Read urhobo Ukeri 24 Bible Online

Ukeri 24 - urhobo bible

Ukeri 24

¹Ọke ri Balaam vwọ mrẹ nẹ ọ jẹ Ọrovwohwo rere o bruba kẹ Izrẹl, ọ gbe ra, kirobo rẹ ẹsosuọ, rere ọ mrẹ asan umwemwu-u, ẹkẹvuọvo ọ da tọn opharo vi obo aton.

²Etiyin Balaam da kpare opharo rọye, ọ da mrẹ Izrẹl ro mu erhọn oruorua. Erhi rẹ Ọghẹnẹ da ruo oma,

³o de mu ikun egbe phihọ, ọ da ta, Epha ri Balaam ọmọ ri Beọr, epha rẹ ohwo rẹ ẹro rọye rhieri,

⁴epha rẹ ohwo ro nyo eta rẹ Ọghẹnẹ, rọ mrẹ aruẹmrẹ rẹ Ọrovwoẹgba, o she teye otọ, ẹkẹvuọvo yẹ ẹro rọye rhie phihọ;

⁵mavọ itughẹ wẹn yovwi te, E Jekọp, a san erhọn wẹn na, E Izrẹl!

⁶Kerẹ iyara re riẹn abọ yanran shesheri, kerẹ egbo rọ kẹrẹ oma rẹ urhie kerẹ erhe rẹ Ọrovwohwo kọnre, kerẹ igedu ra kọn kẹrẹ asan ame.

⁷Ame cha mwavwe hwe nẹ ikoroba rọye rhe, ibi rọye ke cha dia evun rẹ ame buebu, ovie rọye kọ cha rhonọ Agag, ka cha kpare uvie rọye kpenu.

⁸Ọghẹnẹ re reyerọ nẹ Ijipt rhe; o de vwo ighoro rọ họhọ ighoro rẹ ọharhare, ọ cha re ẹgborho rẹ ivwighrẹn rọye ko vwirhi ibeku rayen ibribro, ọ me vwẹ edada rọye vwọ sa ayen fi.

⁹O fiọnko, o rhuẹri kerẹ okpohrokpo, kerẹ okpohrokpo rẹ aye, kono re sa rhọvwọ? Ebruba kẹ ohwo kohwo ro bruba kẹ wẹ, ekan kẹ ohwo kohwo rọ harhe owẹ.

¹⁰Etiyin ophu ri Balak da rhe tua kpahe Balaam, ọ da teye abọ rọye koko; Balak da ta ki Balaam, Mi se we nu wọ rhe duvwu ivwighrẹ mẹ iyori, gbe nighere, ku wọ rhoma nẹ ẹrhovwo kẹ ayen abọ erha nana.

¹¹Asakiephana gba dje kpo; me tare jovwo neẹ, mi bru ọghọ phihọ owẹ oma, ẹkẹvuọvo Ọrovwohwo de si ọghọ na nu wẹ oma.

¹²Etiyin Balaam da ta ki Balak, Me vuẹ ikọn ru wo ji rhe vẹrhe,

¹³Ọ da dianẹ Balak da ghwẹ uwevwi rọye vọn vẹ idọnọ efuanfon kugbe iro dede, mi se phurie ota rẹ Ọrovwohwo na-a, vwo ru obo ri yovwiri eyẹ o ro miovwiri vwẹ ọhọrobọ mẹ-ẹ, obo rẹ Ọrovwohwo tare, ọye me ta?

¹⁴Asakiephana, gbe nighere, me yanran bru ihwo mẹ; yanrhe, mi ju we riẹn obo rẹ ihwo nana che ru kẹ ihwo wẹn vwẹ ẹdẹ rẹ ukuko na.

¹⁵Etiyin o de mu ikun egbe phihọ, ọ da ta, Epha ri Balaam ọmọ ri Beọr, epha rẹ ohwo rẹ ẹro rọye rhieri,

¹⁶epha rẹ ohwo ro nyo ota rẹ Ọghẹnẹ, rọ riẹn erianriẹn rọ ro Me Kpenu, rọ mrẹ emranmrẹ rẹ Ọrovwẹgba, ro she teye otọ, ẹkẹvuọvo yo rhurhu ẹro rọye-e.

¹⁷Me mrẹrẹ, ẹkẹvuọvo yọ dia asakiephana-a, mi niro ẹkẹvuọvo o si kẹrẹ-ẹ isio ọvo che nẹ oma ri Jekọp rhe ọkpọ ọvo che nẹ evun rẹ Izrẹl rhe; Kọ cha guọghọ uyovwi ri Moab, ko che vwirhi emọ ri Shet kuotọ.

¹⁸Obo rẹ Edọm vwori ke mie re kpae, kugbe Sier ivwighrẹ rọye, ke cha kua fiotọ yẹ Izrẹl re ruẹ kerẹ ọgba.

¹⁹Oma ri Jekọp etiyin ogangan rẹ isuesun che nurhe ihwo re djẹ rhọ vwẹ irere na ka ghwọrọ ayen.

²⁰Etiyin o de ni Amalẹk, o de mu ikun egbe phihọ, ọ da ta, Amalẹk ọye orere rẹ ẹsosuọ, ẹkẹvuọvo ukoko rọye ka rhoma guọghọ.

²¹O de ni ihwo ri Kẹn, o de mu ikun egbe phihọ, ọ da ta, Ẹtọn ọye asan wẹn cha tọn, ẹho wẹn ọ evun rẹ oragha;

²²dede na Ken ka cha rhaphiẹ, Mavọ o krite rẹ Asshur mu we oghuvwu te?

²³Etiyin o de mu ikun egbe phihọ, ọ da ta, Eghwo, kono ye cha dia vwẹ ọke rẹ Ọrovwohwo de ru ọnana?

²⁴Ẹkẹvuọvo ekọ che nẹ Kitim cha ke cha họnre Asshur kugbe Eber; ekpuyovwi rọye ka guọghọ rhe.

²⁵Etiyin Balaam de vrẹn, o de rhivwi kpo asan rọye; ekpuyovwi ri Balak da je yanran kpo obo rọ ra.