Read urhobo Urhi Rivẹ 19 Bible Online

Urhi Rivẹ 19 - urhobo bible

Urhi Rivẹ 19

¹Ọke rẹ Ọrovwohwo rẹ Ọghẹnẹ wẹn na da guọghọ ẹgborho na ejobi kufia, irere ri vwo otọ rẹ Ọrovwohwo rẹ Ọghẹnẹ wẹn cha vwọ kẹ wẹ na, ru wọ da djẹ ayen nẹ evun rẹ irere rayen na kugbe evun rẹ iwevwi rayen na re,

²ku wọ vwẹ irere erha vwo ọrhọn vwẹ evun rẹ otọ rẹ Ọrovwohwo rẹ Ọghẹnẹ wẹn vwọ kẹ wẹ nẹ wọ dia na.

³Wọ Me rhuẹrẹ idjerhe na, wọ Me ghare otọ rẹ Ọrovwohwo rẹ Ọghẹnẹ tanẹ wọ dia na ẹkẹn erha, rere ohwo kohwo rẹ obọ chọre hwe ohwo sa vwọ djẹ ro evun rayen.

⁴Ọnana kẹ idjerhe ra gbẹre kẹ ohwo rẹ obọ chọre hwe ohwo, rere ọ da sa djẹ kpo oboyi ko sivwi erhi rọye rhọ. Ọ da dianẹ ohwo rha vwẹ ẹro do hwe ohwo na-a, ọ vẹ ohwo na gbe dia ọvweghrẹ jovwo-o

⁵— kẹrẹsiẹ rẹ ohwo vẹ ọrivẹ rọye de kpo ẹghwa re she urhe, rẹ ushurhe ro vwo shurhe na de pheghe no obọ re dje urhe na, ushurhe na de yoro nẹ udje rọye re she ọrivẹ rọye na o de ghwu — ọ sa djẹ kpo ọvo vwẹ irere nana re o sivwi arhọ rọye;

⁶rere ọreihri rẹ ọbara rọ vwẹ ophu ọrhorhorho vwọ tua vwẹ ohukọ na da djẹ muo, vwi fiki rẹ ugbo ogrogro na, rọ da wan oma te ughwu, dede na yẹ ohwo na fo ughwu-u, kidie ọ vẹ ọrivẹ rọye na vwo eghrẹ kẹ oma jovwo-o.

⁷Kẹ ọtiọye na mi vwọ ji urhi kẹ wẹ nẹ, We phi irere erha phihọ otọ.

⁸Ọ da dianẹ Ọrovwohwo rẹ Ọghẹnẹ wẹn na de ru ughwru wẹn hẹre, kirobo ro ve kẹ esẹ wẹn na, rọ da vwẹ otọ na ejobi ro veri kẹ esẹ wẹn na vwọ kẹ wẹ nu —

⁹wo de ru dẹndẹn vwọ yọnrọn urhi nana, ri mi ji kẹ wẹ nonẹ na, vwọ guọnọ Ọrovwohwo rẹ Ọghẹnẹ wẹn ha, wọ da yan nene idjerhe rọye bẹdẹ ku wọ vwẹ irere erha efa vwọ ha irere erha nana,

¹⁰ọ rha dia eriyi-in e de rhi sun ọbara rẹ ihwo te otọ ekueku vwẹ evun rẹ otọ rẹ Ọrovwohwo rẹ Ọghẹnẹ wẹn kẹ wẹ nẹ wọ vwọ riuku na, abe rẹ ọbara rẹ eku da rhe dia uyovwi wẹn.

¹¹Ẹkẹvuọvo ọ da dianẹ ohwo jẹn ọrivẹ rọye ehgrẹ, rọ da ra hẹrhẹ, vwẹ idjerhe, rọ da họnrọn, rọ da wan oma gangan ro de ghwu, rẹ ohwo na da djẹ kpo ọvo vwẹ usun rẹ irere nana,

¹²ekpako rẹ orere rọye na mi ji ihwo re muo nẹ Etiyin rhe, ayen Me vwọ kẹ ọreihri rẹ ọbara na, rere ọ vwọ mrasan ghwu.

¹³Wo jẹn ehrọre rọye re wẹ-ẹ, ẹkẹvuọvo ku wo phoro abe rẹ ọbara rẹ eku na nẹ Izrẹl, rere ọ vwọ mrasan yovwi kẹ wẹ.

¹⁴Vwẹ evun rẹ ukuẹriọ ru wọ cha ra re vwẹ otọ rẹ Ọrovwohwo Ọghẹnẹ wẹn kẹ wẹ nẹ ọ dia owẹ na, wọ kpare ughwru rẹ ọrivẹ wẹ-ẹn, rẹ ihwo rẹ awanre gberi na.

¹⁵A sa vwẹ unu rẹ iseri ọvuọvo kpoghono brorhiẹ hwe ohwo rọ chọ urhi, eyẹ ọ rẹ emu cho obọ-ọ jokpa rẹ iseri rẹ ihwo ivẹ eyẹ erha, a ke mrẹ uyota na vughe.

¹⁶Ọ da dianẹ oseri rẹ eku de se oseri rhurhu ohwo nẹ o ru emu chọ;

¹⁷ihwo ri vwo aphro Me vwẹ oma phia vwẹ obaro rẹ Ọrovwohwo, ji te obaro rẹ irherẹn kugbe iguẹdjọ rẹ umukpe teri vwẹ ẹdẹ yena.

¹⁸iguẹdjọ na ke nabọ guọnọ otọ rọye, oseri na da dia ọ rẹ eku ro di shenyẹ ọrivẹ rọye ekueku,

¹⁹wo mi ruo kirobo ra guọnọre nẹ eru ọrivẹ rọye na; rere wọ vwọ sa hworhẹ umwemwu nẹ uherevie wẹn.

²⁰Otu ri chekọ ki nyo, oshọ ko mu ayen, ayen gbi se ru umwemwu ọtiọye na vwẹ ohri wẹn ọfa-a.

²¹Wo jẹn aro dọ wẹ-ẹ, arhọ kẹ arhọ, ubiẹro kẹ ubiẹro, ubiako kẹ ubiako, obọ kẹ obọ, owọ kẹ owọ ọye cha dia.