Read urhobo Jems 3 Bible Online

Jems 3 - urhobo bible

Jems 3

¹Imoni mẹ, ovwan ejobi ghwa dia iyono re-e, ovwan riẹn nẹ a cha vwẹ avwanre rẹ iyono na vwo guẹdjọ ọgangan.

²Kidie avwanre sheri vwẹ oma rẹ emu buebu. Ohwo ro rhe she vwẹ oma rẹ ota-a, yẹ ohwo yena omamọ rẹ ohwo ro se sun oma rọye rhe.

³Avwanre vwẹ ufi mu unu rẹ esi, rere ayen vwọ mu ọghọ kẹ avwanre, rere avwanre vwo kuoma rẹ ayen ejobi rhẹriẹ.

⁴We gbe nẹ okọ rẹ erhanre na; obo rẹ ayen rho te na odju ri mu ayen yan, yẹ uvi tutuno e vwo muẹ eghuvwu rẹ ayen, asan re biro ra ejobi kọye ọ ra.

⁵Eriyin ẹrẹnvwe je hanvwe te vwẹ oma na, ẹkẹvuọvo o yeyan buebu. Gbe nighe, umu umwerhanre rọ nẹrhẹ ekrun irhe rode torhẹ na!

⁶Ẹrẹnvwe na vwenẹ erhanre o ruẹ; ohwo umwemwu rọ hẹ oma rẹ avwanre ejobi na ọye hẹ ẹrẹnvwe, ọye ri miovwo ugboma na ejobi ọ me torhẹ eroro rẹ akpọ rẹ avwanre, ukuko rọye re ka torhẹ okpuyovwi rọye vwẹ erhanre rẹ orere rẹ igbẹphẹre.

⁷Kidie koka koka rẹ eranvwe na ejobi vẹ ephran, kugbe obo ri kpono vwẹ otọ rẹ ame ejobi na, e yono ayen ihwo rẹ akpọ na ji yono ayen buebu re.

⁸Ẹkẹvuọvo ohwo ro se yono ẹrẹnvwe herọ-ọ; ọ vọnre vẹ ogbarogba, o je vọn vẹ obi.

⁹Ọye ọvo na me vwo jiri Ọrovwohwo rẹ ọsẹ na; ọye avwanre vwọ harha ihwo efa rẹ Ọghẹnẹ vwẹ uhoho rọye ma.

¹⁰Evun rẹ unu ọvuọvo na ọye ejiro vẹ ekan nẹ cha. Imoni mẹ, komavọ a mrẹ emu ọvo ọtiọye vwo.

¹¹Ke se vo ame rọ miẹmiẹ vẹ ọ rọ yara vwẹ orhare ọvuọvo?

¹²Imoni mẹ, kẹ urhe rẹ owe sa mọ otiẹ vẹ owe kugbe? Eriyin na ame rẹ ughweri sa fobọ hirho phihọ ame rẹ osio-o.

¹³Ono re ghwanre ro vwo erianriẹn vwẹ usun rẹ ovwan na? E gbe jọ vwẹ omamọ rẹ eyere vẹ iruo esiri kugbe oma evwokpotọ dje aghwanre rọye phia.

¹⁴Ẹkẹvuọvo we de vwo omẹriọ vẹ erhi rẹ ohẹriẹ vwẹ udu rẹ ovwan, wa yeya-an, wa je vwọnrọn efia nyẹ uyota na-a.

¹⁵Oghẹre rẹ aghwanre tiọnana dia obo odjuvwu o nurhe-e ẹkẹvuọvo ọ rẹ akpọ na, rọ vọnre vẹ umwemwu rẹ akpọ na, kugbe ọ rẹ idẹbono.

¹⁶Kidie asan rẹ omẹriọ vẹ ohẹriẹ epha, ozighi vẹ uruemu ọbrabra a mrẹ vwẹ etiyin.

¹⁷Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

¹⁸Ufuoma vwenẹ ọye hẹ omamọ rẹ ọvwata kọnre vwọ kẹ ihwo re guọnọ ufuoma.