Read urhobo Jems 4 Bible Online

Jems 4 - urhobo bible

Jems 4

¹Die re suọ ẹghwọ vẹ ofovwi vwẹ uherevie rẹ ovwan na? Ọ dia avwerhe vẹ urhuru rọ hẹ oma rẹ ovwan re ghwa ofovwi cha-a?

²Ovwan vwẹ ẹro kpahe emu rẹ ihwo, yẹ ovwan se vwo-o; ovwan kẹ izighẹ, ovwan vọnre vẹ urhuru, yẹ ovwan vwori-i, kẹ ovwan họnra ji phio ofovwi. Ovwan gbi vwo-o, fikiridie ovwan nọre-e.

³Ovwan nọ, yẹ ovwan mrẹ-ẹ, fikiridie ovwan nọ chọ, rere ovwan vwo heri eheri ofefe.

⁴Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.

⁵Ovwan rori nẹ obo rẹ ọbe ọfuanfon na tare na kẹ ofian? Kọ vwẹ erhi na kẹ avwanre fiki rẹ omẹriọ?

⁶Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.

⁷Ovwan gba vwẹ oma kpotọ kẹ Ọghẹnẹ; ẹkẹvuọvo ovwan hirhe aro ku idẹbono, rere ọ mrasan djẹ nẹ ovwan oma.

⁸Si kẹrẹ Ọghẹnẹ, rere o si kẹrẹ owẹ. Hworhẹ abọ rẹ ovwan iruimwemwu na; hworhẹ udu rẹ ovwan rọ fon, ovwan otu ri vwo iroro ivẹ.

⁹Vwẹ oja re oma wẹn, wo mu oma phihọ, re wọ viẹ; jẹ aghọghọ wẹn hirhe phihọ uvweri rere ehwẹ wẹn hirhe phihọ unuẹfiọn.

¹⁰Vwẹ oma wẹn kpotọ kẹ Ọghẹnẹ, kọ kpare owẹ kpenu.

¹¹Imoni, ovwan ta ota ọbrabra kpahe ohwohwo-o. Ohwo rọ ta ota omiomiovwi kpahe omoni rọye, eyẹ o de gu omoni rọye, yọ ta ota kpahe urhi na, urhi na kọye e ji ghwe vwo guo ẹdjọ; ẹkẹvuọvo wo de bru hwe urhi na, yu wo rhe nene urhi na-a, ẹkẹvuọvo oguẹdjọ kọye wọ epha.

¹²Ohwo ọvuọvo ọye herọ, ọye ojurhi kugbe oguẹdjọ, ọye ọvo re sa ma, ọye ọvo ri ji se hwe; ẹkẹvuọvo ono owẹ ro brorhiẹ hwe ọrivẹ rọye?

¹³Yanrhe, wẹ rọ ta nẹ, Nonẹ na eyẹ odẹ rọ cha na, avwanre che kpo orere nana, ra cho eki ọsoso rẹ ẹgbukpe ọvo, rere avwanre mrẹ erere.

¹⁴Wọ riẹn obo re cha phia vwẹ odẹ rọ cha na? Die arhọ wẹn epha vwo? Kidie ovwan họhọ iphughẹ, rọ vwẹ oma phia emerha, ọ me ranvwiẹ kufia.

¹⁵Kperẹ ọtiọye na, ovwan ke tanẹ, O de jẹ Ọrovwohwo, avwanre ke rhọ, kẹ avwanre ru ọtiọna eyẹ ọtiọye.

¹⁶Ẹkẹvuọvo, kirobo re me mrẹ, ovwan ke ghọghọ vwẹ evun rẹ oma ephuo rẹ ovwan, aghọghọ yena yoma-a.

¹⁷Ohwo rọ riẹn emu esiri ro ru, o rhe ruo-o, kẹ umwemwu ọ dia vwọ kẹ.