Read urhobo Zekaraya 11 Bible Online

Zekaraya 11 - urhobo bible

Zekaraya 11

¹Rhie ẹchẹ wẹn, E Lẹbanọn, rere erhanre vwọ ghwọrọ igedu wẹn!

²Beroma, E owangha kidie igedu she nure kidie irhe ri vwo urinrin na guọghọre! Beroma, ehahe ri Bashan, kidie eshe egbo rode na nure!

³Kerhọn, re ọmaebere rẹ isuigegede na, kidie a ghwọrọ urinrin rayen re! Kerhọn, rẹ ekpere rẹ ikpohrokpo na, kidie oghwaghwo ri Jọdan ghwọrọ totọ re!

⁴E nẹ Ọrovwohwo Ọghẹnẹ mẹ na tare: Ofori rere osuigegede na vwọ re abe rẹ ehwe,

⁵Otu re de ayen hwe ayen ghwu ye e ru ayen emu-u; otu re shẹ ayen je ta nẹ, Ebruba kẹ Ọrovwohwo, mi fe nure isuigegede rayen na ni aruẹdọn raye-en.

⁶Kidie mi gbi che nẹ aruẹdọn ke ihwo rẹ otọ nana ọfa-a, Ọrovwohwo re tarọ. Nighe, mi ru ihwo rẹ ọvuọvo de she tehe obọ rẹ osuigodẹ rọye, re ọvuọvo de she tehe obọ rẹ ovie rọye, ayen ke guọghọ akpọ na, mi che sivwi ọvuọvo nẹ obọ raye-en.

⁷Ọtiọye Me rhe dia osuigegede rẹ igodẹ re reabe rẹ ughwu na vwọ kẹ otu rẹ chua eki rẹ igodẹ na. Me reyọ ekpọ ivẹ; mi de se ọvo Ẹserọphẹ, ọrivẹ mi de rhe se okugbe. Me da ghẹrẹ igodẹ na.

⁸Vwẹ emeranvwe ọvo Me da ghwọrọ isuigegede erha. Ẹkẹvuọvo mi gbi se chirako raye-en, ayen da vwẹ ovwẹ ru ọvweghrẹ.

⁹Ọtiọye na Me da ta, Me gbe dia osuigegede rẹ ovwa-an. Emu ro che ghwu, e jo ghwu; emu rọ cha ghwọrọ. e jọ ghwọ-rọ, jẹn ayen ihwo ri chekọ ohwohwo ghwọrọ ohwo

¹⁰Me da reyọ ọkpọ Mẹ re se Ẹserọphẹ, mi de vwirho ro miovwi ọphọ ri mi nene ihwo na re jovwo na.

¹¹Ọtiọye e miovwiro vwẹ ẹdẹ yena ineki rẹ igodẹ, otu re rhẹrẹ ovwẹ jovwo na, riẹnre nẹ ọye ota rẹ Ọrovwohwo.

¹²Etiyin Me da ta kẹ ayen, ọ da dianẹ emu ro fori kẹ ovwan, wa gba hwa esa mẹ kẹ vwẹ; ẹkẹvuọvo o gbi fo-o, wa gba da ayen ji. Ayen da vwanvwe osa mẹ shẹkẹl ọgban rẹ idọnọ ọfuanfọn.

¹³Etiyin Ọrovwohwo da ta kẹ vwẹ, Phio phihọ asan ra da yọnrọn igho na — unuigho rẹ ayen hwa kẹ vwẹ na. Eriyin Me da reyọ shekẹl ọgban rẹ idọnọ ọfuanfọn na mi de phi ayen phihọ asan ra da yọnrọn igho vwẹ uwevwi rẹ Ọrovwohwo na.

¹⁴Etiyin o de vwirhi ọkpọ Mẹ rivẹ re se Okughe, rẹ imoni re herọ vwẹ uvwre ri Juda vẹ Izrẹl.

¹⁵Etiyin Ọrovwohwo da ta kẹ vwẹ, Rhoma reyọ ekuakua rẹ osuigegede ro je fo na.

¹⁶Kidie gbe nighere, Me vwẹ osuigegede ọvo mu vwẹ otọ na rọ cha kerhọn rẹ igegede ri ghwẹ na-a, eye ke guọnọ e re yan ghwrẹ na-a, eyẹ ki sivwi ri ghwu awọ na-a, eye ke ghẹrẹ erẹ oma ganre-e. Ẹkẹvuọvo kọ ria otu rẹ oma ronri, savwe ephiẹ rayen nẹ ayen awọ.

¹⁷Ekan kẹ osuigegede Mẹ rọ je fọ na, ọ rọ djẹ jẹ igodẹ vwo na! E jẹn ọlọkọ nyavwọ ugbobọ vẹ ẹro rẹ obọrhe rọye! E jẹn rọye sida, rẹ ubiẹro rẹ obọrhe rọye rhu.