Read urhobo Taitọs 3 Bible Online

Taitọs 3 - urhobo bible

Taitọs 3

¹Karophihọ ihwo na nẹ ayen vwẹ oma kpotọ kẹ ayen otu ri suẹn ihwo, kugbe ihwo ride ri vwo ogangan, re mu ọghọ kẹ ayen, rere kiruo kiruo rẹ ayen guọnọre ejobi e ru kẹ ayen yoyovwi.

²Wa ta ota omiomiovwi kpahe ohwo ọvuọvo-o, we sivwi oseghe-e, ru dẹndẹn, vwẹ oma kpotọ kẹ kohwo kohwo.

³Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

⁴Ẹkẹvuọvo ọke rẹ arodọvwẹ rẹ erhuvwu kugbe ẹguọnọ rẹ Ọghẹnẹ Ọsivwi rẹ avwanre vwọ phiare,

⁵o de sivwi avwanre, ọ diane ki fiki rẹ iruo rẹ ọvwata rẹ avwanre ruru-u, ẹkẹvuọvo fiki rẹ ehrọre rọye, rọ vwọ hworhẹ, rhuẹrẹ avwanre vwiẹ ru avwanre ọkpokpọ vwẹ evun rẹ Erhi Ọfuanfon na.

⁶Ọ ro ku kuẹ avwanre buebu, vwẹ oma ri Jesu Kristi Ọsivwi rẹ avwanre;

⁷rere ọke rẹ ẹserọphẹ rọye de brorhiẹ kẹ avwanre nu, avwanre sa vwọ reuku rẹ iphiẹrohọ rẹ arhọ ri bẹdẹ.

⁸Ota na muẹro. Me guọnọre nẹ wọ nabọ yọnre ayen gangan, rere otu ri vwo esegbuyota kpahe Ọghẹnẹ, vwọ ka obaro vwẹ uruemu esiri. Ọ dianẹ kẹ erhuvwu rẹ oma rọye ọvo-o, ẹkẹvuọvo fiki rẹ erhuvwu rẹ ihwo rẹ akpọ.

⁹Kẹnoma kẹ aphro rẹ ẹkpa, vẹ ikun rẹ awanre, kugbe ohọnre ra vwọ guọghọ urhi; fikiridie ifefe, i fi erere ọvuọvo-o.

¹⁰Ohwo rọ ghwa ohra cha asan, wo de bruche obọvo eyẹ abọivẹ nure, wọ me kẹnoma kẹ.

¹¹Kirobo wọ riẹnre nẹ ohwo ọtiọye kẹ ughwru ọ epha kugbe ohwo rẹ umwemwu robọ rọye bruhwe.

¹²Ọke ri mi de ji Atemas eyẹ Taikikọs bru uwe rhe, wọ vẹ ọye me rhe vwa vwẹ vwẹ obi Nikopolis. Kidie etiyin mi ve phihọ nẹ me cha dia vwẹ ohwahwa na.

¹³Wọ me vwẹ ẹro te Zenas rẹ Ọriẹn urhi na kugbe Apolọs, cha ayen uko vwẹ idjerhe na, wo jẹ owẹvwe hwe aye-en.

¹⁴Wo mi jẹ ihwo rẹ avwanre wian omamọ rẹ owian rere ayen sa ghẹrẹ omaobọ rẹ ayen, rere ayen je yere fanrhiẹ fanrhiẹ.

¹⁵Ayen ihwo ejobi re hẹ obonẹ nẹ eyere uwe. Yere otu ri segbuyota re hẹ oboyi re reyọ avwanre ghaghare. Ẹserophe nene ovwan ejobi dia.