Read urhobo Urhi Rivẹ 8 Bible Online

Urhi Rivẹ 8 - urhobo bible

Urhi Rivẹ 8

¹Urhi na ejobi ri mi ji kẹ ovwan nonẹ na wa fọke otọ ruo, rere we vwo bu, rere wọ ra reyọ otọ rẹ Ọrovwohwo ve kẹ esẹ rẹ ovwan na.

²Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

³Ọ da vwẹ owẹ kpotọ, ọ da vwẹ owẹvwe hwe we, vwẹ mana ghẹrẹ owẹ, mana ro wọ riẹnre-e, rẹ esẹ wẹn je riẹ-ẹn, rere o vwo ju we riẹn nẹ ohwo sa rhọ fiki rẹ emu ọvo-o, ẹkẹvuọvo vwẹ fiki rẹ emu kemu ro nẹ unu rẹ Ọrovwohwo rhe ohwo vwọ rhọ.

⁴Amwa wẹn bẹre dje we oma wẹ-ẹn, owọ wẹn, je vwọ vwẹ ẹgbukpe ujuvẹ na-a.

⁵Wọ Me riẹn vwẹ udu wẹn nẹ, obo rẹ ohwo fa ọmọ rọye eriyin Ọrovwohwo Ọghẹnẹ wẹn na je cha fa wẹ rhe.

⁶Ọtiọye wọ yọnrọn irhi rẹ Ọrovwohwo Ọghẹnẹ wẹn na, vwọ yan phihọ idjerhe rọye re wọ je dje oshọ rọye.

⁷Kidie Ọrovwohwo Ọghẹnẹ wẹn na, reyọ owẹ rhe otọ esiri na, otọ rẹ uto rẹ ame, ọ rẹ ogbugbu vẹ erhare ri hwẹ nẹ iyara vẹ ugbenu cha;

⁸otọ rẹ ọka vi bali, irhe ri vain, vẹ irhe ri fig kugbe pomegranate, otọ rẹ evwri rẹ oliv vẹ ọnyọn;

⁹otọ re wọ dia evun rọye da re emu rẹ emu de ju we ẹkarọ, emuọvo sa karọ wẹ vwẹ evun rọye-e otọ rẹ elalọ rọye hẹ itehrnu, imigbenu rọye rọye wọ da cha tọn ẹrovwo.

¹⁰Wọ cha re evun Me vọn wẹ, ko wo jiri Ọrovwohwo Ọghẹnẹ wẹn rọ vwẹ otọ na kẹ wẹ na.

¹¹Wọ Me jomaotọ Ọrovwohwo Ọghẹnẹ wẹn da rha chọrọ owẹ ẹro, wo de jẹn irhi rọye ẹyọnrọn, vẹ iji kugbe ẹgha ri mi ji kẹ wẹ nonẹ na.

¹²eyẹ ọke re wọ da re rẹ evun da vọn wẹn nu, re wọ da bọn iwevwi iyoyovwi, re wọ da dia evun rayen re;

¹³kugbe ọke rẹ ichuru vẹ igegede wẹn de buẹ re, re idọnọ efuanfon vẹ iro wẹn de bu re, kugbe obo wo vwori ejobi de bu nu;

¹⁴Etiyin udu wẹn kọ cha kpare kpenu, Ọrovwohwo Ọghẹnẹ wẹn na Me rhe chọrọ owẹ ẹro, ohwo ro si we nẹ otọ rẹ Ijipt rhe na, nẹ uwevwi rẹ ọviẹn;

¹⁵ohwo ro sun we wan aghwa rode ro mu oshọ na, asan rẹ eredekọ rẹ erhanre vẹ ekpakpasimagha vọnre na, ji otọ rẹ urhuru rẹ ame de hwe ohwo rẹ ame kare na; ọ ro siẹ ame nẹ oragha rhe na,

¹⁶ọ rọ vwẹ mana ghẹrẹ owẹ vwẹ evun rẹ aghwa na, mana rẹ esẹ wẹn riẹnre-e; ro vwo ru we vwẹ oma kpotọ, rọ vwọ davwẹ owẹ ni, ro vwo ru we yovwi vwẹ oba rẹ akpọ wẹn;

¹⁷Jomaotọ wọ da rhe ta vwẹ udu wẹn, Ọgangan mẹ vẹ ẹgba rẹ obọ mẹ mi vwo vwo efe nana,

¹⁸wọ Me karohọ Ọrovwohwo Ọghẹnẹ wẹn na, kidie ọye vwẹ ogangan kẹ wẹ wo vwo fe na; rere ọ vwọ yọnrọn ọphọ rọye ro nene esẹ wẹn re, kirobo rọ epha nonẹ na.

¹⁹O de rhi te, ọ da dianẹ Ọrovwohwo Ọghẹnẹ wẹn chọrọ owẹ ẹro, ro wọ da yan nene ẹdjọ, wọ da ga ayen, ji shiguẹ kẹ ayen, Me vuẹ wẹ nonẹ nẹ wo ghinẹ ghwu.

²⁰Ọtiobo rẹ Ọrovwohwo ru ẹgborho na ghwọrọ vwẹ obaro wẹn na ọtiọye wa je ghwọrọ; fikiridie wa rhọvwe kerhọ rẹ urhuru rẹ Ọrovwohwo Ọghẹnẹ rẹ ovwa-an.