Read urhobo 2 Timoti 1 Bible Online

2 Timoti 1 - urhobo bible

2 Timoti 1

¹Mẹvwẹ Pọl, ọymkọn ri Ktisti Jesu vwẹ ọhọre rẹ Ọghẹnẹ kirobo rẹ ive rẹ arhọ rọ herọ vwe evun ri Kristi Jesu epha,

²Ri si ọnana rhe Timoti, ọmọ mẹ rọ ghare. Ẹserọphe, arodọvwẹ, kugbe ufuoma ro nẹ obọ rẹ Ọghẹnẹ Ọsẹ na rhe kugbe Kristi Jesu Ọrovwavwanre.

³Me kpẹvwẹ Ọghẹnẹ re me vwẹ evun mẹ ejobi ga, kirobo rẹ esẹ mẹ ruru, re me da karohọ owẹ kọke kọke vwẹ ẹrhovwo mẹ.

⁴Me da karohọ oviẹ wẹn, urhuru wẹn ko si vwe te ason te uvo re me vwọ mrẹ wẹ, rere omavwerhe mẹ vwọ vọn.

⁵A karohọ ovwẹ omamọ rẹ esegbuyota ru wo vwori, eseghuyota ro rhe oni wẹn rode Lọis kugbe Yunaisi oni wẹn rẹ orere, o mu vwe ẹro asakiephana nẹ wo ji miere esegbuyota rayen.

⁶Koye me vwọ karohọ owẹ rere wọ rhiọ okẹ rẹ Ọghẹnẹ na rọ hẹ evun wẹ na fiki rẹ abọ ra ghwẹ kpahe owẹ nyovwi na.

⁷Kidie Ọghẹnẹ kẹ avwanre erhi ri rhurhu-u ẹkẹvuọvo erhi rẹ ogangan kugbe ẹguọnọ kugbe omaẹnyẹ.

⁸Wo jẹ oma rẹ iseri ru wo se kẹ Ọrovwavwanre na vo owẹ-ẹ, eyẹ mẹvwẹ rọ hẹ uwodi na-a, ẹkẹvuọvo gba re ẹkẹn oja wẹn fiki rẹ iyẹnrẹ esiri na vwẹ ogangan rẹ Ọghẹnẹ,

⁹ro sivwi avwanre ro se avwanre rhe use ọfuanfon rọye, ọ dianẹ ki fiki rẹ iruo rẹ avwanre-e ẹkẹvuọvo kirobo rẹ uruemu vẹ ẹserọphẹ rọye epha rọ vwọ kẹ avwanre vwẹ ọma ri Krisfi Jesu rhahae rhe,

¹⁰asakiephana kọ vwe rọ phia vwẹ oma rẹ ẹcha rẹ Ọsivwi rẹ avwanre Kristi Jesu, rọ guọghọ ogangan rẹ ughwu nu ọ da kẹ avwanre urhukpẹ rẹ arhọ vẹ ijeghwo fiki rẹ iyẹnrẹ esiri na.

¹¹Fiki rẹ iyẹnrẹ esiri na kọye a vwọ vwẹ ovwẹ mu aghwoghwo kugbe ọyinkọn kugbe uyono,

¹²fiki rẹ ọye ọvo na me vwọ reoja kirobo re me ria na. Ẹkẹvnọvo oma vo ovwẹ-ẹ, kidie me riẹn ohwo ri mi segbuyota yo ji mu vwe ẹro nẹ ọ je sa sẹro rẹ obo rọ vwọ kẹ vwẹ yọnre na re te Edẹ na.

¹³Yọnre omamọ rẹ nyọno na rn wo yono mie vwe na, vwẹ esegbuyota kugbe ẹguọnọ rọ herọ vwẹ evun ri Kristi Jesu;

¹⁴sẹro rẹ uyota na rẹ Erhi Ọfuanfon na vwọ kẹ wẹ yọnre na rọ dia evun rẹ avwanre na.

¹⁵Wọ riẹnre jovwo nẹ ihwo na ejobi re he Esha djẹ jẹ uvwe vwo, ohri rẹ ayen ọye Figelọs kugbe Hẹmojẹnis epha.

¹⁶Ọrovwohwo ni arodọvwẹ rẹ evwruwevwi rẹ Ọnisforọs, kidie kọke kọke ọ vwọ sasa ovwẹ oma; oma rẹ igoni ra vwọ kanre ovwẹ na vorọ-ọ,

¹⁷ẹkẹvuọvo ọke ro vwo te Rom ọ da guọnọ ovwẹ gangan ọ da mrẹ ovwẹ —

¹⁸e jẹn Ọrovwohwo rhọvwe kẹ rere ọ sa mrẹ arodọvwẹ vwẹ obọ rẹ Ọrovwohwo vwẹ Edẹ yena — ovwan je riẹn ẹga ejobi rọ ganre vwẹ obo Efesọs: