Read urhobo 2 Kọrẹnt 7 Bible Online

2 Kọrẹnt 7 - urhobo bible

2 Kọrẹnt 7

¹Imoni re ghare, rẹ avwanre vwo vwo ivẹ nana nure na, e gbe jẹn avwanre họ oma rẹ avwanre nẹ ẹgua rẹ ugboma vẹ erhi, re ru ẹfuọn gba vwẹ oshọẹdjẹ rẹ Ọghẹnẹ.

²Rhie udu rẹ ovwan phihọ kẹ avwanre; avwanre ru ohwo ọvuọvo chọ-ọ, avwanre miovwo ohwo ọvuọvo-o, avwanre re erere rẹ ohwo ọvuọvo-o.

³Me ta ọnana vwo bruhwe ovwa-an, kidie me tarọ jovwo nẹ ovwan hẹ evun rẹ udu rẹ avwanre, re vwo ghwu kugbe je vwo rhọ kugbe.

⁴Me vwẹ ẹro so ovwan; me vwẹ ovwan vwọ yan eyan; me vọnre vẹ uchebro. Vwẹ evun rẹ ukpokpogho rẹ avwanre, yẹ oma ghwa vwerha ovwẹ hwe.

⁵Kidie rẹ avwanre vwo te Masidonia, oma fu avwanre-e ẹkẹvuọvo ukpokpogho vwi kabọ kabọ — ohọnre vwẹ otafe kugbe oshọ vwẹ obo evun.

⁶Ẹkẹvuọvo Ọghẹnẹ, ro brẹ otu re chiyi muotọ uche, ọ da vwẹ ẹcha ri Taitọs bru avwanre uche,

⁷ọ dia ẹcha rọye ọvo-o ẹkẹvuọvo ji kugbe uchebro ro bru avwanre fiki rẹ ovwan, ro vwo gbe kẹ avwanre obo rẹ urhuru rẹ avwanre si ovwan tẹ, omaemuohọ rẹ ovwan, oruru rọ hẹ udu rẹ ovwan kpahe ovwẹ, ọtiọye na ke me ghọghọ phihọ.

⁸Kidie ọ da tobọ dianẹ ọbe mẹ na nẹrhẹ ivun miovwi ovwan, ọ ghwa da vwẹ-ẹ (dede na ọ da vwẹ), kidie me mrẹre nẹ ọbe na miovwi ovwan ivun, dede na yẹ ọmọke krẹ.

⁹Kirobo rọ epha na, me ghọghọre, ọ dianẹ ki fiki rẹ ivun ro miovwi ovwa-an, ẹkẹvuọvo fiki robo rẹ ivun emiovwo na vwọ nẹrhẹ ovwan kurhẹriẹ; kidie omamọ rẹ ivun ri miovwi ovwan, vwẹ ọtiọye na o rhe jẹ ọ rẹ ovwan ghwru vwẹ oma rẹ avwanre-e.

¹⁰Kidie omamọ rẹ ivun emiovwo nẹrhẹ ekuẹrhẹriẹ kọye ri suẹn ohwo kpo esivwo o rhe vwo ọdavwẹ-ẹ, ẹkẹvuọvo ivun emiovwo rẹ akpọ nana ghwa ughwu cha.

¹¹Nighe ẹnwan rẹ omamọ rẹ ivun emiovwo na nẹrhẹ ovwan rhọ, didi ẹroerhe ro nẹ ovwan oma, didi ophu, didi o mukperi, didi urhuru esio, didi oruru, didi ehwe! Ovwan reabe vwẹ idjerhe kidjerhe vwẹ ota nana-a.

¹²Ọtiọye na dede nẹ mi siọbe rhe ovwan jovwo na ọ ghwa dia fiki rẹ ohwo ro ruchọ na-a, eyẹ fiki re ohwo re gbe ku-u, ẹkẹvuọvo rere a vwọ sa vwẹ oruru rẹ ovwan phia vwẹ obaro rẹ Ọghẹnẹ.

¹³Fiki rẹ ọtiọye na kọ vwẹ uchebro kẹ avwanre. Vwọ ba uchebrọ rẹ avwanre na oma je vwerhe avwanre vwẹ aghọghọ ri Taitọs, fikiridie ovwan ejobi nẹrhẹ oma fu udu rọye.

¹⁴Kidie ọ da dianẹ me vwẹ ovwan yoma ke, oma rha vo ovwẹ-ẹ, ẹkẹvuọvo kirobo rẹ emu kemu re avwanre ta kẹ ovwan vwọ dia uyota na, ọtiọye rhe eyan rẹ avwanre yan kẹ Taitọs je dia uyota.

¹⁵Iroro rọye ejobi kẹ ovwan ọ epha, rọ da karohọ ọghọ rẹ ovwan ejobi vwori, kugbe ọshọ vẹ ophariẹ ovwan vwo dede.

¹⁶Me ghọghọre, fikiridie me vwẹ ẹro so ovwan gangan.