Read urhobo Ukeri 33 Bible Online

Ukeri 33 - urhobo bible

Ukeri 33

¹Enana edjedje rẹ ihwo rẹ Izrẹl na, vwẹ ọke rẹ ayen vwo nẹ otọ rẹ Ijipt rhe vwẹ otuotu rayen vwẹ otọ rẹ isuesun ri Mosis kugbe Erọn.

²Mosis de si asan rẹ ayen de mu oyan na phihọ otọ, edjedje, kirobo rẹ Ọrovwohwo ji urhi kẹ; enana keye edjedje rayen kirobo rẹ asan rayen de mu oyan na phihọ epha.

³Ayen mu oyan ni Rameses vwẹ emeranvwe rẹ ẹsosuọ, vwẹ ẹdẹ ihwiori rẹ emeranvwe na; rẹ ẹdẹ rẹ ẹwanvrẹn na vwo notọ nu ihwo rẹ Izrẹl da yan vẹ aghọghọ nẹ otọ na vwẹ irharo rẹ ihwo rẹ Ijipt,

⁴vwẹ ọke rẹ ihwo rẹ Ijipt vwo shi emekpako rayen, rẹ Ọrovwohwo hweri vwẹ ohri rẹ ayen; kugbe edjọ rayen rẹ Ọrovwohwo ji brorhiẹ hwe.

⁵Etiọye kọye ihwo rẹ Izrẹl mu oyan ni Rameses, ayen de mu erhọn phihọ Sukọt.

⁶Ayen de mu oyan nẹ Sukọt, ayen de mu erhọn vwi Etam, rọ hẹ orhoma rẹ aton na.

⁷Ayen de mu oyan nẹ Etam, ayen de chuko ku Pihahirot, rọ obaro ọnre vwi Baalzefọn; ayen de mu erhọn vwẹ obaro ri Migdol.

⁸Ayen de mu oyan ni Hahirot, ayen da wan uherevie rẹ Abadi na vrẹn kpo obo aton na, ayen da yan ẹdẹ erha vwẹ evun rẹ aton rẹ Etham, ayen de mu erhọn phihọ Marah.

⁹Ayen de mu oyan ni Marah, ayen de te Elim; vwi Elim na ogbugbu rẹ ame ihwivẹ herọ kugbe iriẹn ujorha gbe ihwe, ayen de mu erhọn phihọ etiyin.

¹⁰Ayen de mu oyan nẹ Elim, ayen de mu erhọn phihọ oma rẹ Abadi ọvwavware na.

¹¹Ayen de mu oyan nẹ Abadi ọvwavware na, ayen de mu erhọn phihọ aton ri Sin.

¹²Ayen de mu oyan nẹ aton ri Sin, ayen de mu erhọn vwi Dofkah.

¹³Ayen de mu oyan nẹ Dofkah, ayen de mu erhọn phihọ Alush.

¹⁴Ayen de mu oyan nẹ Alush, ayen de mu erhọn phihọ Rẹfidim asan rẹ ame epha kẹ ihwo na da-a.

¹⁵Ayen de mu oyan nẹ Rẹfidim, ayen de mu erhọn phihọ aton ri Sinae.

¹⁶Ayen de mu oyan nẹ aton ri Sinae, ayen de mu erhọn vwi Kibrotattavah.

¹⁷Ayen de mu oyan nu Kihrotattavah, ayen de mu erhọn vwi Hazerot.

¹⁸Ayen de mu oyan nẹ Hazerot, ayen de mu erhọn vwi Ritmah.

¹⁹Ayen de mu oyan nẹ Ritmah, ayen de mu erhọn vwi Rimmonpẹrẹz.

²⁰Ayen de mu oyan ni Rimmonpẹrẹz, ayen de mu erhọn vwi Libnah.

²¹Ayen de mu oyan nẹ Libnah, ayen de mu erhọn vwi Rissah.

²²Ayen de mu oyan nẹ Rissah, ayen de mu erhọn vwi Kehelatah.

²³Ayen de mu oyan nẹ Kehelatah, ayen de mu erhọn vwẹ Ugbenu ri Shefa.

²⁴Ayen de mu oyan nẹ Ugbenu ri Shefa, ayen de mu erhọn vwi Haradah.

²⁵Ayen de mu oyan nẹ Haradah, ayen de mu erhọn vwi Makhelot.

²⁶Ayen de mu oyan nẹ Makhelot, ayen de mu erhọn vwi Tahat.

²⁷Ayen de mu oyan nẹ Tahat, ayen de mu erhọn vwi Terah.

²⁸Ayen de mu oyan nẹ Terah, ayen de mu erhọn vwi Mitkah.

²⁹Ayen de mu oyan nẹ Mitkah, ayen de mu erhọn vwi Hashmonah.

³⁰Ayen de mu oyan nẹ Hashmonah, ayen de mu erhọn vwi Moserot.

³¹Ayen de mu oyan nẹ Moserot, ayen de mu erhọn vwi Benejaakan.

³²Ayen de mu oyan nẹ Benejaakan, ayen de mu erhọn vwi Horhaggidgad.

³³Ayen de mu oyan nẹ Horhaggidgad, ayen de mu erhọn vwi Jotbatah.

³⁴Ayen de mu oyan nẹ Jotbatah, ayen de mu erhọn vwi Abronah.

³⁵Ayen de mu oyan nẹ Abronah, ayen de mu erhọn vwi Eziongeber.

³⁶Ayen de mu oyan nẹ Eziongeber, ayen de mu erhọn phihọ aton ri Zin (kọye Kadesh).

³⁷Ayen de mu oyan nẹ Kadesh, ayen de mu erhọn vwẹ Ugbenu ri Họr vwẹ orhoma rẹ ughwru rẹ Idọm.

³⁸Etiyin Erọn rẹ orherẹn da yanran kpo Ugbenu ri Họr kirobo rẹ Ọrovwohwo ji urhi kẹ o de ghwu vwẹ etiyin vwẹ ikpe ujuvẹ rẹ ihwo rẹ Izrẹl vwo nẹ otọ rẹ Ijipt rhe nu, vwẹ ẹdẹ rẹ ẹsosuọ rẹ emeranvwe rẹ iyori.

³⁹Erọn da dia ẹgbukpe ujosa gbe erha vwẹ ọke ro vwo ghwu vwẹ Ugbenu ri Họr.

⁴⁰Etiyin ihwo ri Kenan, ovie rẹ Arad, rọ dia obi Nẹgẹb vwẹ otọ ri Kenan, de nyo usi rẹ ẹcha rẹ ihwo rẹ Izrẹl.

⁴¹Ayen de mu oyan nẹ Ugbenu ri Họr, ayen de mu erhọn vwi Zalmonah.

⁴²Ayen de mu oyan nẹ Zalmonah, ayen de mu erhọn vwi Punọn.

⁴³Ayen de mu oyan nẹ Punọn, ayen de mu erhọn vwi Oboth.

⁴⁴Ayen de mu oyan nẹ Obot, ayen de mu erhọn vwi Iyeabarim, vwẹ otọ ri Moab.

⁴⁵Ayen de mu oyan nẹ Iyeabarim, ayen de mu erhọn vwi Dibọngad.

⁴⁶Ayen de mu oyan nẹ Dibọngad, ayen de mu erhọn vwi Almondiblataim.

⁴⁷Ayen de mu oyan nẹ Almondiblataim, ayen de mu erhọn phihọ igbenu rẹ Abarim, ra vrẹn nẹ te Nebo.

⁴⁸Ayen de mu oyan nẹ igbenu rẹ Abarim na, ayen de mu erhọn phihọ uphephẹ ri Moab vwẹ oma ri Jọdan vwi Jeriko;

⁴⁹ayen de mu erhọn vwẹ oma ri Jọdan nẹ Bẹtjẹshmi-mọt rhiri re te Abel-shitim vwẹ uphephẹ ri Moab.

⁵⁰Ọrovwohwo da ta kẹ Mosis vwẹ uphẹphẹ ri Moab vwẹ oma ri Jọdan vwi Jeriko,

⁵¹Ta kẹ ihwo rẹ Izrẹl, ọke wọ da wan Jọdan vrẹn kpo otọ ri Kenan,

⁵²ku wọ djẹ ihwo re dia otọ na jovwo na no, wọ me guọghọ eragha ra kare na ejobi no, kugbe ema ra wranre ejobi wọ guọghọ ayen, wo mi kporo imikpe rayen ri kpenu ejobi,

⁵³ku wọ reyọ otọ na ku wọ dia evun rọye, kidie me vwẹ otọ na vwọ kẹ wẹ vwọ riuku nure.

⁵⁴Ku wa riuku rẹ otọ na utetemute kirobo rẹ orua wẹn epha; orua rọ rhoro ku wọ vwẹ ẹkẹn rode kẹ, orua rọ hanvwere gba vwẹ ẹkẹn ọhanhanvwe kẹ; ẹkẹn rẹ itẹ rẹ ohwo muru ejobi, etiyin re dia ọrọye; kirobo rẹ orua rẹ ọsẹ rọye epha ọtiọye ọ je riuku na.

⁵⁵Ẹkẹvuọvo wọ rha sa djẹ ihwo re dia otọ na jovwo na no-o, ihwo rayen re wọ fọkẹ nẹ e dia otọ na ke cha dia kerẹ inwe vwẹ ẹro wẹn kugbe inwe vwẹ ẹfẹn wẹn, kẹ ayen che kpokpo uwe vwẹ evun rẹ otọ ru wọ dia na.

⁵⁶Ki mi ru we kirobo mi roro nẹ mi ru kẹ ayen.