Read urhobo Ukeri 26 Bible Online

Ukeri 26 - urhobo bible

Ukeri 26

¹Rẹ ọtiekọ na vwọ wan nu Ọrovwohwo da ta kẹ Mosis kugbe Eleazar rẹ ọmọ rẹ Erọn, rẹ orherẹn na,

²Kere ihwo ejobi re hẹ ukoko rẹ ihwo rẹ Izrẹl na, nẹ ikpe uje kpenu, vwẹ uwevwi rẹ ọsẹ rayen, ihwo ejobi vwẹ Izrẹl na ri se kpo ofovwi.

³Etiyin Mosis vẹ Ẹlẹazar rẹ orherẹn na da ta ota kẹ ayen vwẹ uphephẹ ri Moab vwẹ oma ri Jọdan vwi Jeriko, tane,

⁴Kere ihwo na, nẹ ikpe uje kpenu yanran, kirobo rẹ Ọrovwohwo ji urhi kẹ Mosis. Ihwo rẹ Izrẹl, ri nẹ otọ rẹ Ijipt rhe da dia:

⁵Ruben rẹ ọwanran rẹ Izrẹl; emọ ri Rubẹn: ọ ri Hanọk, rẹ orua rẹ ihwo ri Hanọk; ọri Pallu, rẹ orua rẹ ihwo ri Pallu;

⁶ọ ri Hẹzrọn, rẹ orua rẹ ihwo ri Hẹzrọn; ọri Kami, rẹ orua rẹ ihwo ri Kami.

⁷Enana orua rẹ ihwo ri Rubẹn; unu rayen da dia uriori ujuvẹ gbe erha ujori ighwrẹn gbe ọgban.

⁸Kugbe emọ ri Pallu: Eliab.

⁹Emọ rẹ Eliab: Nẹmuẹl, Dathan, kugbe Abiram. Enana ihwo ri Dathan kugbe Abiram, ra jẹreyọ nẹ uherevie rẹ ukoko na, ri nene Mosis kugbe Erọn ghwọ vwẹ usun ri Korah, ọke rẹ ayen vwo nene Ọrovwohwo ghwọ,

¹⁰otọ de rhie unu rọye phihọ o de mu ayen rọ kugbe Korah, usun yena vwo ghwu, vwẹ ọke rẹ erhanre vwọ torhẹ ihwo uri gbe ujuvẹ gbe ihwe; ayen da rhe dia obo re djoshọ mu ohwo.

¹¹Dede na, emọ ri Korah ejobi ghwu re-e.

¹²Emọ ri Simiọn kirobo rẹ orua rayen epha: ọ ri Nẹmuẹl, rẹ orua rẹ ihwo ri Nẹmuẹl; ọri Jamin, rẹ orua rẹ ihwo ri Jamin; ọri Jakin, rẹ orua rẹ ihwo ri Jakin;

¹³ọ ri Zerah, rẹ orua rẹ ihwo ri Zerah; ọri Shaul, rẹ orua rẹ ihwo ri Shaul.

¹⁴Enana keye orua rẹ ihwo ri Simiọn, uriori uje gbe ivẹ kugbe uri.

¹⁵Emọ ri Gad kirobo rẹ orua rayen epha: ọ ri Zifọn, rẹ orua rẹ ihwo ri Zifọn; ọri Haggi, rẹ orua rẹ ihwo ri Haggi; ọri Shuni, rẹ orua rẹ ihwo ri Shuni;

¹⁶ọ rẹ Ọzni, rẹ orua rẹ ihwo rẹ Ọzni; ọri Eri, rẹ orua rẹ ihwo rẹ Eri;

¹⁷ọ ri Arod, rẹ orua rẹ ihwo rẹ Arod; ọri Areli, rẹ orua rẹ ihwo rẹ Areli.

¹⁸Enana keye orua rẹ emọ ri Gad kirobo rẹ unu rayen epha, uriori ujuvẹ kugbẹ ujori iyori.

¹⁹Emọ ri Juda da dia Ẹr kugbe Onan; etiyin Ẹr vẹ Onan de ghwu vwẹ otọ ri Kenan.

²⁰Emọ ri Juda kirobo rẹ orua rayen epha da dia: ọ ri Shelah, rẹ orua rẹ ihwo ri Shelah; ọri Pẹrẹz, re orua rẹ ihwo ri Pẹrẹz; ọri Zerah, rẹ orua rẹ ihwo rẹ Zerah.

²¹Emọ ri Pẹrẹz da dia: ọ ri Hẹzrọn, rẹ orua rẹ ihwo ri Hẹzrọn; ọri Hamul, rẹ orua rẹ ihwo rẹ Hamul.

²²Enana keye orua ri Juda kirobo rẹ unu rayen epha, uriori ujorha gbe ihwe gbe esan kugbe ujori iyori.

²³Emọ rẹ Isaka kirobo rẹ orua rayen epha: ọ ri Tola, rẹ orua rẹ ihwo ri Tola; ọri Puvah, rẹ orua rẹ ihwo ri Puvah;

²⁴ọ ri Jashub, rẹ orua rẹ ihwo ri Jashub; ọri Shimrọn, rẹ orua rẹ ihwo ri Shimrọn.

²⁵Enana keye orua rẹ Isaka kirobo rẹ unu rayen epha, uriori ujorha gbẹ ẹne kugbe ujori erha.

²⁶Emọ ri Zẹbulọn, kirobo rẹ orua rayen epha: ọ ri Serẹd, rẹ orua rẹ ihwo ri Serẹd; ọrẹ Elọn, rẹ orua rẹ ihwo rẹ Elọn; ọri Jahleel, rẹ orua rẹ ihwo ri Jahleel.

²⁷Enana hẹ orua rẹ ihwo ri Zẹbulọn kirobo rẹ unu rọye bute uriori ujorha kugbe ujori iyori.

²⁸Emọ ri Josẹf kirobo rẹ orua rayen epha: Manasse kugbe Ifrem.

²⁹Emọ ri Manasse, ọ ri Makiya, rẹ orua rẹ ihwo ri Makiya na kọye ọsẹ ri Giliad; ọri Giliad, rẹ orua rẹ ihwo ri Giliad.

³⁰Enana keye emọ ri Giliad: ọ rẹ Ieza, rẹ orua rẹ ihwo rẹ Ieza; ọri Hẹlẹk, rẹ orua rẹ ihwo ri Hẹlẹk;

³¹ọ ri Asriẹl, rẹ orua rẹ ihwo ri Asriẹl; kugbe Shikem, ọ rẹ orua rẹ ihwo ri Shikẹm;

³²kugbe ọ ri Shemida, rẹ orua rẹ ihwo ri Shemida; kugbe ọ ri Hefar, rẹ orua rẹ ihwo ri Hefar.

³³Asakiephana Zelofehad rẹ ọmọ ri Hefar vwo ọmọshare-e, ẹkẹvuọvo emetẹ: edẹ rẹ emetẹ ri Zelofehad na ke ena Mahlah, Noah, Hoglab, Milkah, kugbe Tirzah.

³⁴Enana keye orua ri Manasse; unu rayen da dia uriori ujuvẹ gbe ihwivẹ kugbe ujori ighwrẹn.

³⁵Enana keye emọ rẹ Ifrem kirobo rẹ orua rayen epha: ọ rẹ Shutelah, rẹ orua rẹ ihwo ri Shutelah; ọri Beehar, rẹ orua rẹ ihwo ri Beehar; ọri Tahan, rẹ orua rẹ ihwo ri Tahan.

³⁶Enana keye emọ ri Shutelah: ọ rẹ Eran, rẹ orua rẹ ihwo rẹ Eran.

³⁷Enana keye orua rẹ emọ rẹ Ifrem kirobo rẹ unu rayen epha, uriori ọgban gbe ivẹ kugbe ujori iyori. Enana keye orua ri Josẹf kirobo rẹ orua rayen epha.

³⁸Emọ ri Benjamin kirobo rẹ orua rayen epha: ọ ri Bela, ọ rẹ orua rẹ ihwo ri Bela; ọrẹ Ashbel, ọ rẹ orua rẹ ihwo rẹ Ashbel; ọrẹ Ahiram, ọ rẹ orua rẹ ihwo rẹ Ahiram;

³⁹ọ ri Shefufam, ọ re orua rẹ ihwo ri Shefufam; ọri Hufam, ọ rẹ orua rẹ ihwo ri Hufam.

⁴⁰Kugbe emọ ri Bela da dia Ard vẹ Naaman: ọ ri Ard, rẹ orua rẹ ihwo rẹ Ard; ọrẹ Naaman; rẹ orua rẹ ihwo ri Naaman.

⁴¹Enana keye emọ ri Benjamin kirobo rẹ orua rayen epha; unu rayen da dia uriori ujuvẹ gbe iyori kugbe ujori esan.

⁴²Enana keye emọ ri Dan kirobo rẹ orua rayen epha: ọ ri Shuham, ọ rẹ orua rẹ ihwo ri Shuham. Enana keye orua ri Dan kirobo rẹ orua rayen epha:

⁴³orua rẹ ihwo ri Shuham ejobi, kirobo rẹ unu rayen epha, da dia uriori ujorha gbe ẹne kugbe ujori ẹne.

⁴⁴Emọ rẹ Asha kirobo rẹ orua rayen epha: ọ rẹ Imnah, ọ rẹ orua rẹ ihwo ri Imnah; ọrẹ Ishvi, ọ rẹ orua rẹ ihwo rẹ Ishvi; ọri Beriah, ọ rẹ orua rẹ ihwo ri Beriah.

⁴⁵Ọ rẹ emọ ri Beriah: ọ ri Hebar, rẹ orua rẹ ihwo ri Hebar; ọri Malkiel, ọ rẹ orua rẹ ihwo ri Malkiel.

⁴⁶Odẹ rẹ ọmọtẹ rẹ Asha da dia Serah.

⁴⁷Enana keye orua rẹ emọ rẹ Asha kirobo rẹ unu rayen epha, uriori ujuvẹ gbe ihwerha kugbe ujori ẹne.

⁴⁸Emọ ri Naftali kirobo rẹ orua rayen epha: ọ ri Jahzeel, ọ rẹ orua rẹ ihwo ri Jahzeel; ọri Guni, ọ rẹ orua rẹ ihwo ri Guni;

⁴⁹ọ ri Jezar, rẹ orua rẹ ihwo ri Jezar; ọri Shillẹm ọ rẹ orua rẹ ihwo ri Shillẹm.

⁵⁰Enana keye orua ri Naftali kirobo rẹ orua rayen epha.

⁵¹Ọnana ọye unu rẹ ihwo rẹ Izrẹl, odu esan gbe ọvo kugbe ujori ighwrẹ gbẹ ọgba.

⁵²Ọrovwobwo da ta kẹ Mosis:

⁵³Enana keye a cha ghare otọ na kẹ vwọ riuku kirobo rẹ odẹ rọye epha.

⁵⁴Ẹgborho ọrhuarho wọ me vwẹ ẹkẹn uku ọrhuarho kẹ, ẹgborho otete gba vwẹ ẹkẹn uku otete vwọ kẹ; kẹgborho kẹgborho ko vwo ẹkẹn uku rọye kirobo ro bute.

⁵⁵Ẹkẹvuọvo otọ na kẹ utute a vwọ gharọ; kirobo rẹ odẹ rẹ esẹ rayen epha ọye ayen riuku na wan.

⁵⁶Ẹkẹn uku rayen na ka gharọ utute vwọ kẹ ẹgborho rode vẹ otete.

⁵⁷Ẹnana keye rha ihwo ri Livae re keri kirobo rẹ orua rayen epha: ọ ri Gẹrshọn, orua rẹ ihwo ri Gẹrshọn; ọri Kohath, orua rẹ ihwo ri Kohath; ọri Merari, orua rẹ ihwo ri Merari.

⁵⁸Enana keye orua ri Livae: orua rẹ ihwo ri Libni, orua rẹ ihwo ri Hẹbrọn, orua rẹ ihwo ri Mahl, orua rẹ ihwo ri Mush, orua rẹ ihwo ri Korah. Kohat kọye ọsẹ rẹ Amram.

⁵⁹Odẹ rẹ aye rẹ Amram da dia Jokẹbẹd rẹ ọmọtẹ ri Livae, re vwiẹ ki Livae vwẹ Ijipt; o de vwiẹ kẹ Amtam Erọn kugbe Mosis vi Miriam oniọvo rayen rẹ ọmọtẹ.

⁶⁰Erọn de rhe vwiẹ Nadab, Abihu Ẹlẹazar kugbe Itamar.

⁶¹Ẹkẹvuọvo Nadab vẹ Abihu de ghwu vwẹ ọke rẹ ayen vwọ torhẹ izobo ro jẹfuọn kẹ Ọrovwohwo.

⁶²Ayen otu re keri vwẹ usun rayen da dia uriori uje gbe erha, kọshare kọshare nẹ emeranvwe ọvo kpenu; kidie e kere ayen kugbe usun rẹ ihwo rẹ Izrẹl na-a, fikiridie e jẹ ẹkẹn uku vwo kẹ ayen vwẹ usun rẹ ihwo rẹ Izrẹl na-a.

⁶³Enana keye ihwo ri Mosis vẹ Ẹlẹazar re orherẹn na keri, ri keri ihwo rẹ Izrẹl vwẹ uphephẹ ri Moab vwẹ oma ri Jọdan vwi Jeriko.

⁶⁴Ẹkẹvuọvo vwẹ usun rẹ ihwo na o vwo ọvuọvo ri Mosis vẹ Erọn rẹ orherẹn na, ro keri ihwo rẹ Izrẹl vwẹ aton ri Sinae.

⁶⁵Kidie Ọrovwohwo ta kẹ ayen, Ayen che ghwu vwẹ aton na. Ohwo rẹ ayen ọvuọvo chekọ-ọ, jokpa ri Kalẹb ọmọ ri Jefunneh kugbe Joshua rẹ ọmọ ri Nọn.