Read urhobo Rutu 4 Bible Online

Rutu 4 - urhobo bible

Rutu 4

¹Boaz de kpo anuihoro, o de tidia etiyin; nighere, omoni kpẹkpẹkpẹ, ri Boaz ta ota rọye na, da yanrhe. Etiyin Boaz da ta, rhoma akakọ, ugbeyan; wo tidia etinẹ; ọ da rhoma akakọ, o de, tidia.

²Ọ da reyọ eshare ihwe re dia ekpako rẹ orere na, ọ da ta, tidia etinẹ. Ayen de tidia.

³Etiyin ọ da ta kẹ omoni na, Naomi, ro rhivwi nẹ orho ri Moab rhe, ọ she otọ ọvo rọ dia ọ rẹ Elimẹlẹk omoni rẹ avwanre.

⁴Ki mi rori nẹ me ta kẹ wẹ vwẹ irharo rẹ ihwo ri tidia etinẹ na, vẹ irharo rẹ ekpako rẹ ihwo mẹ na. Ọ da dianẹ wọ dẹ, dẹ: ẹkẹvuọvo ọ da dianẹ wọ dẹ-ẹ, ta kẹ vwẹ, rere me riẹn, fikiridie ohwo ọfa rha herọ chọ wẹ ra rọ dẹ-ẹ mẹvwẹ kọye vwọ kpahe owẹ. Ọ da ta, me cha de.

⁵Etiyin Boaz da ta, Ẹdẹ wọ da dẹ otọ na vwẹ obọ ri Naomi, yu wọ ghwa dẹ Rutu ohwo ri Moab, ayeuku rẹ ọ ro ghwuru na, rere a vwọ mrẹ odẹ rẹ ohwo rọ reuku vwẹ ẹdia rẹ ohwo ro ghwuru na

⁶Etiyin omoni na da ta, Me sa dẹ kẹ oma mẹ-ẹ, mi de re miovwo urhi rẹ ukuẹriọ mẹ: Dẹ ogangan rẹ ukuẹriọ mẹ kẹ oma wẹn, kidie me sa dẹ-ẹ.

⁷Asakiephana ọnana uruemu rẹ awanre vwẹ Izrẹl kpahe edadẹ vẹ ewene: rere e vwo ru iveve gan, ọvo ko yoro isabato rọye vwọ kẹ ọrivẹ rọye, ọtiọna ọye e se iseri vwẹ Izrẹl

⁸Ọtiọye na omoni na da ta kẹ Boaz, dẹ reyọ kẹ oma wẹn, Etiyin o de yoro isabato nẹ owọ rọye.

⁹Boaz da ta kẹ ekpako na vẹ ihwo ejobi, ovwan iseri mẹ nonẹ na nẹ me dẹ vwẹ obo ri Naomi emu ejobi rẹ Ebimẹlẹk vwori vẹ emu ejobi ri Kiliọn vi Malọn, vwori.

¹⁰Ji te Rutu rẹ ohwo ri Moab, ayeuku ri Malọn, me dẹrẹ rọ dia aye mẹ rere odẹ rẹ ọ ro ghwuru na vwo jefue, rere odẹ rọye vwo je rẹ vwẹ ekru rọye vẹ asan rọye: ovwan iseri nonẹ na.

¹¹Etiyin ihwo ejobi re hẹ anurhoro na, vẹ ekpako na, da ta, Avwanre iseri. Jẹn Ọrovwohwo ru aye na, rọ cha uwevwi wẹn na, kẹrẹ Rachẹl vi Leah, aye ivẹ na re tọn uwevwi rẹ Izrẹl phihọ. Jẹn oyovwi kẹ wẹ vwẹ Efrata, rere wo titi vwi Bẹtlẹhẹm,

¹²jẹn uwevwi wẹn dia kerẹ uwevwi ri Pẹrẹz ri Tamar vwiẹ kẹ Juda, fiki rẹ emọ rẹ Ọrovwohwo cha vwọ kẹ wẹ vwẹ oma rẹ aye nana

¹³Etiyin Boaz da reyọ Rutu ọ da dia aye rọye; o de bro ra, Ọrovwohwo de ruo vwọ mrevun, ọye o de vwiẹ ọmọshare.

¹⁴Etiyin eya na da ta kẹ Naomi, Ebruphihọ kẹ Ọrovwohwo, ro si we nẹ ovwuvwohwo: e jẹn odẹ rọye titi vwẹ Izrẹl!

¹⁵Kọ cha dia ohwo rọ rhọvwọ arhọ wẹn kugbe ohwo ro ni we ghwo; fiki rẹ aye rẹ ọmọ wẹ rọ guọnọ owẹ, rọ ghare kẹ wẹ nọ emeshare ighwrẹ, re vwiẹ kẹ.

¹⁶Naọmi de mu ọmọ na, o de muo phihọ obọ rọye, ọ da rhoma re dia ọyọrọmọ rọye.

¹⁷Eya to dia kẹrẹ de mu odẹ kẹ, tanẹ, Evwiẹ ọmọshare ọvo ki Naomi: Ayen de se odẹ rọye Obẹd: ọye ọsẹ ri Jesse, ọsẹ ri Devid.

¹⁸Enana kọye uvwiẹ rẹ Pẹrẹz: Pẹrẹz kọye ọsẹ rẹ Hẹzrọn,

¹⁹Hẹzrọn ọsẹ rẹ Ram, Ram ọsẹ rẹ Ammmadab,

²⁰Amminadab ọsẹ rẹ Nashon, Nashon ọsẹ rẹ Salmon,

²¹Salmon ọsẹ rẹ Boaz, Boaz ọsẹ rẹ Obẹd,

²²Obẹd ọsẹ rẹ Jesse, Jesse Ọsẹ rẹ Devid.