Read urhobo Ukeri 17 Bible Online

Ukeri 17 - urhobo bible

Ukeri 17

¹Ọrovwohwo da ta kẹ Mosis,

²Ta kẹ ihwo rẹ Izrẹl na, wọ reyọ ọkpọ mie ayen kuwevwi rẹ ọsẹ yena kuọkpọ, kuosun yena kuọkpọ kirobo rẹ uwevwi rẹ esẹ rayen epha, ekpọ ihwivẹ, Si odẹ rẹ ohwo ọvuọvo phihọ ọkpọ rọye,

³wo mi si odẹ rẹ Erọn phihọ ọkpọ ri Lẹvi, kidie ọkpọ ọvuọvo ọye cha dia kẹ olori rẹ uwevwi rẹ ọsẹ ọvuọvo.

⁴Ku wa ghwa ayen phihọ uwevwi rẹ utughẹ ra da vwa oma na, asan re me vẹ owẹ da vwa oma na.

⁵Ọkpọ rẹ ohwo re me jẹreyọ ko che yoro phia; ọye kọye mi che vwo fue enuebro rẹ emọ rẹ Izrẹl, rẹ ayen brẹ hwe we na.

⁶Mosis da ta kẹ ihwo rẹ Izrẹl; ilori rayen ejobi da vwẹ ekpọ kẹ, osun ọvo ọkpọ ọvo, kirobo rẹ uwevwi rẹ esẹ rayen epha ekpọ ihwivẹ; ọkpọ rẹ Erọn da uherevie rẹ ekpọ rayen.

⁷Mosis da ghwẹ ekpọ na phihọ obaro rẹ Ọrovwohwo vwẹ evun rẹ utughẹ rẹ utughẹ rẹ iseri na.

⁸Vwẹ irhiọke Mosis de kpo evun rẹ utughẹ rẹ iseri na, nighere, ọkpọ rẹ Erọn rẹ uwevwi ri Livae de yoro phia ọ da ghwẹ iphọ phihọ, ọ da ghwẹ ẹbe phihọ gbidi, ọ da mọ emamọ ri orhomrẹ evwavware.

⁹Etiyin Mosis da ghwẹ ekpọ na ejobi phihọ otafe vwẹ obaro rẹ Ọrovwohwo vwọ kẹ ihwo rẹ Izrẹl ejobi; ayen de ni ekpọ na, dohwo dọkpọ rọye da reyọ.

¹⁰Etiyin Ọrovwohwo da ta kẹ Mosis, Rhoma phi ọkpọ rẹ Erọn phihọ obaro rẹ iseri na, ra sẹro rọye rọ dia oka kẹ ohwo rẹ okpetu, rere wọ vwọ mrasa fuẹ enuebro rẹ ayen brẹ kpahe ovwẹ, ọ dia ọtiọye-e ayen de rhe ghwu.

¹¹Enẹ kọye Mosis ruru; kirobo rẹ Ọrovwohwo ji urhi kẹ ọtiọye o ruru.

¹²Ihwo rẹ Izrẹl da kẹ Mosis, Nighere avwanre ghwe, fikiridie avwanre ghwruru, avwanre ihwo na ejobi ghwruru.

¹³Kohwo kohwo ro si kẹrẹ, ro si kẹrẹ ọgarivi rẹ Ọrovwohwo na, ko ghwu. Kẹ avwanre ejobi ghwure?