Read urhobo Kolose 2 Bible Online

Kolose 2 - urhobo bible

Kolose 2

¹Kidie me guọnọre nẹ ovwan riẹn obo re me pharhe kẹ ovwan te, kugbe ihwo ri Laodisha, kugbe ihwo efa buebu re je mrẹ opharo mẹ dẹvo-o,

²rere e vwo se bru ẹnwẹn rayen uche rere ayen vwọ gba oma rẹ ayen koko vwẹ evun rẹ ẹguọnọ kugbe erianriẹn rẹ ota rọye, rere ayen vwo vughe igbunu rẹ Ọghẹnẹ vwẹ oma ri Kristi.

³Ohwo rẹ aghwanre kugbe erianriẹn ejobi gbare vwẹ obọ rọye.

⁴Me ta ọnana rere ohwo kohwo vwo jẹ ovwan ẹphiẹn ghwro.

⁵Kidie owenẹ ovwan jẹ uvwe ẹmrẹ vwẹ ugboma dede, ye me vẹ ovwan herọ vwẹ obo erhi, oma ko vwerhe ovwẹ rẹ me da mrẹ obo rẹ ovwan sẹro rẹ oma te, kugbe obo rẹ ovwan mudia gan te vwẹ esegbuyota ri Kristi na.

⁶Kirobo rẹ ovwan reyọ Jesu Kristi Ọrovwohwo na ovwan yan nene ọtiọye.

⁷Rere te erianriẹn rẹ ovwan te esegbnyota rẹ ovwan ejobi vwọ ghwotọ kokoroko, kirobo re yono ovwan, rere ovwan mia vwẹ ẹkpẹvwẹ kẹ.

⁸Ovwan jomaotọ rere ihwo vwo je ovwan ẹphiẹn fiki rẹ erianriẹn vẹ uyono rẹ efian rayen, kugbe uruemu rẹ awanre rẹ ayen yọnra vẹ ebaghẹrẹ rẹ akpọ nana, ri shephihọ urhi ri Kristi-i.

⁹Kidie vwẹ evun rọye ọvonvọ rẹ Ọghẹnẹ ejobi da gba.

¹⁰Kọye rha vọn ro avwanre oma, ọye hẹ uyovwi rẹ isuesun ejobi kugbe ogangan ejobi.

¹¹Oma rọye ovwan wan yanvwe ọ dia oyanvwe rẹ ugboma ra vwẹ obọ ru-u, rẹ ovwan vwo phi oma rẹ imwemwu rẹ ovwan phihọ oyanvwe ri Kristi;

¹²e di shi ovwan kugbe vwẹ evun rẹ ame-ereyọ, kọye a vwọ rhoma kpare ovwan vrẹn vwẹ esegbuyota, vwẹ oma rẹ Ọghẹnẹ rọ kpaerọ vrẹn nẹ ughwu na.

¹³Ovwan, ri rhe ghwu fiki rẹ imwemwu kugbe ijẹyanvwọ rẹ ugboma rẹ ovwan jovwo na, Ọghẹnẹ kọ je vwẹ ovwan boma vrẹn fikiridie ọ vwo ghovwo ovwan nure.

¹⁴Ro vwo phoro irhi re si kpahe ovwan uyovwi re vẹ oma rẹ avwanre shephihọ-ọ na, o de si ayen nẹ idjerhe rẹ avwanre, ọ da ra kanre ayen mu agbagba.

¹⁵Ọ da rhahọ rẹ ihwo ride vẹ ogangan na ejobi nẹ ovwan oma ọ da rhe phọphọ otu ri hwere na, ro vwo vrẹn nẹ ughwu nu.

¹⁶We gbi jẹ ohwo vwẹ uvwo rẹ eranvwe wariẹ ovwa-an, eyẹ udi-i eyẹ fiki rẹ edorẹ rẹ otuphro rẹ meranvwe eyẹ ẹdẹ rẹ urovwoma-a.

¹⁷Enana ejobi na uhoho rẹ obo re cha vwẹ obaro; ẹkẹvuọvuo oma na ọ ri Kristi.

¹⁸We jẹ ohwo ọvuọvo brorhiẹ hwe ovwan vwẹ ota rẹ omaevwokpoto ofefe-e, kugbe emakashe ra ga-a, rere wa davwerhon rẹ ihwo ifefe ri mu oma kpenu-u,

¹⁹ri gbobonyẹ uyovwi na rẹ ayen yọnre gan, ohwo rọ tan oma na ejobi kugbe, rọ ghẹrẹ oma kugbe erhọn na ejobi, e me rho ọrho ro nẹ obọ rẹ Ọghẹnẹ rhe.

²⁰Ọ da dianẹ ovwan vi Jesu ghine ghwu nẹ erharhe eravwọ rẹ akpọ nana, die rha suọ, rẹ ovwan rhe vwo mu ọghọ kẹ irhi ifefe, kerẹsiẹ rẹ ovwan da rhoma hẹ akpọ na.

²¹Wọ yọnra-an, wo davwa-an, wọ vwẹ obọ te-e.

²²E de ru eravwọ etienana nu e ji ghwẹ kerẹ irhi vẹ iji rẹ ihwo rẹ akpọ

²³Irhi nana, e di ni ayen vwẹ obo uphẹphẹ vẹ aghwanre, ra da vwẹ oma kpotọ kẹ ayen; oja nana ejobi ra vwo ria oma na, fi erere ọvuọvo-o.