Read urhobo Urhi Rivẹ 13 Bible Online

Urhi Rivẹ 13 - urhobo bible

Urhi Rivẹ 13

¹Ọ da dianẹ ọmraro eyẹ ọvwerhẹ evwerhẹ muru vwẹ uherevie rẹ ovwan, ọ da kẹ wẹ oka eyẹ emuigbunu,

²rẹ oka eyẹ emuigbunu rọ vuẹ wẹ na, da ghine phia, tanẹ, Mọ ra gọ ẹdjọ, rẹ wọ riẹnre-e, nẹ jẹ avwanre ga ayen

³wọ kerhọ rẹ eta rẹ ọmraro yena-a, eyẹ ọvwerhẹ evwerhẹ yena-a. Kidie Ọrovwohwo Ọghẹnẹ wẹn na davwe ovwan ni, rọ riẹn se wa vwẹ udu rẹ ovwan ejobi gbe ẹnwẹn rẹ ovwan ejobi guọnọ Ọrovwohwo Ọghẹnẹ rẹ ovwan na.

⁴Wa Me yan nene Ọrovwohwo rẹ ovwan na, wa Me djẹ oshọ yọnrọn irhi rọye, vwo nyo urhuru rọye, wa Me ga re wa je gba oma muo.

⁵Ẹkẹvuọvo ọmraro yena, eyẹ ọvwerhẹ evwerhẹ yena ke hwe ghwu; fikiridie ọ ta ota ọbrabra kpahe Ọrovwohwo Ọghẹnẹ rẹ ovwan ro si ovwan nẹ otọ rẹ Ijipt rhe na, rọ tan ovwan nẹ uwevwi rẹ ọviẹn, ro vwo sun ovwan nẹ idjerhe rẹ Ọrovwohwo Ọghẹnẹ rẹ ovwan vuẹ ovwan nẹ we nene. Ọtiọye ku we si hworhẹ umwemwu na nẹ uherevie rẹ ovwan.

⁶Ọ da dianẹ oniọvo wẹn, rọ dia ọmọ rẹ oni wẹn, eyẹ ọmọshare wẹn, eyẹ ọmọtẹ wẹn, eyẹ ayerhi wẹn, eyẹ ugbeyan wẹn, rọ kẹrẹ owẹ oma rọ da bẹbẹ riẹriẹ owẹ, tanẹ, Jẹn avwanre yanran ra ga ẹdjọ, e re wọ vẹ esẹ wẹn riẹnre-e na;

⁷vwẹ ẹdjọ rẹ ihwo re yariẹ ovwan phihọ na, ri sheri yẹrẹ e re kẹre nẹ oba rẹ akpọ ọvo re te ọ ro chekọ;

⁸wọ rhọvwa kẹ-ẹ, eyẹ wọ kerhọn rọye-e eyẹ wo re ehrọre rọye-e, eyẹ wo jowo-o, eyẹ wo sionẹ-ẹ;

⁹ẹkẹvuọvo wo mi hwe; obọ wẹn vwo hwe ghwu, tavwe obọ rẹ ihwo na ejobi ki hwe ghwu.

¹⁰Wọ Me vwẹ oragha phio, rere o ghwu; fikiridie ọ guọnọre re os si we nẹ obọ rẹ Ọrovwohwo Ọghẹnẹ wẹn na, ọ ro si we nẹ otọ rẹ Ijipt rhe, nẹ uwevwi rẹ ọviẹn.

¹¹Izrẹl ejobi ki nyo, oshọ ko mu ayen e gbi ru oghẹre rẹ orukuruku ọtiọnana vwẹ uherevie wẹ ọfa-a.

¹²Ọ da dianẹ wo nyo kpahe ọvo vwẹ usun rẹ irere wẹn, rẹ Ọrovwohwo Ọghẹnẹ wẹn vwọ kẹ wẹ nọ wọ dia na, nẹ,

¹³Erharhe rẹ ihwo evo yan nẹ uherevie wẹn, rẹ ayen de si ihwo evo yan nẹ uherevie wẹn re ayen de si ihwo rẹ orere na nene oma, re da ta kẹ ayen, nẹ, Jẹn avwanre yanran ra ga ẹdjọ, e rẹ ovwan riẹnre-e;

¹⁴bẹsiẹ wọ ke nọ onọ kpahọ, wọ Me guọnọ otọ rọye, ru dẹndẹn vwọ nọ obo rọ hẹ epha nọ, ọ da dia uyota, rẹ emu na de mu we ẹro, nẹ o ghinẹ ru ẹgua ọtiọye vwẹ uherevie wẹn;

¹⁵wo mi ghinẹ vwẹ ọlọkọ hwe ihwo rẹ orere yena, ghwọrọ ejobi tototo, te eranvwe vẹ emu re herọ ejobi, wọ Me vwẹ ọlọkọ ghwọrọ ayen.

¹⁶Ghwẹ emu rọye koko uherevie wọ torhẹ ayen vẹ orere na, je torhẹ emu rọ herọ ejobi kẹ Ọrovwohwo Ọghẹnẹ wẹn na; ko dia erhurhu bẹdẹ; a gbe bọn ọfa-a.

¹⁷Wo gbi jẹ emuẹgha ọvuọvo tamu obọ wẹ-ẹn; rere Ọrovwohwo mrasa vwo kurhẹriẹ nẹ ophu ọgangan rọye, ro nẹ aruẹdọ wẹn, rọ rie ehrọre wẹn, ro ru we bu phihọ kirobo ro veri kẹ esẹ — ovwan na;

¹⁸we de nyo urhuru rẹ Ọrovwohwo Ọghẹnẹ wẹn na, vwọ yọnrọn irhi rọye ejobi ri mi ji kẹ wẹ vwẹ ẹdẹ ri nonẹ na, vwo ru obo ri shehọ vwẹ obaro rẹ Ọrovwohwo Ọghẹnẹ wẹn na.