Read urhobo Ukeri 16 Bible Online

Ukeri 16 - urhobo bible

Ukeri 16

¹Asakiephana Korah rẹ ọmọ rẹ Izhar, ọmọ ri Kohat rẹ ọmọ ri Livae, vi Datan kugbe Ahiram rẹ ẹmọ rẹ Ẹliab, kugbe Ọn ọmọ ri Pẹlẹt, emọ ri Rubẹn,

²ayen da reyọ eshare ẹvo; ayen de vrẹn vwẹ obaro ri Mosis, vẹ ihwo rẹ Izrẹl efa buebu, ihwo ujori gbe ujuvẹ gbe ihwe rẹ ilori rẹ ukoko na, ra sanọre, nẹ evun rẹ ọghwẹgbe na, ihwo re vugheri,

³ayen da ghwẹ oma koko vwọ so Mosis vẹ Erọn ayen da ta kẹ ayen, Wa yan sheri nọ! Fikiridie ukoko na ejobi funre, kohwo kohwo vwẹ usun rayen, yẹ Ọrovwohwo uherevie rẹ ayen; die sorọ wa vwọ kpare oma kpenu vrẹn ukoko rẹ Ọrovwohwo?

⁴Ọke ri Mosis vwo nyo, o de she bọvwọ opharo rhuotọ,

⁵etiyin ọ da ta kẹ Korah vẹ ukoko rọye ejobi, Vwẹ irhiọke Ọrovwohwo na che dje ohwo rọ dia ọrọye kugbe ohwo rọ fonro, ko che si ohwo yena kẹrẹ oma; ohwo rọ jẹreyọ, kọye o si kẹrẹ oma.

⁶Gbe ru ọnana; reyọ ephẹnre Korah vẹ otu rọye ejobi;

⁷gbe koko erhanre phihọ ayen ghwẹ ugboduma phihọ ayen vwẹ obaro rẹ Ọrovwohwo vwẹ odẹ rọ cha na, ohwo rẹ Ọrovwohwo jẹreyọ kọye ohwo rọ fonro. Wa yan sheri nọ, emọ ri Livae!

⁸Mosis da ta kẹ Korah, Nyo asakiephana, ovwan emọ ri Livae:

⁹Ọna kẹ emu otete vwọ kẹ ovwan nẹ Ọghẹnẹ rẹ Izrẹl hẹriẹ ovwan vwo nẹ ukoko rẹ Izrẹl, re o vwo si ovwan kẹrẹ oma rọye, rere ovwan vwo ru iruo kẹ vwẹ evun rẹ ọgarivi rẹ Ọrovwohwo na, re we vwo mudia vwẹ obaro rẹ ukoko na vwo gbe odibo kẹ ayen;

¹⁰rọ da vwẹ ovwan vwọ kẹrẹ oma, kugbe imoni rẹ ovwan ejobi emọ ri Livae na vwo kugbe ovwan? Kẹ ovwan je guọnọ ẹdia rẹ orherẹn na rhe?

¹¹Ọnana chọre vwẹ obọ rẹ Ọrovwohwo rẹ ovwan vẹ otu rẹ ovwan vwọ ghwẹ koko, ono Erọn rẹ ovwan guẹ?

¹²Mosis de re se Datan vẹ Abiram emọ rẹ Eliab, ayen da tanẹ, Avwanre cha rhe-e.

¹³Ọnana kẹ emu otete nẹ wọ reyọ avwanre nẹ otọ rọ vọnre vẹ ameivie vẹ ọnyọ rhe, rhi hwe avwanre vwẹ evun rẹ aton na, kọye wọ da vwẹ oma wẹn ru osun vwẹ enu rẹ avwanre?

¹⁴Ọ rọ marho wọ reyọ avwanre rhe otọ rẹ ameivie kugbe ọnyọn da djẹ ọkẹree, wọ je kẹ avwanre uku rẹ idju kugbe egba ri vaini-i. Ku wọ rhuẹro rẹ ihwo nana? Avwanre chaa.

¹⁵Ophu de mu Mosis gangan, ọ da ta kẹ Ọrovwohwo, Wọ reyọ izobo rẹ ihwo nana-a, fikiridie me je reyọ ekẹtẹkẹtẹ ọvuọvo mie ayeen, mi ji ru ayen ohwo ọvuọvo obo re chọre dẹvo-o.

¹⁶Mosis da ta kẹ Korah, Te owẹ vẹ ihwo wẹn rhe vwẹ oma phia vwẹ obaro rẹ Ọrovwohwo, wẹ kugbe ayen, kugbe Erọn, vwẹ odẹ ro cha;

¹⁷we ji dohwo dephẹnre rọye reyọ rere o phi ugboduma phihọ, rere dohwo dephẹnre rọye vwo rhe obaro rẹ Ọrovwohwo, ujori ivẹ gbe ujuvẹ gbe ihwe re ephẹnre na; te owẹ rhe, kugbe Erọn, dohwo dephẹnre rọye.

¹⁸Kọye kohwo kohwo da reyọ ephẹnre rọye, ayen de phi erhanre phihọ evun rẹ ayen, ayen da ghwẹ ugboduma phihọ evun rẹ ayen, ayen de rhi mudia phihọ unu rẹ utughẹ ra da vwa oma na kugbe Mosis vẹ Erọn.

¹⁹Etiyin Korah da ghwẹ ukoko rẹ ihwo na ejobi koko vwọ so ayen vwẹ asan unu rẹ utughẹ ra da vwa oma na. Urinrin rẹ Ọrovwohwo da rhe phia kẹ ukoko na ejobi.

²⁰Etiyin Ọrovwohwo da ta kẹ Mosis vẹ Erọn,

²¹Wa hẹriẹ oma rẹ ovwan nẹ ukoko nana, rere me ghwọrọ ayen phẹrẹkpẹ.

²²Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

²³Ọrovwohwo da ta kẹ Mosis,

²⁴Ta kẹ ukoko na, We vrẹn nẹ ẹdia ri Korah, Datan, vẹ Abiram epha.

²⁵Etiyin Mosis de vrẹn ọ da yan bru Datan vẹ Abiram; ekpako rẹ ihwo rẹ Izrẹl de nene Mosis ra.

²⁶Ọ da ta kẹ ukoko na, We bi nẹ etiyin, me rẹ ovwan, nẹ ltughẹ rẹ ihwo umwemwu nana, wa vwẹ obọ te emu ọvuọvo ro dia ọraye-en, e de rhe hwerhe ovwan vẹ imwemwu rayen kufia.

²⁷Etiyin ayen de vrẹn nẹ ẹdia ri Korah, Datan kugbe Abiram; etiyin Datan vẹ Abiram da rhe rhi mudia anurhoro rẹ itughẹ rayen, ayen vẹ eya rayen, vẹ emọ rayen, kugbe imitete rayen ejobi.

²⁸Etiyin Mosis da ta, Kọna ovwan vwọ riẹn nẹ Ọrovwohwo ri ji vwe ni mi rhi ru iruo nana ejobi, ọ dianẹ kẹ ọhọrobọ mẹ-ẹ.

²⁹Ọ da dianẹ ihwo nana de ghwu ughwu rẹ ihwo ejobi ghwẹ, eyẹ obo ri ruẹ ihwo efa kọye ri ru ayen, jẹ Ọrovwohwo gbi rhe ji vwe-e.

³⁰Ẹkẹvuọvo ọ da dianẹ Ọrovwohwo de ru emu ọkpokpọ, rẹ otọ na de rhie unu phihọ, ro de mu ayen rọ vẹ obo rẹ ayen vwori ejobi, rẹ ayen da ghwọrọ yanran ọkpokpọ kpo obo Erivwi, etiyin ku wa riẹn nẹ ihwo nana jẹ Ọrovwohwo na fia.

³¹Rọ ghwa vwọ ta eta nana nu, otọ rẹ asan rẹ ayen epha na, de ghwe rhie phihọ,

³²otọ na de rhie unu rọye phihọ ọ da rọ ayen nu, vẹ ekuakua rẹ eyere uwevwi rayen ejobi kugbe ihwo ri Korah vwori ejobi vẹ ekuakua rayen.

³³Ọtiọye, ayen ejobi vẹ ekuakua rẹ ayen vwori ejobi da ro evun rẹ otọ yanran ọkpokpọ kpo Erivwi, otọ na de huhu gbe ayen ejobi, ayen ejobi de ghwu nẹ uherevie rẹ ukoko na.

³⁴Ihwo rẹ Izrẹl re etiyin ejobi da djẹ jẹ ayen kperẹ; kidie ayen ejobi tare, Otọ na da rhe rọ avwanre!

³⁵Etiyin erhanre de nẹ obọ rẹ Ọrovwohwo rhe, ọ da rhe torhẹ ihwo ujori ivẹ gbẹ ujuvẹ gbẹ ihwe re torhẹ ugboduma na.

³⁶Etiyin Ọrovwohwo da ta kẹ Mosis

³⁷Ta kẹ Eleazar rẹ ọmọ rẹ Erọn re orherẹn na ro si ephẹnre na nẹ evun rẹ erhanre rọ la na; ru wọ hra erhanre na shesheri. Kidie ayen epha fuanfon,

³⁸ephẹnre rẹ ihwo re vwẹ arhọ rayen hwa osa rẹ umwemwu rayen, ọtiọye na e gbe jẹ duvwu ayen phihọ ọsete re vwo rhurhu agbada na, kidie ayen vwẹ ayen ze izobo kẹ Ọrovwohwo, fiki rẹ ọtiọye na kẹ efuanfon. Ọnana kọ cha dia oka kẹ ihwo rẹ Izrẹl na.

³⁹Etiyin Eleazar rẹ orherẹn da reyọ ephẹnre rẹ ẹrovwo, rẹ ihwo ra torhẹrẹ na vwo ze izobo, e de duvwu ayen vwo rhurhu agbada na,

⁴⁰rọ dia ekarophihọ kẹ ihwo rẹ Izrẹl, rere kohwo kohwo rọ dia orherẹ-ẹn, rọ je dia ohwo rẹ orua rẹ Erọni-i, vwo jẹ sio kẹrẹ Ọrovwohwo, vwọ torhẹ ugboduma, ọ da rhe họhọ Korah vẹ otu rọye — kirobo rẹ Ọrovwohwo wan unu ri Mosis ta kẹ Eleazar.

⁴¹Ẹkẹvuọvo ọke vwo rhie ihwo rẹ ukoko rẹ Izrẹl ejobi ki gu Mosis vẹ Erọn tanẹ, Wo hwe ihwo rẹ Ọrovwohwo re.

⁴²Ọke rẹ ihwo rẹ ukoko na ejobi rhe vwọ ghwẹ koko vwọ so Mosis vẹ Erọn, ayen de hirhe opharo ku utughẹ rẹ ogarivi na; nighe, egho de rhurho, urinrin rẹ Ọrovwohwo da phia.

⁴³Mosis vẹ Erọn da rhe obaro rẹ utughẹ ra da vwa oma na,

⁴⁴Ọrovwohwo da ta kẹ Mosis,

⁴⁵Vrẹn nẹ uherevie rẹ ihwo rẹ ukoko nana, rere me ghwọrọ ayen phẹrẹkpẹ. Etiyin ayen de she bọvwọn epharo rayen rhuotọ.

⁴⁶Mosis da ta kẹ Erọn, Reyọ ephẹnre wẹn, wọ reyọ erhanre nẹ agbada na phihọ, re wọ ghwẹ ugboduma phihọ, ru wo muo phẹrẹkpẹ rhe ukoko na rere wọ gọ ẹgua nu kẹ ayen, kidie ophu nẹ obọ rẹ Ọrovwohwo rhe, ọtiekọ de mu phihọ.

⁴⁷Etiyin Erọn da reyọ kirobo ri Mosis ta kẹ ọ da djẹ kpo uherevie rẹ ọghwẹgbe na; nighere ọtiekọ na mu phihọ vwẹ ohri rẹ ihwo na nure, etiyin ọ da ghwẹ ugboduma na phihọ ọ da gọ ẹgua nu kẹ ihwo na.

⁴⁸Etiyin o de mudia vwẹ uherevie rẹ ihwo ekpokpọ vẹ iri ghwuru, etiyin ọtiekọ na ke da obọ ji.

⁴⁹Ihwo rẹ ọtiekọ na hweri da dia uriori ihwẹne gbe ujori ighwrẹ, a ke mrẹ ihwo ri ghwuru vwẹ ọke ri Korah.

⁵⁰Etiyin Erọn de rhivwi bru Mosis kpo unurhoro rẹ utughẹ ra da vwa oma na, vwẹ ọke rẹ ọtiekọ na vwo fue nu.