Read urhobo Jọn 4 Bible Online

Jọn 4 - urhobo bible

Jọn 4

¹Asakiephana rẹ Ọrovwohwo vwọ riẹn nẹ Farisi nyori nẹ Jesu vwo idibo buebu nẹ ọ je vwẹ ame kẹ ihwo bu nọ Jọn,

²(dede na Jesu vwẹ obọ rọye vwẹ ame kẹ ihwo-o, ẹkẹvuọvo idibo rọye ọvo),

³o de vrẹn nẹ Judia ọ da rhoma kpo Galili.

⁵Ọtioye na o de rhi te orere ri Sameria ọvo, re se Saka, rọ kẹrẹ udju ri Jekọp vwọ kẹ ọmọ rọye Josẹf.

⁶Orhare ri Jekọp hẹ etiyin, ọtiọye re, rẹ oma vwọ ghwọrọ Jesu vwẹ oyan na re, o de tidia akakọ rẹ orhare na. Yẹ ọke na te unọke esan re.

⁷Etiyin aye ri Sameria ọvo de rhi vo ame. Jesu da ta kẹ, Kẹ vwẹ ame da.

⁸Kidie idibo rọye yanran kpo obo orere na ra dẹ emuọre.

⁹Aye ri Sameria na da ta kẹ, Mavọ ọ epha re o wẹ, ohwo ri Ju, vwọ nọ ekpẹn rẹ ame ra da, vwẹ obọ mẹ aye ri Sameria? Kidie ihwo ri Ju vẹ ihwo rẹ Sameria na gba-a.

¹⁰Jesu da kpahe kẹ, Ọ da dianẹ wo riẹn ẹse rẹ Ọghẹnẹ, wo de rhe vughe ohwo rọ ta ota kẹ wẹ nẹ, Kẹ vwẹ ame da na, ku wa rhoma nọ ekpẹn rẹ ame rẹ arhọ, ka vwọ kẹ wẹ.

¹¹Aye na da ta kẹ, Ọga, wo vwo emu wo vwo vo-o, yẹ orhare na okokodo; ki tivọ wo de vwo ame rẹ arhọ yena?

¹²Wọ rhonọ Jekọp rẹ ọsẹ rẹ avwanre, rọ vwẹ orhare na kẹ avwanre, rẹ ekpuyovwi rọye da je da vwọ, kugbe emọ rọye, kugbe uchuru rọye?

¹³Jesu da ta kẹ, Kohwo kohwo rọ da ame nana nu urhuru rẹ ame ji che hwe vwẹ obọ,

¹⁴ẹkẹvuọvo kohwo kohwo rọ da ame re me cha vwọ kẹ na urhuru rẹ ame gbi che hwe ọfa-a; ame re me cha vwọ kẹ na ko che hirhe phihọ ogbugbu rẹ ame ro duvwẹ cha re te arhọ ro vwo oba-a.

¹⁵Aye na da ta kẹ, Ọga, kẹ vwẹ ame nana, rere urhuru rẹ ame vwo jẹ uvwe ehwe, eyẹ jẹ ame evo vwẹ etinẹ.

¹⁶Jesu da ta kẹ, Yanran, re se ọshare wẹn, rere wọ rhe.

¹⁷Ayen da kpahe kẹ, mi vwo ọshare-e. Jesu da ta kẹ, Wo riẹn ta ru wọ vwọ tanẹ, mi vwo ọshare-e;

¹⁸Kidie eshare iyori wọ rọvwọ re, ọ ru wọ vẹ ọye gba herọ na dia ọshare wẹ-ẹn; ọnana uyota wọ tare na.

¹⁹Aye na da ta kẹ, Ọga, mi rori nẹ wọwẹ ọmraro.

²⁰Esẹ rẹ avwanre gọre vwẹ ugbenu nana; wọ tare nẹ Jerusalẹm hẹ asan rẹ ihwo a da gọ,

²¹Jesu da ta kẹ, Aye, se vwe gbuyota, ọke cha re de jẹ ugbenu nana eyẹ Jerusalẹm a da ga Ọsẹ na.

²²Wọ ga obo wo jẹ riẹn, avwanre ga obo rẹ avwanre riẹnre, kidie esivwo vwenẹ obọ ri Ju o nurhe.

²³Ẹkẹvuọvo ọke cha, ọ rhe nure, rẹ ọ gegagọ rẹ uyota na da gọ Ọsẹ na vwẹ erhi vẹ uyota, kidie ọtiọye Ọsẹ na guọnọre nẹ a ga ọye.

²⁴Ọghẹnẹ hẹ erhi, otu re ga me ga vwẹ erhi vẹ uyota.

²⁵Aye na da ta kẹ, Me riẹnre nẹ Mesaya cha (ọ re se Kristi); ọke rọ da rhe, ko dje emu na ejobi kẹ avwanre.

²⁶Jesu da ta kẹ, mẹvwẹ ro ta ota kẹ wẹ na mẹvwẹ hẹ ọye.

²⁷Vwẹ ọke yena idibo rọye da rhe. O de gbe ayen unu rọ vẹ aye na vwọ ta ota, ẹkẹvuọvo ọvuọvo rọ tare nẹ, Die wọ guọnọ? eyẹ, Die wọ vẹ aye na vwọ ta ota?

²⁸Ọtioye na aye na da yan jẹ ochẹ rẹ ame rọye vwo, ọ da yanran kpo obo orere, ọ da ta kẹ ihwo na,

²⁹Yanrhe, wa rhe mrẹ ohwo rọ ta obo ri mi ruru ejobi rhabae kẹ vwẹ. Ọna sa dia Kristi vwẹ etiyin na?

³⁰Ayen de tue nẹ orere na rhe kẹ ayen bro cha.

³¹Vwẹ umuvwre rẹ ọke yena idibo rọye ke rẹ, tanẹ, Rabbi, re emu.

³²Ẹkẹvuọvo ọ da kẹ ayen, Mi vwo emu re me ria rẹ ovwan riẹnre-e.

³³Ọtiọye na idibo na da ta kẹ ohwohwo, Kẹ ohwo vwẹ emu kẹ re?

³⁴Jesu da ta kẹ ayen, Emu mẹ vwenẹ hẹ eruo rẹ ọhọre rẹ ọ ro ji vwe rhe, re mi vwo ru iruo rọye re.

³⁵Ọ dia ovwan tare nẹ, Emeranvwe ẹne ri chekọ, tavwe rẹ orhọ ki te? Me ta kẹ owẹ, kpare ẹro kpenu, rẹ wo ni obo rẹ idju na ejobi ghwo te orhọ nure.

³⁶Ọ ro vuẹ ghwe vwo osa, ọ ghwẹ emamọ koko hẹrhẹ arhọ ri bẹdẹ, ọtiọye na te ọ rọ kọn te ọ ro vuẹ vwọ sa ghọghọ kugbe.

³⁷Kidie kẹ ọna ọta na vwọ sẹ, Ọvo kọn yẹ ọfa vuẹ.

³⁸Mi ji ovwan re vun obo rẹ wa wian phihọ-ọ, efa wianre, erere rẹ owian rayen kọye ovwan ria na.

³⁹Ihwo ri Sameria buebu ri nẹ orere na rhe de se gbuyota fiki rẹ iseri rẹ aye na, Ọ ta kẹ ovwe emu ejobi ri mi ruru rhahae.

⁴⁰Ọtiọye na ọke rẹ ihwo ri Sameria na vwo bro rhe, ayen da rẹ nẹ ọ vẹ ayen dia; ọ vẹ ayen da dia etiyin ẹdẹ ivẹ.

⁴¹Efa buebu de segbuyota fiki rẹ ota rọye.

⁴²Ayen da ta kẹ aye na, Ọ gbe dianẹ fiki rẹ ota wẹn ọvo avwanre vwo segbuyota-a, kidie avwanre vwẹ erhọn rẹ avwanre nyo rhe, avwanre gbine riẹn vwẹ ọ rẹ uyota nẹ ọnana hẹ Osivwi rẹ akpọ na.

⁴³Rẹ ẹdẹ ivẹ vwọ wan nu o de vrẹn kpo Galili.

⁴⁴Kidie Jesu ọvo se oseri nẹ ọbo vwo ọghọ vwẹ orho robọ rọye-e.

⁴⁵Ọtiọye na ro rhi vwo te Galili, ihwo ri Galili de dede, rẹ ayen vwọ mrẹ obo ro ruru vwi Jerusalẹm vwẹ ọke orẹ na, kidie ayen ji kpo orẹ na rhe.

⁴⁶Ọtiọye na o de rhivwi rhe Kana ri Galili, asan rọ da rhẹriẹ ame hẹ udi na. Vwi Kepanọm oruiruo ọvo herọ rẹ ọmọ rọye honvwa.

⁴⁷Ọke ro vwo nyo nẹ Jesu nẹ Judia rhe Galili, ọ da ra ra rẹ nẹ ọ rhe rhi sivwi ọmọ rọye na, kidie o muegbe rẹ ughwu.

⁴⁸Jesu da ta kẹ, Jokpa nẹ wọ mrẹ oka kugbe igbunu-u wo che segbuyota-a.

⁴⁹Osun na da ta kẹ, Ọga, yanrhe re ọmọ mẹ na ki shero.

⁵⁰Jesu da ta kẹ, Yanran, ọmọ wẹn na cha rhọ. Ohwo na de se ota ri Jesu ta kẹ na gbuyota ọ da yanran.

⁵¹Rọ vwọ yanran re, idibo rọye da vwa ayen da ta kẹ nẹ, Ọga rẹ ọmọ na kpori re.

⁵²Ọtiọye ọ da nọ ayen nẹ kẹ unọke vọ oma na vwo yovwẹ cha na, ayen da ta kẹ, Ọdẹ ro kpori na vwẹ unọke ighwrẹ ọye ọga na vwo no oma.

⁵³Ọsẹ na da ghwa riẹn dẹn nẹ ọye hẹ unọke na ri Jesu vwọ ta kẹ nẹ, Ọmọ wẹn na cha rhọ; ekpuyovwi rọye dẹ segbuyota, kugbe evwruwevwi rọye ejobi.

⁵⁴Asakiephana ọnana kọye rha hẹ ọka rivẹ ri Jesu ruru ro vwo nẹ Judia rhe Galili.