Read urhobo 1 Kọrẹnt 10 Bible Online

1 Kọrẹnt 10 - urhobo bible

1 Kọrẹnt 10

¹Imoni mẹ, me guọnọre nẹ ovwan riẹn, nẹ otọ rẹ egho esẹ rẹ avwanre ejobi diare, ayen ejobi da wan abadi na vrẹn,

²a da vwẹ ame kẹ ayen ejobi nene urhi ri Mosis vwẹ evun rẹ egho kugbe evun rẹ abadi na,

³ayen ejobi da re emu re erhi,

⁴ayen ejobi da je da ame rẹ erhi. Kidie ayen da ame re erhi rẹ Oragha ro nene ayen na, Oragha na kọye hẹ Kristi.

⁵Dede na ivun rẹ ayen buebu miovwẹ Ọghẹnẹ; kidie e gere ayen she vwẹ evun rẹ aghwa.

⁶Asakiephana imu nana a tanẹ avwanre kẹnoma kẹ, nẹ avwanre rhe nenesi rẹ emu ọbrabra kirobọ rẹ ayen ruru-u.

⁷Ovwan rha dia egedjọ kirobo rẹ evo rẹ ayen ruru-u; kirobo re siro, Ihwo na tidia te otọ re ria re da ayen de vrẹn ki gbe eha.

⁸Avwanre gbi gbe ọfanrhiẹ kirobo rẹ evo rẹ ayen gberi-i, rẹ uriori uje gbẹ erha vwo she ghwu ẹdọke.

⁹Avwanre gbe davwe Ọrovwohwo nẹ-ẹ, kirobo rẹ evo rẹ ayen ruru rẹ eredekọ vwọ rhovwọ ayen hwe;

¹⁰eyẹ e guẹ-ẹ, kirobo rẹ evo rẹ ayen ruru rẹ oghwọrọ vwọ ghwọrọ ayen.

¹¹Asakiephana imu nana phiare rere avwanre vwọ kẹnoma, ẹkẹvuọvo e si ayen phihọ otọ rere e dia uyono kẹ avwanre, avwanre rẹ oba rẹ oge nana bru rhe.

¹²Fiki rẹ ọtiọye na e jẹn ohwo kohwo ro rori nẹ ọye mudia kẹnoma re o vwo je she.

¹³O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.

¹⁴Fiki rẹ ọtiọye na, imoni mẹ, sioma nẹ edjọ ẹgọ.

¹⁵Me ta ota nana kẹ ihwo ri vwo ọhọ; ovwan ọvo roro obo re me tare na.

¹⁶Uko rẹ ebruba na rẹ avwanre nẹ ẹrhovwo phihọ na, ọ dia ọdakugbe vwẹ evun rẹ ọbara ri Kristi? Ikara rẹ avwanre bruru na, ọ dia ọrekugbe vwẹ evun rẹ oma ri Kristi?

¹⁷Fikiridie ikara ọvuọvo herọ, yẹ avwanre re epha buebu na ugboma ọvo, kidie ikara ọvo na avwanre ejobi ria.

¹⁸Gbe roro irueru rẹ ihwo rẹ Izrẹl; ayen otu re ria emu rẹ iye na vẹ ẹshẹ na rha dia oma ọvo?

¹⁹Kidie me vwẹ oyena ta vwo? Nẹ emu ra vwọ gọ iye kẹ emuọvo, yẹrẹ oma kẹ emuọvo?

²⁰Ẹjo, obo re me ta na kẹ ọna nẹ iye rẹ ihwo ri Keferi gọ na idẹbono ayen gọ ọ dia Ọghẹnẹ-ẹ. Me guọnọre nẹ ovwan vẹ idẹbono dia oma ọvo-o.

²¹Ovwan sa da uko re Ọrovwohwo vẹ uko rẹ idẹbono kugbe-e. Wọ sa re vwẹ imẹjẹ rẹ Ọrovwohwo kugbe imẹjẹ rẹ idẹbono-o.

²²Kẹ avwanre kpare ophu rẹ Ọrovwohwo rere ọ rioma? Avwanre gan oma nọ?

²³Emu na ejobi wan urhi, ẹkẹvuọvo emu na ejobi fori-i. Emu na ejobi wan urhi, ẹkẹvuọvo emu na sa vwẹ ẹruọ kẹ ohwo-o.

²⁴E jẹn ohwo ọvuọvo guọnọ erhuvwu rẹ oma rọye-e, ẹkẹvuọvo erhuvwu rẹ ọrivẹ rọye.

²⁵Re eranvwe keranvwe ra shẹre vwẹ evun rẹ eki fiki rẹ eroro wọ nọ enanọ kpahọ-ọ.

²⁶Kidie akpọ na ọ rẹ Ọrovwohwo kugbe obo re hẹ evun rọye.

²⁷Ọ da dianẹ ọvo vwẹ ihwo ri je segbuyota na se we nẹ wọ rhe re emu o de wewe nẹ wọ ra, re kemu kemu re mu kẹ wẹ vwi fiki rẹ eroro wọ nọ enanọ kpahọ-ọ.

²⁸Ẹkẹvuọvo ohwo ọvo da ta kẹ owẹ nẹ, A vwẹ ọnana gọ iye, fiki rẹ eroro kẹ ohwo rọ vnẹ wẹ na jovwo —

²⁹fiki rẹ udu rọye me tare, ọ dia udu wẹ-ẹn — wọ rha ria-a. Die sorọ rẹ egbemọphẹ ri mi vwori rha dia obo rẹ ohwo ọfa wrẹn kpahe?

³⁰Ọ da dianẹ me rerọ vẹ ẹkpẹvwẹ, die a rha vwọ bọphiẹ ovwẹ kpahe obo re me kpẹvwẹ phihọ nu?

³¹Ọtiọye na, owenẹ wọ rere eyẹ wọ dare, eyẹ kemu kemu wo ruru, ru ayen ejobi vwọ kẹ urinrin rẹ Ọghẹnẹ.

³²Wọ sua eshe kẹ ihwo ri Ju eyẹ ihwo ri Grik eyẹ vwọ kẹ ishọshi rẹ Ọghẹnẹ-ẹ.

³³Ọtiobo re me pharha ri mi vwo je ihwo ejobi vwi kemu kemu ri mi ruẹ na, ọ dianẹ kẹ erhuvwu mẹ me guọnọ-ọ, ẹkẹuọvo ọ rẹ ihwo buebu, rere e vwo se sivwi ayen.