⁴Enana ejobi na keye ihwo re keri, ri Mosis vẹ Erọn keri vẹ ọchuko rẹ isun rẹ Izrẹl. Eshare ihwivẹ ri mudia kẹ unuwevwi rẹ ọsẹ rọye ọvuọvo.

⁴⁵Koye unu rẹ ihwo rẹ Izrẹl ejobi, vwẹ unuwevwi rẹ esẹ rayen, nẹ ikpe uje kpenu, kohwo kohwo ro se kpo ofovwi —

⁴⁶unu rayen ejobi da dia odu esan kugbe ujori iyori gbe ujuvẹ gbe ihwe.

⁴⁷Ẹkẹvuọvo e keri ihwo ri Livae, vwẹ unuwevwi kugbe aye-en.

⁴⁸Kidie Ọrovwohwo ta kẹ Mosis,

⁴⁹Jokpa rẹ orua ri Livae ọvo wo je kere, wo se kere ayen kugbe ihwo rẹ Izrẹl na-a;

⁵⁰ẹkẹvuọvo gba vwẹ ihwo ri Livae mu vwẹ enu rẹ ọgarivi rẹ iseri na, vẹ ekuakua ra vwọ rhuẹrẹ ejobi, kugbe emu ejobi re hero; kẹ ayen mu ọgarivi na vẹ ekuakua ra vwọ rhuẹrẹ na ejobi, kẹ ayen nabọ vwẹ ẹro te, kẹ ayen mu erhọn riariẹ ọgarivi na phihọ.

⁵¹Ọke rẹ ọgarivi na de che mu oyan, ihwo ri Livae na ye gbe muo; ọke ra da cha gba ọgarivi na phihọ, ihwo ri Livae na re gba phihọ. Ohwo ọfa de si kẹrẹ ke hwe ohwo yena.

⁵²Ihwo ri Izrẹl ejobi ke bọn itughẹ rayen edjedje, dohwo derhọn rọye dohwo daphiana rọye.

⁵³Ẹkẹvuọvo ihwo ri Livae ki mu erhọn riariẹ ọgarivi rẹ iseri na, rere ophu vwo jẹ enu rẹ uyovwi rẹ ukoko rẹ ihwo rẹ Izrẹl na ẹdia; ihwo ri Livae na keye re yọnrọn ọgarivi rẹ iseri na.

⁵⁴Ọtiọna kọye ihwo rẹ Izrẹl na ruru; ayen de ru kirobo rẹ Ọrovwohwo ta kẹ Mosis.