Read urhobo Jọn 14 Bible Online

Jọn 14 - urhobo bible

Jọn 14

¹We jẹn udu bru ovwa-an; se Ọghẹnẹ gbuyota, we ji se vwẹ gbuyota rhe.

²Vwẹ uwevwi rẹ Ọsẹ mẹ ivun buebu herọ; ọ dia ọtiọye-e, me a rha ta kẹ ovwan nẹ me ra rhuẹrẹ asan kẹ ovwan?

³Me da yanran ra rhnẹrẹ asan kẹ ovwan, mi ji rhivwi cha cha reyọ ovwan kẹ oma mẹ, rere asan re me epha ovwan je dia etiyin rhe.

⁴Yẹ ovwan riẹn idjerhe rẹ asan re me ra na.

⁵Tọmọs da ta kẹ, Ọrovwohwo, avwanre riẹn asan re wọ ra na-a; komavọ avwanre sa vwọ riẹn idjerhe na?

⁶Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

⁷Ọ diane kẹ ovwan riẹn vwẹ jovwo, mane yẹ ovwan riẹn Ọsẹ mẹ rhe; kẹ etinẹ yanran ovwan riẹnrẹ yẹ ovwan je mrẹ re.

⁸Filip da ta kẹ, Ọrovwohwo, dje Ọsẹ na kẹ avwanre, rere ọ vwọ vọn avwanre evun.

⁹Jesu da ta kẹ, Ede obo re me vẹ owẹ diarọ krite na, da je wọ riẹn vwẹ Filip? Ọ rọ mrẹ vwẹ nu jọ mrẹ Ọsẹ na re; Komavọ wọ vwọ tanẹ, Djẹ Ọsẹ na kẹ avwanre?

¹⁰Wo rhe segbuyota nẹ me hẹ evun rẹ Ọsẹ na nẹ Ọsẹ na hẹ evun mẹ? Eta na re me ta kẹ wẹ na ọ diẹ ogangan rẹ obọ mẹ me vwọ ta-a; ẹkẹvuọvo Ọsẹ na rọ dia evun mẹ na ọye ru iruo na.

¹¹Se vwe gbuyota nẹ me hẹ evun rẹ Ọsẹ na nẹ Ọsẹ na je hẹ evun mẹ; eyẹ gbe se vwe gbuyota fiki rẹ iruo na.

¹²Uyota, uyota, me ta kẹ owẹ, ọ ro se vwe gbuyota o ji che ru iruo nana ri mi ruẹ na rhe; iruo re rhonọ enana eye o che ru, fikiridie mi bru Ọsẹ mẹ ra.

¹³Emu kemu rẹ ovwan nọre vwẹ odẹ mẹ, mi se ruo, rere a vwọ vwẹ urinrin kẹ Ọsẹ na vwẹ oma rẹ Ọmọ na.

¹⁴Ovwan da nọ kemu kemu vwẹ odẹ mẹ, mi se ruo.

¹⁵Ovwan da guọnọ ovwẹ, ovwan gba sẹro rẹ irhi mẹ.

¹⁶Ke me rẹ Ọsẹ na, kọ vwẹ Obruche ọfa kẹ ovwan, rọ vẹ ovwan gbe dia bẹdẹ,

¹⁷mrẹmrẹ kọye hẹ Erhi rẹ uyota na, rẹ akpọ na sa reyọ na-a, fikiridie ọ mrẹ rẹ-ẹ eyẹ ọ je riẹ-ẹn; ovwan riẹnrẹ kidie ọ vẹ ovwan gba dia, kọ je dia evun rẹ ovwan.

¹⁸Mi se jẹ ovwan ọvo vwo sogono-o; mi che bru ovwan rhe.

¹⁹Chekọ ọmọke emerha, akpọ na gbe cha mrẹ vwẹ ọfa-a, ẹkẹvuọvo yẹ ovwan cha mrẹ vwẹ; fikiridie me herọ na, ovwan ke je dia rhe.

²⁰Vwẹ ẹdẹ yena kẹ ovwan riẹn nẹ me hẹ evun rẹ Ọsẹ na, yẹ ovwan hẹ evun mẹ, ye me hẹ evun rẹ ovwan.

²¹Ohwo rọ yọnrọn irhi mẹ rọ da sẹro rẹ ayen, oyẹ hẹ ohwo rọ guọnọ ovwẹ; ohwo rọ guọnọ ovwẹ Ọsẹ mẹ kọ guọnọ, ke me guọnọ ke me vwẹ oma mẹ phia kẹ.

²²Judas, ọ dia ọ re se Iskariọt na-a! da ta kẹ, Ọrovwohwo, komavọ ọ epha ru wọ vwọ vwẹ oma wẹn phia kẹ avwanre, rọ gbe rha dia akpọ na-a?

²³Jesu da kpahe kẹ, Ọ da dianẹ ohwo guọnọ ovwẹ, ko sẹro rẹ ota mẹ, Ọsẹ mẹ kọ guọnọ avwanre ki bro rhe avwanre vẹ ọye ke gba dia uwevwi.

²⁴Ọ rọ guọnọ ovwẹ-ẹ yo sẹro rẹ eta mẹ-ẹ; ota na re ovwan nyo na ọ dia ọmẹ-ẹ ẹkẹvuọvo ọ rẹ Ọsẹ na ro ji vwe rhe na.

²⁵Imu nana me ta ke ovwan, re me vẹ ovwan vwọ je herọ na.

²⁶Ẹkẹvuọvo Obruche na, Erhi Ọfuanfon na, rẹ Ọsẹ na che ji rhe vwẹ odẹ mẹ na, ko chẹ yono ovwan emu ejobi, kọ cha karohọ ovwan emu ejobi re me ta kẹ ovwan.

²⁷Ufuoma mi jovwo kẹ ovwan; ufuoma mẹ me vwọ kẹ ovwan; ọ dia obo rẹ akpọ kẹ me kẹ ovwan na-a. We jẹn udu bru ovwa-an, eyẹ we jẹn oshọ mu ovwa-an.

²⁸Wẹ nyo obo re me ta kẹ ovwan, me yanran, mi ji che bru ovwan rhe. Wọ da guọnọ ovwẹ, mane kẹ ovwan a ghọghọ, fikiridie mi bru Ọsẹ na ra; kidiẹ Ọsẹ na rhonọ ovwẹ.

²⁹Asakiephana me ta kẹ ovwan tavwe rọ ke rhe phia, rere ọke rọ da phia, ovwan vwo se gbuyota.

³⁰Mi gbi che nene ovwan ta ota buebu ọfa-a, kidie osun rẹ akpọ nana cha re. O vwo ogangan vwẹ enu mẹ-ẹ.

³¹Mi ruẹ kirobo rẹ Ọsẹ na ji urhi kẹ vwẹ, rere akpọ na vwọ sa riẹn nẹ me guọnọ Ọsẹ na. Evrẹn, e jẹn a yanran.