Read urhobo Galesha 6 Bible Online

Galesha 6 - urhobo bible

Galesha 6

¹Imoni, ohwo ru umwemwu, ovwan re herọ vwẹ evun rẹ Erhi na me vwẹ erhi dẹndẹn vwọ reyọ rhe. Ni oma wẹn te, ọ dia ọtiọye-e a da rha davwe owẹ ni.

²Ohwohwo mu oghwa rẹ ohwohwo, kọye we se vwo ru urhi ri Kristi gba.

³Kidie ohwo de roro oma rọye rhuarho, yo te emuọvo-o, yọ phiẹn omobọ rọye.

⁴Ẹkẹvuọvo e jẹn dohwo diruo rọye davwini, kọ mrẹ obo rọ vwọ yeyan kẹ omobọ rọye ọvo ọ gbe dia ọrivẹ rọye-e.

⁵Kidie, dohwo doghwa rọye gba cha ghwa.

⁶Ihwo re yono ota na mi ji rhie evu kẹ oyono na, vwọ ghare vwẹ emu rẹ erhuvwu ejobi.

⁷Wo ja phiẹn wẹ-ẹ, a vwẹ Ọghẹnẹ jehwẹ-ẹ, kidie okankọn kẹ okankọn rẹ ohwo kọnre, ọye o ji che vun rhe.

⁸Kidie, ohwo rọ kọn kẹ ugboma rọye ọ je cha dia evun rẹ ugboma de vun ughwu; ẹkẹvuọvo ohwo rọ kọn kẹ Erhi na vwẹ oma rẹ Erhi o de vun arhọ ri bẹdẹ.

⁹E jẹn oma rẹ iruo esiri rhọ avwanre-e, kidie vwẹ ọmọke wobọ avwanre che vun, ọ da dianẹ. uvwerhi gbe ro avwanre-e.

¹⁰Vwẹ ọtiọye na rẹ avwanre mrẹ obọ na, e jẹn avwanre ru emu esiri kẹ ihwo ejobi, marho, kẹ ayen otu re hẹ evwruwevwi rẹ esegbuyota na.

¹¹Wa mrẹ ọbe rode nana re me vwẹ obọ mẹ si rhe ovwan na.

¹²Ayen otu re guọnọre nẹ e ni ayen rhuarho vwẹ ugboma, ihwo yena re tua ovwan muotọ nẹ ovwan yanvwe na, rere e vwo jẹ ayen hẹ ekpokpogho fiki rẹ agbagba ri Kristi na.

¹³Kidie ekpuyovwi rẹ ayen otu re yanvwere na dede je sa yọnre urhi na-a, ẹkẹvuọvo ayen guọnọre nẹ ovwan yanvwe rere ayen vwọ vwo ejiro vwẹ ugboma wẹn.

¹⁴Ẹkẹvuọvo me guọnọ ejiro kaka-a jokpa nẹ vwẹ evun rẹ agbagba rẹ Ọrovwavwanre Jesu Kristi na, rọ nẹrhẹ a kanre akpọ na mu agbagba kẹ vwẹ na, a da rha kanre ovwẹ mu agbagba kẹ akpọ na.

¹⁵Kidie oyanvwe vẹ ijẹyanvwọ fi emuọvo-o, ẹkẹvuọvo evwiẹ ọkpokpọ.

¹⁶Ufuoma kugbe arodọvwẹ dia kẹ ayen ejobi re yan nene urhi nana, vwẹ enu rẹ Izrẹl rẹ Ọghẹnẹ.

¹⁷Nẹ etinẹ ara re e gbi jẹ ohwo ọvuọvo kpokpo uvwe-e; kidie apa ri Jesu mu vwẹ oma mẹ.

¹⁸Imoni, ẹserọphẹ ri Jesu Kristi Ọrovwavwanre nene erhi rẹ ovwan dia. Isẹ.