Read urhobo Urhi Rivẹ 10 Bible Online

Urhi Rivẹ 10 - urhobo bible

Urhi Rivẹ 10

¹Ọke yena Ọrovwohwo da ta kẹ vwẹ nẹ, Kare ẹbẹre rẹ eragha ivẹ re họhọ e re ẹsosuọ na, wọ yan bru vwe rhe enu rẹ ugbenu na, wọ Me je kare ekpeti rẹ urhe.

²Ki mi si eta rẹ ẹbẹre rẹ eragha rẹ ẹsosuọ ru wo hweri na phihọ ayen wo phi ayen phihọ evun rẹ ekpeti na.

³Me da vwẹ ẹrọn kare ekpeti na mi de she ẹbẹre rẹ eragha ivẹ re họhọ e rẹ ẹsosuọ na, Me da yanran kpo enu rẹ ugbenu na, Me vẹ ẹbẹre rẹ eragha ivẹ vwẹ obọ mẹ.

⁴Ọ de si phihọ enu rẹ ẹbẹre rẹ eragha na, kirobo rẹ isiesi rẹ ẹsosuọ na epha, irhi ihwe na, rẹ Ọrovwohwo vuẹ ovwan vwẹ ugbenu vwẹ evun rẹ erhanre vwẹ ẹdẹ rẹ ukoko na; Ọrovwohwo da vwẹ ayen kẹ vwẹ.

⁵Mi de wotọ nẹ ugbenu na rhe, mi de phi ẹbẹre rẹ eragha ivẹ na phihọ evun rẹ ekpeti re Me kare na; kẹ Etiyin ayen epha, kirobo rẹ Ọrovwohwo jiji kẹ vwẹ;

⁶(Ihwo rẹ Izrẹl ke yan nẹ Beerọth Benejaa-kan kpo Mosera. Etiyin Erọn dẹ ghwu, Etiyin e ji sho phihọ Eleaza rẹ ọmọ rọye de ru iruo rẹ orherẹn vwẹ ẹdia rọye.

⁷Kẹ Etiyin ayen yan nu kpo Gudgoda; rhe nẹ Gudgoda kpo Jotbatah, rọ hẹ otọ rẹ ito rẹ ame na.

⁸Ọke yena Ọrovwohwo vwọ hẹriẹ uvwiẹ ri Livae, ne ghwa ekpeti rẹ ọphọ rẹ Ọrovwohwo na, ri vwo mudia vwẹ obaro rẹ Ọrovwohwo vwo ru iruo kẹ, ji vwo jiri odẹ rọye, rhi te nonẹ na.

⁹Vwẹ ọtiọye na Livae rhe vwo ẹkẹn eyẹ ukuẹriọ kugbe imoni rọye-e; Ọrovwohwo na ukuẹriọ rọye, kirobo rẹ Ọrovwohwo Ọghẹnẹ ta kẹ.)

¹⁰Me ke dia enu rẹ ugbenu na, kerẹ ọke rẹ ẹsosuọ, ẹdẹ ujuvẹ ason ujuvẹ. Ọrovwohwo ke je kerhọ mẹ vwẹ ọke yena rhe. Ọrovwohwo gbe guọnọ owẹ hwe-e.

¹¹Ọrovwohwo da ta kẹ vwẹ, Vrẹn, yan kpo obaro rẹ ihwo na; re ayen ra dia otọ na, ri mi veri kẹ esẹ rayen nẹ Me vwọ kẹ ayen na.

¹²Kọna, Izrẹl, die Ọrovwohwo Ọghẹnẹ wẹn, tobọ guọnọ vwẹ obọ wẹn, ẹkẹvuọvo vwọ djẹ oshọ rẹ Ọrovwohwo Ọghẹnẹ wẹn, vwọ yan phihọ idjerhe rọye ejobi, je vwọ guọnọ, wọ je vwẹ udu wẹn ejobi kugbe ẹnwẹn wẹn ejobi ga Ọrovwohwo Ọghẹnẹ wẹn.

¹³Vwọ yọnrọn irhi rẹ Ọrovwohwo na vẹ ẹgha rọye, ri mi ji kẹ wẹ kẹ erhuvwu wẹn nonẹ na?

¹⁴Nighe, Ọrovwohwo Ọghẹnẹ wẹn na ọye vwo odjuvwu vẹ odjuvwu rẹ odjuvwu, akpọ na vẹ emu re herọ ejobi.

¹⁵Ọrovwohwo ọvo vwo ivuavwerhe kpahe esẹ rẹ ovwan je guọnọ ayen, ọ da jẹn emọ rayen re cha vwẹ uko reyọ, kọye ovwan vwọ enu rẹ ihwo na ejobi, kirobo rọ epha nonẹ na.

¹⁶Vwẹ ọtiọye na ke yanvwe ohọrọ rẹ awanre rẹ udu wẹn, wọ gbe gan udu ọfa-a.

¹⁷Kidie Ọrovwohwo Ọghẹnẹ wẹn na, ọye Ọghẹnẹ rẹ ẹdjọ, gbe Ọrovwohwo rẹ irivwohwo, Ọghẹnẹ rode, ro mu oshọ, ro nẹ ohwo ẹro-o, ọ je ria udi-i.

¹⁸Ọ brorhiẹ rẹ ọmọphrorivwi vẹ ayeuku, rọ guọnọ erhorha rọ kẹ emuẹriọ vẹ emwa.

¹⁹Fọke rẹ ọtiọye na wa Me guọnọ erhorha, kidie wa je dia erhorha vwẹ otọ rẹ Ijipt dẹvure.

²⁰Wọ Me djẹ oshọ rẹ Ọrovwohwo Ọghẹnẹ wẹn na; ọye wọ ga, ọye wọ gba oma mu, odẹ rọye wo vwo ve ive.

²¹Ọye ejiro wẹn, ọye jẹn Ọghẹnẹ wẹn, ro ru imu nana ride ri mu oshọ na kẹ wẹ, e rẹ ibiẹro wẹn mrẹre na.

²²Ihwo ujorha gbe ihwe esẹ wẹn vẹ ayen gbe kpo Ijipt; Asakiephana Ọrovwohwo Ọghẹnẹ na ru we bu phihọ kerẹ isio rẹ obenu.