Read urhobo Urhi Rivẹ 23 Bible Online

Urhi Rivẹ 23 - urhobo bible

Urhi Rivẹ 23

¹Ohwo ra bẹrẹ ibi rẹ ivwrite rọye eyẹ ọ re bru oshọ rọye sa ro evun rẹ ukoko rẹ Ọrovwohwo-o.

²Ọmọ ra riẹn ọsẹ rọye-e sa ro ukoko rẹ Ọrovwohwo-o; rhiri re te isakpegodi rayen, sa ro ukoko rẹ Ọrovwohwo-o.

³Ohwo rẹ Ammọn eyẹ ọ ri Moab vuọvo sa ro ukoko rẹ Ọrovwohwo-o, rhiri re te esakpegodi rayen sa ro ukoko rẹ Ọrovwohwo bẹdẹ-ẹ;

⁴fikiridie ọke ri wo vwo nẹ otọ rẹ Ijipt cha, ayen reyọ ikara vẹ ame rhe vwọ vwa wẹ vwẹ idjerhe-e, fikiridie ayen durhie Balam ọmọ rẹ Beor nẹ Petor ri Mesopotemia rhe, rhe duvwu iyori hwe ovwan.

⁵Dede na Ọrovwohwo rẹ Ọghẹnẹ wẹn na kerhọ ri Balam na-a; ẹkẹvuọvo Ọrovwohwo rẹ Ọghẹnẹ wẹn na da rhẹriẹ iyori na phihọ ebruphihọ kẹ wẹ, fikiridie Ọrovwohwo rẹ Ọghẹnẹ wẹn na guọnọ owẹ.

⁶Wọ guọnọ ufuoma eyẹ oyovwe rayen bẹdẹ wo vwo ghwu-u.

⁷Wọ sia ohwo rẹ Edọm na-a, kidie oniọvo wẹn o ruẹ; wọ sia ohwo rẹ Ijipt na-a, fikiridie wọ dia ọrhorha vwẹ otọ rọye dẹvure.

⁸Emọ rayen rẹ uvwiẹ rẹ erha sa rọ ukoko rẹ Ọrovwohwo na.

⁹Ọke wọ da ra họnre ivwighrẹ wẹn siere ayen da hẹ evun rẹ erhọn, wo mi si oma wẹn nẹ emu kemu umwemwu ejobi.

¹⁰Ọ da dianẹ ohwo ọvo herọ vwẹ uherevie rẹ ovwan rẹ oma rọye fonro-o vwi fiki rẹ emu rọ phia kẹ vwẹ ason ọ Me yan phia nẹ erhọn na, ọ gbe ro evun rẹ erhọn na ọfa-a,

¹¹ẹkẹvuọvo ovwọnvwọn de tere, ọ Me họ vwẹ evun rẹ ame, ọnre da ro otọ re, kọ sa rọ evun rẹ erhọn na.

¹²Wo mi vwo asan vwẹ obotafe rẹ erhọn na ru wọ vwẹriẹ;

¹³wọ Me ghwa ubiurhe nene ekuakua wẹn; wo de tidia vwẹ uphephe re, wo Me vwẹ ubiurhe na tọn unu ọvo, wo mi bekpẹn rhurhu isọn wẹn na.

¹⁴Fikiridie Ọrovwohwo rẹ Ọghẹnẹ wẹn na yan vwẹ uherevie rẹ erhọn wẹn, ro vwo sivwi uwe ro ji vwo phi ivwighrẹ wẹn vwọ obaro wẹn, vwẹ ọtiọye na erhọn wẹn kọ dia fuanfon, rere ọ vwọ je emu ogbegbe ẹmrẹ vwẹ uherevie wẹn, ọ da rhẹriẹ oma yan ju we vwo.

¹⁵Ọviẹn rọ djẹ nẹ obọ rẹ ọrovworo bru we rhe wo vwo rhivwi rhe ọrovworo-o;

¹⁶ko nene uwe dia, kọ dia uherevie wẹn vwẹ asan rọ sanọre vwẹ irere wẹn ejobi, asan ro Me je ejobi; wo shenyẹ-ẹ.

¹⁷E ja gọ ẹdjọ rẹ igberadja vwẹ uherevie rẹ emetẹ rẹ Izrẹl na-a, eyẹ e je ẹdjọ rẹ ofarhiẹ egbe dia uherevie rẹ emeshare rẹ Izrẹl na-a.

¹⁸Wọ ghwa igho rẹ igberadja, eyẹ osa rẹ eranko cha uwevwi rẹ Ọrovwohwo rẹ Ọghẹnẹ wẹn vwọ hwa osa rẹ ive ru wo veri-i; kidie imu nana ivẹ na egua kẹ Ọrovwohwo rẹ Ọghẹnẹ wẹn na.

¹⁹Wo de momo igho kẹ oniọvo wẹn wo suẹn ayen kẹ-ẹ, ẹkpahọ rẹ emuọre, ẹkpahọ rẹ emu kemu ejobi re momo.

²⁰Wo se sun igho kẹ ọrharha siẹ ru wo de momo kẹ ẹkẹvuọvo wo suẹn kẹ oniọvo wẹ-ẹn, rere Ọrovwohwo rẹ Ọghẹnẹ wẹn na vwọ mrasan bruphihọ kẹ wẹ vwẹ evun rẹ emu kemu wo che ru vwẹ evun rẹ otọ ru wọ rua ra dia na.

²¹Ọke wo de ve ive kẹ Ọrovwohwo rẹ Ọghẹnẹ wẹn nu, wo suobọ kẹ ẹhwa rọye-e; kidie Ọrovwohwo rẹ Ọghẹnẹ wẹn na cha nekpẹn rọye vwẹ obọ wẹn kọ dia umwemwu vwẹ oma wẹn.

²²Ẹkẹvuọvo wo de si oma nẹ iveve, ọ gbe dia umwemwu vwẹ oma wẹ-ẹn.

²³Wọ Me jomaotọ rere ota ro fi we unu wan ejobi wọ Me hwa osa rọye, kidie wẹ ọvo vwẹ ohọrobọ wẹn vwọ vwẹ unu wẹn ve kẹ Ọrovwohwo rẹ Ọghẹnẹ wẹn.

²⁴Ọke wọ da ro ogba ri vain rẹ ọrivẹ wẹn, wọ sa re emamọ ri otie vọn evun uche wọ guọnọre ejobi, ẹkẹvuọvo wo phi ọvuọvo phihọ ekpo wẹ-ẹn.

²⁵Wọ da ro ugbeka rẹ ọrivẹ wẹn ri ji mudia, wọ sa vwẹ abọ kọnrọ eka, ẹkẹvuọvo wọ vwẹ aphia nyavwe eka rẹ ọrivẹ wẹn ri ji mudia-a.